٢١، رمضان ٢٠١٨ 🌙✨

في سؤال ببالي.. ولسا ما بحثت بعمق عن جواب، ولو اني بعرف انو هيك جواب بيحتاج دهر وحكمة حتى استنتجو!

بس رح احكي القصة بالأول وبعدين بطرح السؤال وبتخبروني برأيكم فيه 🤔

البداية بسوريا، ربينا من نحن وصغار ببيئة متناقضة جداً وكثيراً! دينياً، أخلاقياً، والأهم عقائدياً!

لحسن الحظ (ربما) كنا دائماً محاطين بأصحاب دين!

مستمرين بشكل بطيئ بحفظ القرآن من طفولتنا ومنحضر مجالس دينية “نسائية” باستمرار..

وبوقتها وقت آنستنا تحمسنا على الصلاة كنت صلي بحب!

ولما سافرنا وانقطعنا، التأثير اختفى! وهاد جداً طبيعي.

هون فعلياً الاختبار العظيم.. اختبار الإيمان الحقيق واختبار الثبات..

ولما سكننا بألمانيا انتقلنا لمرحلة أعلى من الانقطاع!

مثال صغير بيشبه حالتنا: الحالة المنتشرة جداً، وقت بنت عادية جداً بتنخطب لشخص بيطلب منها تلبس بطريقة محتشمة اكتر، طلب صحيح مافيه أي خطأ طبعاً لأنو ما عم يطلب منها تغضب ربنا بالعكس عم يطلب منها ترضيه،

بس هي بتلبس هيك بس حتى ترضي خطيبها، ممكن تعيش حياتها وتموت وهي بتلبس بالشكل يلي بيرضي ربنا ومقتنعة بهالكلام، او ممكن ينفصلو! ووقتها رح يكون اختفى سبب الحشمة وترجع للبسها الطبيعي سابقاً! هاد مجرد مثال لحالتنا العامة..

يعني وقت منكون ضمن جماعة بيكفينا انو عم نساوي متل ما الكل عم يساوي “طالما هو شي بيرضي ربنا”

والامتحان بيجي لما منضطر نترك هالمجتمع ونطلع، ويختفي سبب التزامنا! وقتها مننتبه قديش رصيدنا الشخصي قليل!

متل وقت منكون بعزيمة كبيرة عند ناس متلنا، بيقومو ليصلو ومنتذكر معهم ومنصلي سوا!

بينما وقت منكون بمكان متل محاضرة طويلة بدولة اجنبية، فجأة بيمرق الوقت ومننسى نصلي..

هالموضوع خلاني فكر بعمق، يمكن انا اقدر اتخطى هالامتحان، بس انا مسؤولة عن تربية بنتي بمجتمع غير مسلم “غالباً لا يؤمن بالديانات أساساً” لهيك لازم اعرف جواب هالسؤال:

بيكفي انو نساوي الصح؟ ولا لازم نساوي الصح للسبب الصحيح حصراً؟؟

حالياً وصلت للسؤال، وبعدها بتبدأ مرحلة البحث عن الإجابة 🙌🏻

يسرني سماع اقتراحاتكم لمصادر او أسماء كتب أو تجارب شخصية بهالموضوع ❤️✨

img_9733

Advertisements

5 thoughts on “٢١، رمضان ٢٠١٨ 🌙✨

  1. الدين هو ليس دين للعبادة فقط انما علم اتى من عند ربنا ليخفف علينا التعب لندور عليه ونكتشفه …انا شخصيا اتبع ديني الأسلامي من جهة انه بيحطني على طريق الصح انو بعلمني كيف اتجنب الغلط وكل شيء مكتوب بلأسلام لازم نعمله هو له اسباب بتفيدنا وما بتفيد الرب ..مثلا الصيام بيعلمنا الصبر لكيف نواجه شيء يوم مصيبة تجينا يعلمنا الأحساس لنقدر نوقف مع الناس الي تحتاجنا من الممكن نحن نحتاجه بمرور الزمن والصيام جدا مفيد لصحة الجسم ووو..انا بصوم لسبب يفيدني مو انو ديني هيك لازم اعمل هيك …لازم كل شيء نعمله يكون اله سبب …وبلدين الأسلامي مكتوب الأسباب والطرق الصح الي لازم نمشي فيها ولهيك انو نتبع الدين لانو هو الي بيعطينا الطريق الصح لكيف نعيش بهل حياة مش فقط واجبنا نعمل هيك ف بنعمله و دمتي بخير ❤

    إعجاب

  2. اكيد للسبب . مرة سألت نفسي هل انا متنقبه للاقتناع او لان نساء العائلة اغلبهم منقبات واكتشفت انو الموضوع ماكان بإختياري من الاساس ولكن بسبب العاده .

    إعجاب

  3. كلامك تماماً صحيح .. وتفكيرك بالموضوع منطقي جداً
    صار معي ومع إخوتي نفس القصة ونفس الشعور ..
    حتى وصلت لمرحلة بتذكّر شو كنت أعمل بالشام وبقول ليش ( مع أنّي كنت مقتنعة بكل شي اعملو ) ..
    وفعلاً الشخص يلي بشوفني هلأ ما بصدق أنو كنت مُلتزمة للدرجة يلي كنت فيا .. طبعاً وهاد شي كتير مؤسف ..
    ف رأيي بينقسم لقسمين .. :
    أول قسم هو جواب على سؤالك ..
    ولح اختار أنو نعمل الصح للسبب الصحيح ويكون نابع من دافع داخلي ومعرفة واضحة مُسبقة ..
    تاني قسم بدّي لوم جماعاتنا ؛ وكيف الشي الوحيد يلي ما علمونا يا هو أنو ما عوّدونا نعبد الله ونكون أقوياء لحالنا بدون مساعدة ..
    طبعا وبهاد الحكي ما عم ألغي أنو قسم كبير من الحق يقع عليي ..
    😌😅

    إعجاب

  4. لا يا حبيبتي لازم تعيدين حساباتك الصح هو انك تعملين العمل لمرضاة الله و لا تشركي رضا شخص اخر معه ، انتبهي لهذي النقطة لانه غالبا بنغفل و ما نفطن … عندي اقتراحات ابتدي اسمعي لجميلة خليف في اليوتيوب طيعيني و جربي و راح يكون لك مرجع موثوق واضح لدينا 💕 و جميل جداا جداا ❤️

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s