ليش لازم نطبخ لأطفالنا؟ 🥘

هاد الشهر صار عمر سلمى سنتين! يعني تقريباً صارت عندي خبرة سنة ونص مع أكل الأطفال 🙌🏻

لاحظت نقطة مهمة جداً وبتأثر كتير على تفاعل الطفل وتقبل الأكل يلي منعطيه ياه، بس بالبداية شوفى البوست القديم يلي حكيت فيه كيف عرفت سلمى عبى الخضار والفواكه لأنو فيه معلومات مهمة جداً 👇🏻

weaning journey with Salma | رحلة التعرف على الطعام مع سلمى

Continue reading “ليش لازم نطبخ لأطفالنا؟ 🥘”

Advertisements

مخلّلات الماضي 🥒

بسنة ٢٠١٤ كنت ساكنة مع اهلي بجدة، بدون إقامة وبدون جامعة وبدون أقارب او أصدقاء وبدون شوارع 🌚

كانت جحيم ممل وبطيء 💔

ومرة كنت بـالمكتبة ووقعت عيني على كتاب بعنوان:

101 things to do before you’re old and boring

Continue reading “مخلّلات الماضي 🥒”

مراجعة كتاب من الصفر إلى الفخر

كتاب من الصفر إلى الفخر كيف تربين ابناً مميزاً:

الكتاب من كتابة وفاء أحمد غيبة، أخصائية تربوية.

بتحكي فيه بشكل مختصر وبسيط جداً عن:

Continue reading “مراجعة كتاب من الصفر إلى الفخر”

مطبخي اللامع ✨

من فترة كنت عم مر بحالة تعيسة نفسياً ورجعت اكتب بدفتر مذكراتي، آخر صفحة كتبتها من كم يوم كان فيها هادي العبارات:

حياتي كتير بشعة

بكره حياتي

وحاسة انو صارت صعب تنعاش!

مع انو ماكان متغير علي شي كتير! يمكن هاد السبب أساساً؟

كأني كنت متوقعة الحياة تعطيني الصدف السعيدة والانجازات الكبيرة باستمرار وبتحسن دائماً!

وكل ما صارت الحياة متوَقَّعة ومألوفة، المفروض يصير حدث يغير حياتنا تغيير كبير!

Continue reading “مطبخي اللامع ✨”

استراحاتي الانستاغرامية

يمكن صديقاتي يلي متابعيني على instagram لاحظو بالفترة الأخيرة استراحاتي الكتيرة يلي عم اخدها من السوشال ميديا، وكتير انسألت أسئلة متل:

. طيب ليش كل هالمدة؟

. لهالدرجة السوشال ميديا حارمتك من باقي النشاطات؟

. شو الفائدة من هادي الاستراحات؟

Continue reading “استراحاتي الانستاغرامية”

سلطة الباستا بالطريقة الإيطالية

حسناً، يمكن رح نبدأ ناخد الموضوع بشكل جدي أكتر 🌚

أنا بس اطبخ طبخة وتعجبني، بحكي طريقتها لكل حدا بقدر اتصل فيه!

ولو انو ماعندي وقت كبير للطبخ، بس هاد تحدي حلو بيخليني اكتشف كل الأسرار والتقنيات يلي بتخليني اطبخ أكل طيب ومفيد بشكل سريع 🙌🏻

ولذلك رح شارك معكم كل وصفة باتصل بأمي حتى احكيلها عنها 💃🏼

و اعطيكم الوصفة بصغية pdf حتى تحفظوها وتطبعوها بسهولة ❤️

سلطة الباستا الإيطالية، بتذكر ببداية ربيع ٢٠١٧ كنت عم دور بـ pinterest على أفكار لأكلات صيفية باردة ومنعشة وسريعة وغير مكلفة وصحية لو أمكن 🌚

كانت هادي السلطة من بين الخيارات يلي ساويتلها pin! وساويناها كتير الصيف الماضي واستمتعنا فيها جداً 🙌🏻

bf7b829b-ed39-46fa-8598-b4d480fdf81b

طبعاً عدّلت فيها شوي على مدار هالسنة وهادي هي الخلاصة 💃🏼

بساويها بباستا الحبوب الكاملة، لأنو منعتبرها وجبة رئيسية بالصيف!

