بالبداية كنت محضرة كلمات مختلفة تماماً!
كنت عم احكي عن علاقتنا أنا وصديقي سليم وكيف منحافظ على التوازن عن طريق أمور بسيطة!
وكمان بالمرة بشارك توثيق موعد من مواعيدنا “السبتية” يلي صار الأسبوع الماضي وكان ناجح جداً 🙌🏻
بعد ما كتبت الموضوع ضحكت لأنو نحن حالياً بفترة مافيها توازن بالمرة 😂😂
وما رح اكتب شي بدون صدق ١٠٠٪ 🚫
لذلك:
سأكتفي بالحديث عن آخر موعد “سبتي” 🙌🏻
من كم شهر الماما اقترحت علينا انو تعطينا يوم كل أسبوع، تاخد فيه سلمى من أول النهار ونرجعها للبيت بوقت النوم 💫
اخترنا يوم السبت!
لأنو هاد اليوم عطلة بس بتكون المحلات فيه فاتحة، وهيك منتسوق عن الاسبوع الجاية بدون ما تتعبنا سلمى،
وكمان لأنو المواصلات يوم السبت بتكون أرخص بكتير 😅 وهيك منقدر نروح مشاوير حلوة سوا 🙌🏻
بكتير مرات، وخصوصاً أول ما نقلنا على الشقة الجديدة، كنا نستغل هاد اليوم لتنضيف البيت وتزبيطه.. الخ
والسبت الماضي كان أول موعد حقيقي ممتع ومثمر!
خططناله قبل بيوم.. وقررنا نلغي روحتنا لمحل الخردوات المفضل، لأنو بعيد وكانت حالتنا الصحية مابتساعد 🌚
وكمان لغينا الغدا برا لأنو آخر الشهر 💁🏻♀️
لهيك قررنا نروح نتطفل على اختي فاطمة بالمقهى الهادئ والساحر الغاية 🙌🏻
أنا أخدت شاي الأعشاب لأنو في حرب بين أعصابي والفنجان التاني من القهوة 💔
وسليم اخد قهوة مثلجة..
كان الجو مثالي!! حرفياً !
درجة الحرارة ١٤ وشمس 🙌🏻✨ خيالي صح؟!
استمتعنا بالموسيقى الحلوة واتفرجنا على أب بيقرأ لبنتو الصغيرة قصة بهاد المقهى كل يوم سبت ❤️
واحتفلت مع فاطمة بالقلب يلي عرفت ترسمو على فنجان القهوة وأخيراً ❤️
انا اخترت اتناقش مع سليم بالكتب يلي عم اقرأها.. وسليم اختار يرجع يفتح الموضوع يلي سكرناه قبل بيوم بسبب انفعالي 🌚
كان الجو رايق وسعيد لدرجة اني انتبهت قديش كان موقفي سخيف لما انفعلت اليوم الي قبل وقررنا انو مافي شي نختلف عليه حالياً 😂🙌🏻
اتمشينا بالمدينة المبتهجة جداً لظهور الشمس ✨
بعدين اشترينا بيت جديد لحياة (نبتة المونستيرا) ❤️
ورجعنا عالبيت وطبخنا فتة حمص كمان لأنو آخر الشهر 💁🏻♀️
بتذكر الأيام يلي كنا فيها مخطوبين أنا وسليم وكانت ظروفنا زوبالة 😅
كنت قول بس نكون سوا أكيد رح نعرف “مباشرة” نخلئ سعادة لو شو ماكانت ظروفنا!
هذا الكلام خاطئ 🌚
نحن لهلأ عم نحاول نتعلم نصنع السعادة رغم الظروف التعيسة… وعم نتحسن الحمدلله 🙌🏻
بس يوم السبت عرفت أنو صناعة السعادة بدها تعلم ومحاولات.. في كتير محاولات ساويناها من قبل وكانت فاشلة.. بس مع هيك قضينا سوا سبت ناجح وأخيراً 🙌🏻
إلى صديقي المفضل سليم:
لو سمحت دور على شي سينما بتعرض أفلام باللغة الانكليزيةيوم السبت 🌚 سأكون سعيدة جداً بهيك مشروع وشكراً ❤️✨
رائع جدا 💕💕 مواعيد سبتية موفقة بالأيام القادمة صديقتي 💕
إعجابإعجاب
كان لكما السعادة🌚 ممتنة لك كثيرا لأنني أستلهم منك العديد من الأشياء التي تبقيني متوازنة في الفترة الأخيرة ❤
إعجابإعجاب
ماما لكما* …😂😂
إعجابإعجاب
ياااا الله ههههه دامت دامت يا هاتفي
خطأ مصبعي😂
إعجابإعجاب
يارب كل أوقاتكم حلوة على طول 😍
إعجابإعجاب
“بس يوم السبت عرفت أنو صناعة السعادة بدها تعلم ومحاولات.. في كتير محاولات ساويناها من قبل وكانت فاشلة.. بس مع هيك قضينا سوا سبت ناجح وأخيراً ”
موضوع رائع يا لطيفة، أمر بنفس هذه المرحلة، وقد أدركت أن السعادة تستوجب التخطيط 🙂
إعجابLiked by 1 person