كتاب من الصفر إلى الفخر كيف تربين ابناً مميزاً:
الكتاب من كتابة وفاء أحمد غيبة، أخصائية تربوية.
بتحكي فيه بشكل مختصر وبسيط جداً عن:
نماذج البيئة المناسبة لتربية طفل مميز
الموازنة بين الحب والحزم
صناعة الهيبة بخمس قواعد
التعامل مع الامور اليومية مثل
الروتين، النوم المنظم، الطعام الصحي والعقاب الصحي
تقنيات تربوية أساسية
وأمثلة وحلول لمواقف خاصة قد تحصل مع الاهل
الكتاب حجمو كبير وفيه كتير صور ورسومات بيانية وجداول، وبيشبه المجلة بأقسامه الصغيرة..
هاد الشكل ممتاز للناس يلي بتحب هالنوع من الكتب او للأمهات يلي ماعندهم وقت للقراءة وبيحتاجو شي سهل وبسيط ومساعد على الفهم بسرعة اكبر..
بس بالنسبة الي كان شكل الكتاب مزعج لأني بالعادة بحب الصفحات البيضاء المليانة أفكار عميقة بخط اسود فقط 🌚
كتاب تقليدي بحت ليشبع رغبتي بالقراءة 💔
بصراحة لسا ماقرأت عناوين كتيرة بكتب التربية حتى يكون عندي خبرة لوصف الكتاب ومقارنته بباقي الكتب
بس بشكل عام شفتو جيد جداً!
بيغطي مواضيع تربوية جداً جداً أساسية وبيستخدم أمثلة بسيطة وبتشبه حياة اغلب الأمهات وبعيدة كل البعد عن المثالية والتنظير 🙌🏻
حبيت قسم تناول الطعام وحبيت جداً قسم العقاب الصحي.. ولفتلي نظري لكتير جوانب تربوية حتى اتعمق وابحث فيها اكتر بالايام القادمة ان شاء الله متل الذكاء العاطفي واهميته عند المربي!
لهيك بشكل مختصر شفت الكتاب رح يكون رائع بالنسبة للأمهات يلي ما بيحبو القراءة وبيبحثو عن المعلومة بشكل جذاب ومختصر، وجيد كبوابة للأمهات القارئات حتى يتعمقو من بعدها بنفس الأفكار المذكورة ولكن بكتب تانية بتحكيها بتفصيل أكبر ❤️
قراءة ممتعة!
اترك رد