اليوم السادس من رمضان ٢٠١٨ 🌙✨

مبارح بعد صلاة التراويح ،ولأنو كان باقي ساعة وشوي لصلاة الفجر ،قررنا ننام بدون سحور لأنو كان يوم حافل جداً، ومنفيق بعدين عصلاة الفجر..

وفجأة هجم علي القلق! كعادته 🤷🏻‍♀️

محاربةً للقلق فتحت كتاب أحمد خيري العمري “الذين لم يولدو بعد”

كنت سمعت كتير نصائح عن قراءته قبل رمضان، والكتاب موجود على موقع الكاتب بملف pdf مجاناً لذلك قرأت شوي بليلة رمضان وبعدين نسيت..

قلبت عشوائياً بالصفحات وعطيت حالي فرصة اني لاقي الجملة يلي رح تشدني كفي الكتاب.

كانت هادي الجملة يلي طلعت مباشرة: “من بين مليارات البشر، هناك فئة معينة – محدودة جداً للأسف في الوقت الحاضر – يحب الله إيقاظها فجر كل يوم، لتذهب إليه وتصلي له. في موعد سري يكاد يكون مثل مواعيد العشاق الليلية..”

ياترى يلي أنا كنت مفكرتو “قلق” هو بالأصل نداء رباني؟!

رجعت لبداية الكتاب وغرقت فيه!

ساحر ✨

ما عندي اعتراض اني اقرأ الكتاب بعد ما استقبلت رمضان فعلياً واعتبر اليوم الجاية هو البداية الجديدة لرمضان لو اضطريت ❤️

هاد رابط تحميل الكتاب إذا لسا ما قرأتوه:

http://akomari.com/wp-content/uploads/%D8%A7%D9%84%D8%B0%D9%8A%D9%86-%D9%84%D9%85-%D9%8A%D9%88%D9%84%D8%AF%D9%88%D8%A7-%D8%A8%D8%B9%D8%AF.pdf

وبما اني عم اعطي ترشيحات 🌚 رح رشحلكم فيديو عجبني كتير كمان وعطاني الهام.

تنويه: لم تعد تقنعني البرامج الدينية 💔

وأُعمِّم عدم اقتناعي بصراحة للأسف!

ماعدا كم استثناء نادر..

سليم بيعرض علي خيارات كل فترة من باب المشاركة للافكار الروحانية يلي بتأثر فيه، ومن ٣ أيام شغل هادي الحلقة لمصطفى حسني عن الصلاة، وعجبتني بشدة وأقنعتني وعطتني احساس حلو ورفعت عني الاحساس بالذنب 🍃

هاد رابط الحلقة كمان ✨

https://youtu.be/adHUS0dwFB4

img_9083

Advertisements

5 thoughts on “اليوم السادس من رمضان ٢٠١٨ 🌙✨

  1. “تنويه: لم تعد تقنعني البرامج الدينية 💔”
    لاحظت كم شخص بهذا الرمضان عندهم شعور مشابه و لو إنهم ما صرحوا حرفيًا، فعندي فضول لو ما بتحبي تجاوبي عادي، انه: ليش؟ 😅
    بكل الأحوال حابة اقترح عليكي برامج أ.إعتدال إدريس و أ. حسن شاهين لهم برامج إذاعية مسجلة من السنوات الماضية بإذاعة ألف ألف (موجودة قناتهم على اليوتيوب) + فيها كتير برامج صوتية رمضانية من السنوات الماضية و أحس إنها جيدة جدًا لو تحبي تسمعي 👀✨

    Liked by 1 person

    1. السبب انو “بمجتمعي وبحالتي تحديداً” ربينا تربية دينية فيها الكثير والكثير من التسليم.. اول ما ابتعدت عن هالمجتمع وكنتيجة طبيعية بدأت الأسئلة! وبدأ التحقيق بمصداقية وفعالية الكلام يلي بيحكوه معظم الشيوخ والداعيات، وانصدمنا وقتها بالواقع المرير…
      في استغباء خارق للسامع او المشاهد او المريد.. الخ والسياسة والذكورية آخدة أثر عظيم على كلامهم!
      هالحكي بمعظم الحالات لدرجة انو ماعدت مهتمة بالمرة بالبرامج الدينية.
      يلي مقتنع فيها لهالبرامج حلال عليه لست اعترض بالمرة 🤷🏻‍♀️
      ولكني شخصياً وبحالتي بفضّل اني ارجع اعرف حالي منيح وابحث بجد عن المصادر الدينية “الصحيحة” وغير الدينية يلي رح توديني لعلاقة صحيحة مع رب العالمين ❤️

      Liked by 1 person

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s