غرفة ألعابي 💫

كانت دائماً عندي رغبة بأنو نكون أنا وسلمى منستمتع بقراءة القصص سوا، بأول سنتين كانت سلمى ماتعرف تركز وقت القراءة وتلتهي طول الوقت بتخريب وأكل صفحات الكتاب.

من ٣ شهور ساويت لسلمى اشتراك بالمكتبة العامة بالمدينة الي ساكنين فيها، وصرت استعير قصص مصورة مناسبة لعمرها.

وأخدت عدد كبير من قصص مختلفة من ناحية عدد الكلمات وطريقة الرسم ومواضيع القصص حتى أعرف سلمى شو بتفضل؟

كانت تجربة متعبة وصعبة! بدايةً لأنو ماكنت بعرف انه الأطفال بعمر السنتين بيحبو يعيدو نفس القصة إلى الأبد بدون ملل وبيكرهو التنويع 😅

وثانياً: لأني ماكنت بعرف انه عندي رغبة قوية بقرائة قصص الأطفال! وتكرار نفس القصة يومياً ماكان عم يشبع فضولي 🌚

أول ما انتبهت انو كل ما منروح على المكتبة أنا بعصّب كتير من سلمى لأنها مابتسمحلي اتصفح القصص المصورة بهدوء وبتفضّل تركض بالمكتبة طول الوقت! عرفت الحل!

الحل كان اني ما أجبر سلمى تحقق رغباتي الطفولية! وفعلاً رحت على المكتبة لحالي بدون سلمى، ورجّعت كم القصص الخارق يلي كنت مستعيرتو 😅

وقعدت بقسم الأطفال ساعة كاملة اتصفح واقرأ واستمتع بالرسوم والقصص الساحرة! بدون إزعاج أو مقاطعة.

وأخدت معي كتابين لسلمى وواحد لإلي 🙌🏻

لسلمى صرت اختار القصص يلي بتكون ثنائية اللغة (عربي – ألماني) حتى اقرأ بالفصحى وما اضطر ترجم كل مرة ترجمة مختلفة 🌚، واختار المواضيع يلي بعرف رح تعجبها (مو تعجبني أنا بالضرورة)

ولإلي اخترت القصة يلي لما شفتها لمست شي بقلبي.

بتذكر جزء كبير من أحلام طفولتي وتخيلاتي! وبتذكر تماماً كيف كنت وقت اللعب شوف شكل الغرفة اتغير، وكل التخيلات كنت شوفها حقيقية جداً وملموسة!

شي مؤسف انه ماعادت عندي هادي المخيلة!

لما كنت صغيرة كان واحد من أهدافي، اني لما اكبر ما اكره الألعاب متل “الكبار”، كنت استغرب كيف الكبار بيكون معهم كل هالمصاري ومابيشتروا الألعاب الحلوة والمجلات والقصص المصورة يلي كنت اتمناها! ولهالسبب كان هدفي بوقتها اني لما اكبر يكون عندي غرفة ببيتي مليانة ألعاب 😂

وهالرغبة الطفولية يلي أنا لسا ماحققتها رح تعيق تعاملي مع طريقة لعب سلمى!

شو الحل؟ الحل اني العب 💃🏻

الإعلانات

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

المدونة لدى وردبرس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: