٢٣، رمضان ٢٠١٨ 🌙✨

هل تتعرضون للذبول؟

وأنا كمان 🌚

والورد 🌚

كنوع من المشاركة والخروج من حالة الذبول يلي أنا فيها هاليومين:

 

أسباب غريبة تصيبني بالذبول:

1. بعد نجاح أو الوصول لمرحلة مهمة كنت عم اسعالها 😅

2. بعد محاولات مستمرة للحفاظ على بيت نظيف بوجود طفلة عمرها سنة ونص

3. بعد غياب الشمس ٣ أيام متتالية

4. بعد أول ٤ أيام من الشهر لأنو بحس انو خلص راتبنا مباشرة 😂✌🏻

5. بعد ماساوي فيديو لليوتيوب وياخد وقت رهيب وبعدين ما اعرف من وين جيب موسيقى مناسبة 🤦🏻‍♀️

6. بعد ما قدم لسلمى ٣ أنواع مختلفة على وجبة العشاء بالتتالي! وترفضها وحدة ورا التانية واضطر خليها تتعشا خيارة 🤦🏻‍♀️🤦🏻‍♀️

7. المصدر الأكثر تكراراً: أصاب الذبول بعد الجهد الكبير في المهمة الخاطئة 🤷🏻‍♀️

 

بالنسبة الي كل ما بفوت بهالمرحلة بحس بثقل رهيب بجسمي وبخمول، وفقر بالأفكار والإلهام..الخ

بس بالعادة بيكون عندي قائمة اسعافات أولية متل:

1. puzzle

2. art therapy (بحب استخدم الألوان المائية لتلوين رسمات دقيقة جداً)

3. كتاب ممتع.

4. قهوة مع اختي (مفعولها سحري ✨)

5. افتح الصور العائلية القديمة

6. قراءة أهدافي السابقة ومراقبة التقدم 💃🏼

7. الموسيقى يا صديقتي الموسيقى 🙌🏻

8. التخطيط لعمل قادم محفز!

 

هادي هي الطرق البسيطة للأزمات البسيطة، بس خلال رمضان كان في طرق تانية عم تساعدني متل:

 

1. المواجهة! يعني اني واجه سبب الذبول وخليه يروح

2. الجو المحيط، وأبداً ما تسهينو بهالعامل! أحيانا بيكون البيت مكركب وأول ما برتبو بطلع من حالة الذبول، أو وقت بيكون في شي محدد بشكل المكان زاعجنا بصرياً طول الوقت بدون ما نعطيه قيمة.. أنا شفت اني لما بساوي حل لهالشي المزعج بصرياً متل لوحة مايلة او ثقوب من مسامير قديمة بالحيط..الخ بتخليني حس بالانتعاش وبتشيل عن عيني الازعاج اليومي!

3. الاستسلام للحب الالهي ❤️✨ وقضاء بعض الوقت بالهدوء وقراءة كلمات ربنا من المصحف.. بتنعشلي روحي بكل مرة وكأنها أول مرة 🙌🏻

4. الورق! لتفريغ الافكار والخواطر المبعثرة ، وبس اخلص برمي الورقة بالزبالة 🌚

 

شو هي أسباب ذبولكم؟ وشو أهم عناصر قائمة الاسعافات الاولية؟؟

img_9791

Advertisements

7 thoughts on “٢٣، رمضان ٢٠١٨ 🌙✨

  1. ان شاء الله راح اطبق طريقة الاسعافات … هذي الفتره صاير يجين ارهاق وكسل وعارفه انو مو بسبب المرض بل بسبب مخاوفي .. شكرا

    إعجاب

  2. حبيت الاسعافات الاوليه كتييير
    وشكلهن بينفعو عالأكيييد…
    من جهتي بحس بالذبول وقت اعطي وقتي ل شغلة معينة او مشروع صغير وبالأخير تبرد همتي بسبب كلام بعض المحبطين او سبب البلد يلي عايشة فيه (لبنان)..
    بحس بالذبول وقت أحب الناس عقلبي ما يسئلو عني او حدا بحبو كتير ويتجاهلني ويبرد تجاهي..
    بحس بالذبول وقت اتكاسل عن صلاتي او أقطعها كم يوم..
    بحس بالذبول مرررات ومرات لأني نفسي اطلع من هالمكان ومو طالع بأيدي شي
    وشو بدي عد ل عد… الحمد لله 🙂

    إعجاب

  3. كلام رائع وفعلا طريقة ٢ هيي اكتر شي بتاثر فيني وكنت من قبل مقتنعة او بالاحرى حاولت اقنع حالي انو مالو علاقة بذبولي بس فعلا الو تاثير كبير عليي وانتي هلأ وضحتيلي ياه بعقلي اكتر شكرا كتير 😍😍

    إعجاب

  4. 1-اكثر ما يشعرنى بالذبول هو عدم سير الامور علي النحو التى خططت له..انا شخص صعب و لا أضع خطط بديلةللاسف
    2-الافكار الكثيرة دون عمل اى شى يشعرنى بالذبول أيضا
    3-شعورى ان الامور بسيطه و لكن الجميع حولي يقوموا بتعقيدها
    4-حبي الدائم لان يكون كل شئ كامل 100% (مشكلتى الاذليه التى لا أستطيع التخلص منها)
    *بعض إسعافاتى
    1-المشي وحيده لساعه مثلا
    2-الخروج مع صديقه
    3-أحيانا يكون الاسعاف هو تمشيط شعرى😂😂و بعدها أشعر بتحسن حقا
    4-إنجاز اى شئ ممتع و مفيد❤

    إعجاب

  5. أشعر بالذبول وقت ما يحصلي art block 😟، بحاول أتغلب عليه بجولة على Pinterest والخروج من البيت، ممارسة الفن خارج البيت كتير مفيدة ومهمة.

    إعجاب

  6. ايه والله ضرورية قائمة الاسعافات الاولية ، انا اول شي بفكر فيه اني اشرب نسكافيه بهدوء _ارسم_ لون _اقرأ كتاب _ او اطلع مشوار لحالي _ بس للاسف بالنسبة الي هي مو اسعافات اولية هي احلام خصوصي بهالفترة. الله يقوينا على تربية اولادنا بهالغربة 😘

    إعجاب

  7. بحس بالذبول باشياء كتير ومزعجه لهيك الي اسبوعين بتختي بس
    من تفكيري ومن المشاكل المتراكمه بحس بالذبول لما بحس انو انا لحالي وما عندي حدا بحس بالذبول لما بتذكر حياتي الي كانت معظمها فشل الواحد اكبر خيبه لالو انو الحياه الي تخيلها شي وتطلع صادمه كتير بحس بالذبول والانكسار وقتها
    اهنئك صديقتي فعلا موضوع جدا رائع ولم يخطر لي ابدا ان ابحث عن اسباب الذبول واعالجها من قبل فشكرا جزيلا على مساعدتك لي

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s