8a994d94-c82b-4ba6-90c6-fef41befcf55a64383fe-dd4f-49c2-871b-d91ca5625a56

وباستا الحبوب الكاملة بتسويها مشبعة جداً (وصحية أكتر🤔)

مناكلها باردة وهادي هي أحلى ميزة! ومليانة خضار طازجة وملونة ✨

9c258105-5b5e-4a55-ba10-aec2618a58ba

ولأنو أنا بس كون بدي صور لوصفة ، أكيد رح انسى شي مكون 🌚✌🏻

متل يوم بوست وجبات مشتركة ❤️ إذا بتتذكروا 😂😂😂

لهيك هالمرة نسيت البصل الأحمل 🤦🏻‍♀️ واستبدلتو ببصل أبيض 🌚

بس رجاءً حطو فيها بصل أحمر لأنو كتير  أطيب 🙌🏻

الصلصة يلي المفروض تكون بهالوصفة، هي الصلصة الإيطالية للسلطات، ويلي أنا نسيت كل مكوناتها واخترعت بدالها صلصلة تانية ليست ايطالية بالمرة! بس كتير طيبة ومناسبة للأكلة ✨

4e71d8d8-7478-4067-bc65-aee38e0ef6d2

رح تشوفو بالوصفة اني استخدمت توابل البيتزا، هي مجموعة توابل

فيها اوريغانو وطرخون وحبق وريحان..الخ بس ممكن تستبدلوها بريحان واوريغانو مجفف.

d815a4d6-5091-412c-ae82-fed24c9e0f1a

بتقدرو تضغطو تحت حتى تقرأو الوصفة وتحفظوها وتطبعوها مجاناً 👇🏻

وصفة سلطة الباستا بالطريقة الإيطالية

بالعادة منساوي هادي الكمية يلي بالوصفة كوجبة رئيسية وبتكفينا أنا وسليم وسلمى وزيادة شوي، بس لو رح تقدموها كطبق جانبي، الكمية بتكفي أربع أشخاص بكميات ممتازة 👌🏻

ولو جربتوها ارسلولي الصور على الانستاغرام 💃🏼

منظم شهر تموز/يوليو المستعمل ☀️🍃

كنت عم قول اني ما بحب شهر تموز 💔 أو بالأحرى ما بحب الشوب 🌚

بس صديقتي الفنانة أمل قالتلي :

img_0717

img_0718

وهادي كانت قصة الاقتباس يلي بمنظم شهر تموز المستعمل 🙌🏻

145f62c0-7bbd-4ecb-904e-e653acd223f3

بالبداية إذا ما عندكم معلومات عن فكرة المنظم المستعمل والمطبوعلت يلي بساويها بتقدر تدخلو على هاد البوست لتعرفو كل شي 👇🏻

مطبوعات ٢٠١٨ للبوليت جورنال ☀️

هاد الشهر رح يكون شكلو هيك 👇🏻

90c7b1ef-2394-4976-995e-7f317b8f165d

0ba33a80-d624-4874-a47c-6d585f1bd650

اضغطو على اسم المنظم حتى تحملو بصيغة pdf مجاناً ❤️

منظم يوليو المستعمل

منظم شهر تموز المستعمل

وكمان هاد الشهر منبدأ نستخدم القسم التاني من السجل المستقبلي “future log” وللاسف ماكان عندي وقت شخبط عليه 💔

641edc64-3ab0-4eaa-afc0-b7cecbe942bd

اضغطو على رابط البوست  تحت حتى تشوفو البوست يلي بتقدرو منو تحملوه كمان مجاناً بصيغة pdf 👇🏻

مطبوعات ٢٠١٨ للبوليت جورنال ☀️

برمضان ااستخدمت مراقب العادات “habits tracker ” وحسيت أنو ساعدني كتير لمراقبة الاستمرارية بالتدوين والقراءة والحفاظ على الصلوات ❤️

لهيك رجعت استخدمتو مرة تانية 🙌🏻

f7b677d7-6d4d-4057-8489-2ee0690f14d0

اضغطو على الرابط تحت حتى تحملوه بصيغة pdf مجاناً 👇🏻

مطبوعات ٢٠١٨ للبوليت جورنال ☀️

وآسفة اني اتأخرت كالعادة بتقديم المنظم بس للاسف صار عندي مشاكل تقنية 💔

🌻المواعيد “السبتية” مع صديقي المفضل 🌻

بالبداية كنت محضرة كلمات مختلفة تماماً!

كنت عم احكي عن علاقتنا أنا وصديقي سليم وكيف منحافظ على التوازن عن طريق أمور بسيطة!

وكمان بالمرة بشارك توثيق موعد من مواعيدنا “السبتية” يلي صار الأسبوع الماضي وكان ناجح جداً 🙌🏻

بعد ما كتبت الموضوع ضحكت لأنو نحن حالياً بفترة مافيها توازن بالمرة 😂😂

وما رح اكتب شي بدون صدق ١٠٠٪؜ 🚫

لذلك:

سأكتفي بالحديث عن آخر موعد “سبتي” 🙌🏻

f8ae6ec6-9104-4151-9fff-e58f6b3ceb9f

من كم شهر الماما اقترحت علينا انو تعطينا يوم كل أسبوع، تاخد فيه سلمى من أول النهار ونرجعها للبيت بوقت النوم 💫

اخترنا يوم السبت!

