اليوم العاشر من رمضان ٢٠١٨ 🌙✨

بعد الجرد الأسبوعي يلي ساويتو مبارح:

قررت شوية قرارات، من بينها تصحيح النظام الغذائي مباشرة!

تنويه سريع: مطبخنا لسا يفتقر لكتير من المعدات الرئيسية متل (فرن أحسن من يلي عنا لأنو بطيئ جداً، وكل أنواع محضرات الطعام من الخلاط وحتى فرامة البصل كلها غير موجودة.. وكمان نقص بأواني التحضير)

لذلك كنت عم امشي على أكلات تقليدية خفيفة ولكن مملة نوعاً ما ومافيها قيمة غذائية!

فالبداية كانت مع تغيير النظام الغذائي، وتاني تعديل هو مع روتين سلمى اليومي.

من بداية رمضان نحن منفطر بحوالي الساعة ٩:١٥ ومنخلي سلمى معنا على الطاولة حتى ناكل سوا، وبتنام بعدها على الساعة ١٠:٣٠ تقريباً او للساعة ١٢ أحياناً..

وبتفيق معنا عالساعة ١٠ص . كنا شايفين انو هالروتين مناسب، بس للأسف كانت سلمى عم تتعب كتير لما بتسهر لهالوقت وغالباً بتنام منكدة بسبب التعب وبتبكي وبتطول لتغفى 💔

وكمان لما منفطر سوا بتكون سلمى متعبة كتير وبتسبب توتر على الفطور 🌚

قررت اتشجع متل صديقتي baby_jolla  يلي حكت من فترة انو بتنيم بنتها قبل الفطور مباشرة (بحكم انو هي كمان ساكنة بألمانيا والوقت بيكون متأخر أساساً) وبعدها بتفطر وبتكفي يومها طبيعي بدون ما تأثر على روتين بنتها بأي شي!

تجربة شجاعة بصراحة!

وقررنا انا وسليم انو نجرب اليوم ننيم سلمى قبل الفطور، حتى نحن كمان ننام بكير ونفيق على صلاة الفجر مرة تانية 🤔

بكرا بخبركم بالنتائج ✌🏻😅

بس مبدأياً بتحبو تشوفو وصفات على المدونة من الأكلات الجديدة يلي رح جربها هالفترة؟ 🤔

img_9228

Advertisements

One thought on “اليوم العاشر من رمضان ٢٠١٨ 🌙✨

  1. لما سألتي أمس على ايش بناكل ما كان عندي جواب لأني نفسي لسا بشتغل على دا الموضوع و أيام تزبط و أيام لأ، فطبعًا ليش لأ نحب نشوف رأيك بالوصفات. 🙌🏻✨

    Liked by 1 person

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s