مخلّلات الماضي 🥒

بسنة ٢٠١٤ كنت ساكنة مع اهلي بجدة، بدون إقامة وبدون جامعة وبدون أقارب او أصدقاء وبدون شوارع 🌚

كانت جحيم ممل وبطيء 💔

ومرة كنت بـالمكتبة ووقعت عيني على كتاب بعنوان:

101 things to do before you’re old and boring

الكتاب فيه ١٠١ تجربة ممكن نساويها قبل ما نختير ونصير مملين 🌚

بعرف الجملة السابقة هي عبارة عن ترجمة بائسة للعنوان بس المهم،

بتذكر بوقتها كنت عم ابحث كتير عن أشياء لكسر الروتين اليومي، كالعادة المحتوى العربي فقير للغاية! بس المواقع الاجنبية فيها محيطات من الأفكار.. ومن بينها هالكتاب!

SAMSUNG CSC Processed with VSCO with a6 preset

الكتاب بيقترح ١٠١ تجربة وبيشرحها وبيعطي أمثلة وبيعطي صفحة لتسجيل معلومات وتواريخ توثيقلكل تجربة 🙌🏻

مع كل تجربة منساويها منحط ستيكر نجمة على صفحة التوثيق حتى نعرف انو تمت المهمة بنجاح 👌🏻

وبيعطي الكتاب نسخة مصغرة على شكل بطاقة شخصية مكتوب عليها قائمة بالـ ١٠١ تجربة حتى نتركها بالمحفظة وتكون معنا وين ما كنا، وايمت ما كفينا مهمة بالصدفة منشطبها.

بوقتها نفذت ٢ بتذكر:

ساويت شكل اوريغامي

واتعلمت العب بـ ٣ كرات (juggling ) متل البهلوان

باقي المهام كنت شوفها شبه مستحيلة!

من فترة كنت عم اكتب رسائل لصديقاتي واتذكرت الكتاب، لما فتحتو مرة تانية اكتشفت انو صار جزء كبير جداً من المهام قابل للتحقيق!

وبالصدفة كان في تحدي عن التخلي عن شغلة منحبها لمدة اسبوع، وكنت وقتها آخدة استراحة من instagram لمدة اسبوع 🙌🏻✅

SAMSUNG CSC Processed with VSCO with a6 preset

يمكن هي تجارب سخيفة وما بتحمل فائدة، بس إذا بعد عشر سنين بفتح هالكتاب وبشوف نجوم كتيرة على مهام ساويتها أنا وبشبابي، بظن وقتها رح افرح انو ماكانت حياتي جدية بشكل مقيت! وقضيت فيها أوقات مرحة 🤷🏻‍♀️

وهالشي بيرجعني لشي مهم كتير! لازم جهز scrapbook لسنة ٢٠١٨ 🤔

التوثيق السنوي عن طريق تصوير الاحداث الحلوة وجمعها بألبوم مع كتابة تفاصيل، رح تحفظ الزمن بمرطبان فيه مي وملح وخل 🌚 

نعم، أريد ماضٍ مخلل 😂🙌🏻

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s