خاروف سلمى 🐑

إذا بتتذكرو البوست القديم عن روتين نوم سلمى 👇🏻

baby sleep routine | روتين نوم الاطفال

حكيت فيه عن تجربتنا بخلق روتين نوم لسلمى من لما كان عمرها ٦ أسابيع تقريباً ❤️

كانت تجربة حلوة وممتعة جداً 💫 (وأكيد فيها بعض التعب متل كل التجارب التربوية 🤷🏻‍♀️🌚)

بس كنت بعمر الـ٦ أسابيع لف سلمى وئت النوم بغطا كتير رقيق حتى ما تخاف كل شوي من حركة ايديها، وطبعاً قرأت كتير عن هالموضوع وهو حل كتير مساعد للأطفال يلي بعد الولادة بيكون عندهم انعكاسات عصبية كتير قوية وبتستمر معهم وقت أطول…

وبقيت سلمى تنام بهالطريقة للمرحلة يلي صارت فيها بتقدر تقلب على جنبها، وبهادي المرحلة لازم التخلي عن اللفة مباشرة لأنو بتبلش تشكل خطر بالاختناق، بحال قلب الطفل على وجهو وايديه مربطين ما رح يعرف ينقذ نفسو من الاختناق 💔

بس طبعاً التخلي عن عادة اللف كان كتير صعب بالنسبة لسلمى، وبدأت معها بتحرير ايد وحدة ولف الايد التانية لمدة كم يوم.. ووقتها صارت تلتهي بايدها كتيـــر وتتنشط وتطلع من مود النوم تماماً 😂😂🌚

وبوقتها قرأت كتير نصائح أخصائيين بهاد المجال وكان الخاروف هو الحل!

هادي اللعبة آمنة بنسبة كبيرة للاحتضان وقت النوم وخصوصاً انو هي عبارة بشكل رئيسي عن منديل طري وناعم ورقيق وعليه راس خروف فقط، يعني ما بيشكل مخاطر بالاختناق طالما هي تحت عيني باستمرار وأول ما بتغفا بخليه جنبها بس بعدي عن وجهها تماماً.

بالبداية كانت سلمى تحضنو كتير وتلعب فيه بدل ما تحرك ايديها بحماس 😂💔

و ما كنت اعطيها ياه خلال النهار أبداً! بترك الخاروف للسرير حصراً حتى بس تشوفو سلمى تعرف انو اجا وقت النوم ويصير روتينها ثابت أكتر ويعطيها استقرار نفسي 💫

ونجحت هالحركة ١٠٠٠٠٪؜ 🙌🏻

وقدرت وأخيراً اتخلى عن لفة سلمى بعمر الـ٤ شهور تقريباً 🙌🏻

وصارت مستحيل تنام بدون الخاروف 💔

الشيء الغير متوقع:

انو صار في علاقة كتير حنونة بس سلمى والخاروف!

أحياناً سلمى بتسرق الخاروف من السرير وبتركد فيه بكل البيت! ومن بين كل الالعاب الخاروف هو النجمة المميزة 🌟

حبيت هالعلاقة كتير ! وعطتني الهام كتير كبير بالمقابل ❤️

وساوت نوم سلمى اريح وأهدا وأحلى ❤️

Advertisements

قلادة العنبر لتخفيف آلام التّسنين | Baltic amber teething necklace

قلادة العنبر يلي بتلبسها سلمى، وكتير بتجيني أسئلة عنها على الانستغرام..

رح تعرفو بهاد البوست كل التفاصيل يلي بتخص وجع الأسنان و دور قلادة العنبر بتخفيف الألم، مع طرق استعمالها وأماكن توفرها وشو هي المخاطر والفوائد وكيف كانت تجربة سلمى معها 💕

Continue reading “قلادة العنبر لتخفيف آلام التّسنين | Baltic amber teething necklace”

weaning journey with Salma | رحلة التعرف على الطعام مع سلمى

البوست يلي كتير انطلب مني بآخر 3 شهور بس للأسف ماكان عندي وئت اكتبو 💔

بهالبوست رح احكي تجربتي مع أكل سلمى بالتفصيل، مع كل النصائح والمعلومات والخطوات يلي ممكن تساعدكم لتجربة ناجحة ان شاء الله 💖

Continue reading “weaning journey with Salma | رحلة التعرف على الطعام مع سلمى”

bullet journal February update |تحديثات شهر شباط على البوليت جورنال

أهم ميزات البوليت جورنال هو التحكم الكامل بشكل وخصائص ووظائف التنظيم فيه!

يعني هي تجربة قابلة للتطوير باستمرار، وبهاد البوست رح شارك معكم التطويرات الجديدة يلي ساويتها لشهر شباط على البوليت جورنال.

Continue reading “bullet journal February update |تحديثات شهر شباط على البوليت جورنال”

baby sleep routine | روتين نوم الاطفال

🌜 Good night mama 🌛
 
بعد محاولات مستمرة على مدى شهرين من النوم المتقطع وتعب الأعصاب المصاحب للحياة مع مولود جديد، 
قدرنا وأخيراً أنا وصديقي (سليم) نفهم على المخلوق الصغير واللزيز والصعب (سلمى)، ونعرف الطريقة المثالية للحصول على روتين ثابت وسهل للنوم بدون بكاء وبدون تعب وبانتظام 💕 
 
تابعو معي حتى تعرفو الخطوات بالتفصيل 
 
 

Continue reading “baby sleep routine | روتين نوم الاطفال”

➄ easy ways for an organized week | طرق سهلة لأسبوع منظم ➄

◭ 5 خطوات يمكن تطبيقها خلال عطلة نهاية الأسبوع لتسهيل عملية التنظيم  

 
5 خطوات كتير سهلة رح تكون بداية أسبوع جديد منظم، هدول الخطوات يلي رح شاركا معكم رح نساويها بعطلة الأسبوع (جمعة وسبت أو سبت وأحد) وغالباً مارح تاخد وقت أو جهد أبداً!
 بس نتائجها كتير حلوة وكتير بتسهل علينا تنظيم الاسبوع الجاية ❤ 
 
 
 

طريقة طباعة صور بولارويد بدون كاميرا فورية | how to print Polaroid photos without instant camera

◒ Polaroid 

 
صور البولارويد أو الصور الفورية من أحلى الطرق لحفظ الذكريات بشكل أنيق وبسيط  
وبهاد البوست رح اشرح طريقة طباعة هالصور بخطوات وأدوات سهلة كتير.
 

5 خطوط يدوية مميزة | 5hand writing fonts

 hand writing 

 
مع أنو خطي بالعربي متل خط طلاب الصف التاني >_<
بس رح شارك معكم طريقة كتـــيـــر سهلة للكتابة بالانكليزي بشكل حلو 
 

أكثر 5 ملهيات علينا تفاديها أثناء العمل | top 5 distractions to avoid

↞ أكثر 5 ملهيات علينا تفاديها أثناء العمل 

 
 
أعداء التركيز! 
 
غالباً منحاول نستجمع قوانا بصعوبة حتى نبدأ بمهامنا اليومية متل دراسة أو شغل أو ترتيب…الخ 
وبعد ما نقضي ساعات بنفس المكان منكتشف أنو كانت المدة الانتاجية نص ساعة والباقي راح على أشياء تانية ما الها علاقة بواجباتنا أبدا!!
 
وبعد تجربة هادي أكتر 5 أشياء بتقضي على الإنتاجية وقت العمل مع شوية حلول وقائمة جديدة ممكن تطبعوها حتى تساعدكم أكتر بالتنظيم  
 
 

أكثر 5 أشياء مفضلة لسنة 2015 | Top 5 favorites for 2015

❈ 2015 favorites 

 
عودة بعد إنقطاع طويل ×.× 
 
رح ابدأ معكم السنة الجديدة بأكتر 5 أشياء مفضلة عندي من سنة الـ 2015 حتى تستفادو منها أو تجربوها إذا حابين 
 
 
 

 

Continue reading “أكثر 5 أشياء مفضلة لسنة 2015 | Top 5 favorites for 2015”