لأنو هاد اليوم عطلة بس بتكون المحلات فيه فاتحة، وهيك منتسوق عن الاسبوع الجاية بدون ما تتعبنا سلمى،

وكمان لأنو المواصلات يوم السبت بتكون أرخص بكتير 😅 وهيك منقدر نروح مشاوير حلوة سوا 🙌🏻

بكتير مرات، وخصوصاً أول ما نقلنا على الشقة الجديدة، كنا نستغل هاد اليوم لتنضيف البيت وتزبيطه.. الخ

والسبت الماضي كان أول موعد حقيقي ممتع ومثمر!

خططناله قبل بيوم.. وقررنا نلغي روحتنا لمحل الخردوات المفضل، لأنو بعيد وكانت حالتنا الصحية مابتساعد 🌚

وكمان لغينا الغدا برا لأنو آخر الشهر 💁🏻‍♀️

لهيك قررنا نروح نتطفل على اختي فاطمة بالمقهى الهادئ والساحر الغاية 🙌🏻

أنا أخدت شاي الأعشاب لأنو في حرب بين أعصابي والفنجان التاني من القهوة 💔

وسليم اخد قهوة مثلجة..

9e9f55cd-75d3-4474-b117-66439c2b580f

كان الجو مثالي!! حرفياً !

درجة الحرارة ١٤ وشمس 🙌🏻✨ خيالي صح؟!

استمتعنا بالموسيقى الحلوة واتفرجنا على أب بيقرأ لبنتو الصغيرة قصة بهاد المقهى كل يوم سبت ❤️

واحتفلت مع فاطمة بالقلب يلي عرفت ترسمو على فنجان القهوة وأخيراً ❤️

انا اخترت اتناقش مع سليم بالكتب يلي عم اقرأها.. وسليم اختار يرجع يفتح الموضوع يلي سكرناه قبل بيوم بسبب انفعالي 🌚

كان الجو رايق وسعيد لدرجة اني انتبهت قديش كان موقفي سخيف لما انفعلت اليوم الي قبل وقررنا انو مافي شي نختلف عليه حالياً 😂🙌🏻

اتمشينا بالمدينة المبتهجة جداً لظهور الشمس ✨

بعدين اشترينا بيت جديد لحياة (نبتة المونستيرا) ❤️

ورجعنا عالبيت وطبخنا فتة حمص كمان لأنو آخر الشهر 💁🏻‍♀️

بتذكر الأيام يلي كنا فيها مخطوبين أنا وسليم وكانت ظروفنا زوبالة 😅

كنت قول بس نكون سوا أكيد رح نعرف “مباشرة” نخلئ سعادة لو شو ماكانت ظروفنا!

هذا الكلام خاطئ 🌚

نحن لهلأ عم نحاول نتعلم نصنع السعادة رغم الظروف التعيسة… وعم نتحسن الحمدلله 🙌🏻

بس يوم السبت عرفت أنو صناعة السعادة بدها تعلم ومحاولات.. في كتير محاولات ساويناها من قبل وكانت فاشلة.. بس مع هيك قضينا سوا سبت ناجح وأخيراً 🙌🏻

إلى صديقي المفضل سليم:

لو سمحت دور على شي سينما بتعرض أفلام باللغة الانكليزيةيوم السبت 🌚 سأكون سعيدة جداً بهيك مشروع وشكراً ❤️✨

952fbb3d-5116-4d13-903a-a9abd7f0b790

خلاصة رمضان ٢٠١٨ 💫

اتعلمت اني “لست حالة خاصة”!!

كنت مفكرة اني الوحيدة يلي عم عاني بهالمرحلة من حياتي مع الحفاظ على صلواتي، واني الوحيدة يلي بتكاسل بعد كل دورة شهرية، واني الوحيدة يلي عندي عندي “تساؤلات” بمواضيع جوهرية المفروض تكون من المسلّمات!

(لكون دقيقة اكتر أنا ما كنت مفكرة حالي “الوحيدة” حرفياً! بس يعني أنا ماني بالحالة العامة للأغلبية 🌚)

بس طلعت الناس مختلفة اختلافات كتيرة وما منقدر نصنفها بمجموعتين! الناس بتصرفاتها بتكوّن حالات كتيرة ومجموعات كتيرة كتير.. وأنا وحدة من هدول الناس ومعي بمجموعتي ناس متلي ❤️✨

عم يتساءلو نفس التساؤلات وحاسين بنفس الاحساس بالذنب ومفكرين انو هن وحيدين.. والناس يلي برا هالمجموعة مفكرين انو باقي الناس أكيد متلهم ومستغربين اساساً انو في حالة متل حالتي 🤔

حتى يكون كلامي مفهوم:

برمضان سألت على الانستاغرام ستوري، إذا البنات بيعانو من تقاعس بالعبادات بعد الدورة الشهرية ولا بيقدرو يرجعو يكفو عباداتهم بنشاط؟

كانو الناس قسمين واضحين كتير (بالاضافة لبعض الحالات المغايرة)

بس الأكترية كانو بين:

⁃ ناس ايمانهم قوي وتمسكهم بالعبادة مليء بالحب لهيك بيستكملو عباداتهم بشوق دائماً! بس مفكرين كل الناس متلهم ومستغربين بشدة انو انا عم احكي هالكلام !!😅

⁃ القسم التاني هن الناس يلي متلي (وكان عددهم هو الأكتر) ما بيستعيدو روحانياتهم بسهولة، بس حاسين بالذنب والوحدة ومفكرين انو الناس كلهم متل الفئة الاولى!

هاد الشي بيوصلني للدرس التاني يلي اتعلمتو:

اتعلمت انو الناس بتنصح بالاحسن دائماً، وهاد بيخلينا نفكر انو صاحب النصيحة هو الاحسن على الاطلاق!

ومنحس بالذنب لانو نحن ما عم نقدر نكون متلو!

بس وقت منلقي نظرة قريبة وصادقة على حياته الخاصة، رح نعترف بانسايته وانسانيتنا!

ونشوف انو هو صحيح محسن جداً بجانب من حياته، بس هاد الشي ما خلاه انسان كامل، هو تماماً متلنا ونحن لازم نحترمه على انسانيته ونحترم نفسنا على محاولاتنا المستمرة للتحسين،

بس بعيداً تماماً عن الشعور بالذنب!

الدرس الثالث:

اتعلمت انو اهالينا ربونا على كبت تساؤلاتنا المثيرة للجدل، حتى ما نخلي الناس تنفر منا!

بس لما جربت خلال رمضان اني اطرح كل تساؤلاتي بصوت عالي جداً ويقرأوه آلاف الناس! كانت حالات الاستهجان قليلة جداً!

الناس طلعت ما بتكره التساؤلات متل مو نحن مفكرين!

بالعكس الناس غالباً رح تفرح لو تساءلنا سؤال وكان بيشغل بالها بنفس الوقت، حتى تستفيد معنا بعملية البحث عن اجابات..

او بحال ما كانت عندها نفس التساؤلات، رح تعطينا نصيحة او دلالة تودينا لطريق اسهل للبحث عن الاجابات..

لذلك تساءلو بكل حرية ياصديقاتي!

الدرس الرابع هو:

اتعلمت كيف اني انتبه ما اغرق بتفاصيل التساؤل ضمن متاهة فكرية، وانسى تطبيق الخلاصات والاجوبة يلي عم استنتجها بحياتي العملية على شكل تصرفات!

مثال:

اني بالرغم من تساؤلاتي عن اسباب التمييز الجنسي بمجتمعاتنا والتعامل معها.. مع هادي التساؤلات ما لازم اتصرف تصرفات ظالمة سواءً مع الذكور او الاناث، ما هو التمييز الجنسي اساساً اكبر شكل من اشكال الظلم!

وأهم درس على الاطلاق كان:

اني ارجع ذكر حالي بضرورة التجربة!

واني ما احكم على اي شيء او شخص، باني مستحيل كون متله، او مستحيل اتصرف متله!

بتذكر أول كم قسم قرأته من كتاب ادرينالين لـ أحمد خيري العمري، حسيت الكتاب مشحون جداً بالغضب والعصبية وزعجتني قراءته، وقررت بعدها اني مستحيل اقرأله مرة تانية.. لأنه انسان قوي جداً وجريء وقوته واضحة جداً بكلماته وانا بحب اقرأ لناس حساسين اكتر 😅

وبعدين جربت قرائة رواية شيفرة بلال (ولم تعجبني كرواية) 

بس لما سمعت كتير عن كتاب الذين لم يولدو بعد، قررت تكون تالت وآخر محاولة… ويا للبهدلة!

وقعت في حب الكتاب! وهالمرة عجبني الكتاب أكتر بسبب جرأة احمد خيري العمري بوصفه لتصرفاتنا برمضان 🤷🏻‍♀️

لذلك! وبعد كل هذه الدروس:

رمضان فرصة مثالية وموسم سنوي لاكتشاف الذات والمحاولات الجديدة ❤️✨

وانامتحمسة جداً لرمضان الجاية 🙌🏻

4f69786a-cbe1-49b3-ba53-abc1e39baaa5

٢٣، رمضان ٢٠١٨ 🌙✨

هل تتعرضون للذبول؟

وأنا كمان 🌚

والورد 🌚

Continue reading “٢٣، رمضان ٢٠١٨ 🌙✨”