اليوم الثامن من رمضان ٢٠١٨ 🌙✨

حسناً، رح نبلش سوا من نقطة البداية:

 الاقتباس يلي نشرتو اختي فاطمة على حسابها بالانستاغرام مبارح..

“هناك ينبوع في داخلك، فلا تتجول بدلو فارغ”.

بالرغم من الروح الجميلة الموجودة بهالاقتباس، ما ساوت عندي زلزال داخلي او اي شي عظيم..

بعدين اليوم بصلاة العشاء من ساعة تقريباً قبل ما اكتب هالبوست، سليم بيقرأ سورة الماعون..

الماعون : اي القدر أو الدلو أو باقي المعاني يلي بيحتملها الاسم.

بالسورة مذكور “الذين هم عن صلاتهم ساهون، الذين هم يراءون، ويمنعون الماعون”

هون حسيت بالزلزال!

الموضوع ما كان بتفسير السورة الحرفي بالمرة!

التفسير لآية: “ويمنعون الماعون”

معناها بيدور حول الزكاة والبخل بتقديم الخير للآخرين

بس الالهام يلي حسيتو لما سمعت هالآية كان عن دلوي الفارغ! يلي عم امنعو يمتلئ! بإرادتي

نرجع للمواقف يلي مرت علي من لما وعيت وليومنا، أنا بكره الخيبات!

والدنيا غير عادلة ومليئة بالخيبات “هون الاختبار أساساً صح؟”

بس بتذكر اني من زمان بطلت ادعي!

ادعي بمعنى اطلب بإلحاح من رب العالمين، اطلب شي دنيوي شي ملموس او محسوس!

أنا بطلب المغفرة باستمرار وبطلب الرحمة.. بس مابطلب الأمان مثلاً..

ولو أنو أكتر احساس بحتاجو بعد كل الأمور يلي مريت فيها بطريق اللجوء!

وما بطلب الرزق مثلاً ونحن أكيد بحاجتو، ومابطلب كتير شغلات بتمناها وبحكيها بصوت عالي وبشتغل على تحقيقها،

بس ما بطلبها بشكل صريح بدعاء 🤔

يمكن لأنو بخاف انو لما ما يتحقق يلي بدي ياه، أو لما يصير شي صعب ومخيف بحياتي اني حس بالخيبة!

انو أنا دعيت لرب العالمين ومع هيك الأمور مشيت بهالشكل!

تنويه: بطبيعتي أنا كتير مؤمنة بالقضاء والقدر، كل مرة بيصير فيها تغيير مفاجئ للأحداث بردد عبارة “أكيد الله عم يخترلنا الأحسن” أنا وواعية بكل كلمة عم قولها..

هذا يؤدي لأنو دلوي فارغ من الدعوات والمحادثات الشخصية جداً مع رب العالمين بدون سبب 🤔

نعم بدون سبب! لن أشعر بالخيبة لما حيلا شي رح يصير بحياتي وقول بس أنا دعيت..

لهيك رح ادعي ❤️

 

Advertisements

4 thoughts on “اليوم الثامن من رمضان ٢٠١٨ 🌙✨

  1. أحببت التدوينات الرمضانية جدًا
    .
    والدعاء عبادة مثل سائر العبادات إذا لم يستجب الله في الدنيا فهي مخبأة لنا الأخرة،…
    والحمد لله على نعمة الدعاء، بالنسبة لي هي مريحة جدًا
    “ولا يرد القضاء إلا الدعاء”

    Liked by 1 person

  2. زيي بالزبط ! ما اعرف ليش ما ادعي باشياء دنيوية وع قولك أكون أعمل بجهد جهيد عشانها واحاول واسعى ، ادعي بخيري الدنيا والآخرة بدون تفصيل ودعوات عامة ف قررت ابدأ معاك ادعي 🙏🏻

    إعجاب

    1. من بين الدعوات يلي حسيتها كتير قيّمة هي (الدعاء للناس ) كتير عادة حلوة لو بدعي للناس يلي بحبها انو الناس يلي زاعجتني وبتخيل هالموضوع رح يعطي سلام داخلي اكبر ❤️❤️ بالتوفيق بشاير ✨

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s