اليوم الثالث من رمضان ٢٠١٨ 🌙✨

كأني اليوم لاحظت انو مغزى رمضان هالسنة بالنسبة الي ما بيتعلق بالصبر على الجوع والعطش 🤔

حسيتو فيه تحرير من الجوع والعطش!

بالعادة بيمضي يومي كلو بسرعة انا وعم اركض، وغالباً ما بلحق ساوي شي شخصي من هوايات أو قراءة أو مشاهدة فيلم.. الخ وبيكون لسا علي واجبات للبيت أساساً..

بس هالسنة انتبهت قديش عندي وقت! لما اتحررت من الجوع والعطش، ما في داعي جهز فطور وجهز وجبة خفيفة قبل الغدا.. وتجهيز الغدا وتنضيف المطبخ الي بيترتب بعد كل وجبة! اليوم انتبهت على كل هالوقت 😅

ما فيني انكر سعادتي بالمطبخ، وياريت ما تفهموني غلط! أنا أبداً ماني ست بيت شاطرة 😂✌🏻

وما بطبخ الطبخات الصعبة والي بتحتاج وقت وتحضير كتير غير بالمناسبات المهمة 🌚

ومع هيك رمضان هالسنة حررني من هدول حتى!

اليوم بعد الساعات يلي ضيعتها على الفاضي 🌚

قدرت طلّع ماكينة الخياطة وقصّر ستائر الصالون يلي صرلن شهر معلقين بطول زايد 🌚

وكفيت مشروع يدوي صغير لغرفة سلمى كنت مبلشة فيه من لما ساويتلها غرفتها واليوم حتى انهيتو 🤷🏻‍♀️

ونزلت مع سلمى نشتري غراض القطايف ورحنا عالحديقة بعدها ولعبنا شوي ✨

في بركة كتير بالوقت وفي صبر مفاجئ على الصيام الطويل ❤️

وفخورة كتير بصديقي سليم، لأنو رضيان بالفطور الرمضاني الغير مكلف(مادياً و زمنياً )

img_8939

Advertisements

6 thoughts on “اليوم الثالث من رمضان ٢٠١٨ 🌙✨

  1. ❤❤ معك مليون حق وقت بنفكر ببطوننا بنحس اليوم طويل ومرهق وبتروح علينا متعة الصيام ومتعة قضاء الوقت بطريقه صح

    Liked by 1 person

  2. فعلا قصة الأكل و الشرب بتاخد وقت فظيع😂مع أني مو ست البيت و لا حتى الأخت الكبيرة بس لاحظت قديش المطبخ بضل مرتب و نظيف كل النهار إلى قبيل المغرب بساعة أو أكتر شوي …
    بس بصراحة عم واجه صعوبة كتير كبيرة بموضوع الدراسة و الفحص برمضان … يمكن هي مسألة عادة و أني مو متعودة ابذل جهد ذهني و أنا صايمة 🙃 على كل الله يتقبل منا و منك و يقويكِ ❤❤

    إعجاب

  3. رمضان كريم لطيفة 🙂
    قرأت تدويناتك الرمضانية يلي راحت علي وما قدرت اتابعها أول بأول.
    كالعادة تدوينات دافئة رسمت ابتسامة على وجهي وأعطتني إلهام
    (والله شجعتيني أرجع للتدوين ^.^ شكراً جزيلاً)

    تقبل الله طاعاتكم وأعاننا وإياكم على صيام وقيام الشهر

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s