اليوم السابع من رمضان ٢٠١٨ 🌙✨

فنحن نقلنا لشقتنا بـ ١، نيسان٢٠١٨ ، وكانت الشقة فاضية وماعنا ولا شي للبيت ما عدا فرشة وسرير سلمى 🌚

وكان البيت بحاجة لكتيييير تعديلات.. وعلى مدى هالشهرين ونحن عم نحاول بميزانيتنا البسيطة للغاية انو نطور فيه ونوصل للشكل يلي بيحسسنا بالراحة والالهام

مبارح انتبهت انو انا لسا عم اتعامل مع شقتنا كأنها مشروع! 🌚

نسيت انو نحن فعلياً ساكنين هون، وانا كل هالفترة معتبرة حالي ساكنة بموقع المشروع مو اكتر..

مثال: لما بطلّع على غرفتنا، مابعرف فكر بالانشطة والاوقات يلي ممكن قضيها بهالغرفة! و إنما بفكر بالتحسينات يلي لسا لازم ساويها على لون الحيطان ونوع قماش الستائر يلي لازم اشتريه.. الخ

دماغي بحالة مغلقة ومحدودة!

وانتبهت بعدين على عدد الجوانب التانية بحياتي يلي كمان معتبرتها مشروع ولازم انهيه بشكل مثالي: الأمومة، وممارسة الفن و السكن الجديد.. الخ

لماذا؟؟🤯

ملاحظة جانبية: بعلاقتنا انا وسليم، من لما طلعت من حالة انو علاقتنا مشروع لازم يبقى تحت المراقبة والتصحيح، واستسلمت لفكرة انو اختيارنا لبعض صحيح وخلص المشروع هون! وصار فيني عيش نتيجة هالمشروع بسلام الى اللانهاية.. وقتها وصلنا بعلاقتنا للمرحلة المريحة يلي منختلف فيها كل الخلافات الطبيعية ومنسامح بعض حرفياً بعد خمس دقائق ومننسى أساساً ليش اختلفنا

نرجع لموضوع المشاريع.

هل هذا دليل انو عندي مهارات إدارية بالفطرة؟ 🤔

عم امزح والله 🌚

img_9120

Advertisements

One thought on “اليوم السابع من رمضان ٢٠١٨ 🌙✨

  1. لطيفة اصلا مجرد وصولج للتدوينة رقم سبعة في هالشهر الفضيل وفي هالتوقيت الحرج من انتقالكم لبيتكم ( بالمناسبة جعله مبارك ان شالله 💜😘) هذي مهارة لادارة الأزمات بامتياز بالنسبة لي ..الله يبارك بجهدچ وعملچ () كثير حابة تدويناتج هذي .. تحسسني بالخفة 🎈

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s