استراحاتي الانستاغرامية

يمكن صديقاتي يلي متابعيني على instagram لاحظو بالفترة الأخيرة استراحاتي الكتيرة يلي عم اخدها من السوشال ميديا، وكتير انسألت أسئلة متل:

. طيب ليش كل هالمدة؟

. لهالدرجة السوشال ميديا حارمتك من باقي النشاطات؟

. شو الفائدة من هادي الاستراحات؟

بالبداية كانت تجربتي مع الاستراحات فقط للتخفيف من الإدمان! بوقتها كنت شايفة انو مافي أضرار من استخدامي الكثير لموبايلي بس حابة جرب اخد استراحة وشوف مشاعري فيها واتذكر كيف كانت الحياة قبل الانترنت 😂

بعد أول كم تجربة الحمدلله صار وعيي أكبر من ناحية عدد الساعات والمواقف يلي بتخليني احمل موبايليوتدريجياً صرت اكره آخد موبايلي على غرفتنا وقت النوم، وصارت تتفتح عيوني على كل الأضرار والتعلق الشديد!!

مثلاً:

صرت انتبه على المرات يلي بمرر فيها اصابعي على الشاشة لتصفح محتوى ما بيهمني أبداً! وحتى كتير أوقات بكون ماني مركزة بالمرة بالصور والكتابات يلي عم شوفها بس المهم عم قلّب بين صفحات الناس!

وانتبهت على الخوف من الخلوة بالنفس! وخصوصاً وقت استعمال الحمام 🚽🌚 كأنو لو شي مرة دخلنا مستعجلين ونسينا الموبايل برا ممكن نموت من الملل أثناء هالمهمة 😅

انتبهت لعدد النظرات يلي كان ممكن نتبادلها أنا وسلمى بدل ما كون مركزة بالشاشة.

والأهم على الإطلاق! صحيح أنا ما كنت عم اضطر الغي مهامي حتى استعمل موبايلي بهالوقت، بس حتى هاد الوقت الفاضي والغير مهم يلي بقضيه على الشاشة، لو حذفت الشاشة منو رح حس بالملل واضطر استخدمو بنشاطات ممتعة تانية! متل القراءة او التدوين او تنظيم البيت او التفكير بقائمة وجبات او اللعب مع سلمىوكتير كتير احتمالات احلى من مجرد المتابعة!

SAMSUNG CSC Processed with VSCO with a6 preset

بالنهاية وصلت للمرحلة يلي اقتنعت فيها تماماً انو بالرغم من كل الفائدة والمعلومات الحلوة والالهام والطاقة المشجعة يلي باخدها من ناس بغير مكان عن طريق الشاشات! بس لازم اخد استراحات باستمرار بعيداً عن تداخل الافكار والاجواء والمعلومات الكتيرة والسريعة!

واستخدم هاد الوقت لارجع اسأل حالي اسئلة مهمة متل :

مين أنا؟

وشو بدي؟

ومين الناس يلي رح تساعدني؟

SAMSUNG CSC Processed with VSCO with a6 preset

غالباً بعد كل استراحة بساويها برجع بقرارات مريحة جداً، وبحذف كم شخص من قائمة المتابعة وبضيف كم شخص جدد!

طالما وقت المتابعة صار قليل، معناها لازم تابع الناس يلي رح ترفعني فقط!

آه ونصيحة مهمة جداً:

وقت الاستراحة من السوشال ميديا، احذفو netflix رجاءً!

Advertisements

2 thoughts on “استراحاتي الانستاغرامية

  1. ما اجمل هالكلام كنت بتمنى لاقي حد يشجعني على اني ابعد عن السوشيال ميديا ولاحظت بعدك عنها ،، ان شاء الله رح اعمل بتجربتك هاي واركز على شغلات اهم وبنصحك ب كتاب اسمه فن اللامبالاة بحكي عن هيك مواضيع وكيف تختاري الامور الاهم وترتبي اولوياتك وشغلات حلوة كتيير

    Liked by 1 person

  2. أقدّر و أحترم جدّا شجاعتك على القيام بهذه الخطوة المهمّة جدّا و الصّعبة في نفس الوقت.
    الانترنت أصبحت جزءا مهمّا من حياتنا لا نتخيّلها بدونه و أصبح تصفّح مواقع التّواصل الإجتماعي ضرورة لا يمكن أن يمرّ يوم إلاّ و قمنا بها و كأنّنا لا نستطيع العيش من دونها. و هي في الواقع لا تصنّف إلاّ في قائمة الأعمال الغير ضروريّة و الغير عاجلة و لكنّنا نحاول اقناع نفسنا بأنّها مفيدة و ملهمة كتبرير لإستعمالنا المفرط لها. و بذلك نضيع و للأسف الكثير من الوقت و اللّحظات الجميلة التّي كنّا سنتمتّع بها لو تركنا هواتفنا جانبا و نظرنا من حولنا و تفاعلنا مع ما يحيطنا و فكّرنا بتروٍّ دون تشتيت متواصل.
    أحيّيك لطيفة على قرارك 🙂

    Liked by 1 person

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s