اليوم الأول من رمضان ٢٠١٨ 🌙✨

وبشكل مفاجئ كنت متحمسة لرمضان هالسنة يلي رح نصوم فيه ١٧ ساعة باليوم!

ببلد مافيه اي نوع من البهجة او الشعائر او الزينة او روائح الشوارع الرمضانية!

وبعد ٣ سنين كاملين بدون صيام لأسباب صحية 💔

وبدون ما جهز زينة بيتنا وبدون ما اكتب برنامج لتنظيم نشاطاتنا برمضان..

بدون قائمة وجبات وبدون حتى ما نتسوق قبل رمضان!

اجل لم نتسوق قبل رمضان! 

وخلاني هالشي فكر ليش منتسوق قبل رمضان وكأنو الحياة رح توقف مع الصيام؟

ومع هالسؤال قررت تكون نية صيامي هادي السنة مربوطة بتنفيذ كل المهام يلي لسببٍ ما بتخطر ببالي وممكن اكتبها بس ولا مرة ما نفذتها.

ومربوطة بالقراءة والتدوين ✨

وبالبحث عن الروحانيات بعز موسمها حتى عبّي المخزون السنوي بهالبلد الباردة والمليئة بالمسافات 🌿

كانت مكافئتي بأول يوم صيام هي العائلة ❤️

فطوري مع اهلي كان اكبر مكافئة حرفياً، الحمدلله إلى اللانهائية ومابعدها 🌿

صحياً بالعادة، وحتى لآخر اسبوع قبل رمضان.. وانا كل ما بجوع ولو لفترة قصيرة بحس بوجع رهيييب بمعدتي وبفقد طاقتي تماماً، بس اليوم صحيت بكير بدون ما حدا يصحيني واتخطيت الجوع بأقل خسائر ممكنة!

في شي طاقة هادئة بس هائلة بنفس الوقت!

بتحركني بدون ما تساوي ضجة!

أول مرة بحس بهيك سكينة ورضى وتقبّل للخطوات الصغيرة ❤️✨

يمكنني اعتبار اليوم البداية السحرية لرمضان ساحر 🌙✨

img_8877-1

Advertisements

8 thoughts on “اليوم الأول من رمضان ٢٠١٨ 🌙✨

  1. لطيفة من فترة وأنا بقرأ تدويناتك وبرجعلها كل فترة والتانية، بحس بكل مرة بقرأ كلماتك إنو هي من القلب للقلب ويمكن هالشي هو يلي بيخليني حسّك بكتير مرّات عم توصفي شعوري أو بالأحرى عم تحكي كلام أنا ما عم اقدر احكيه ولو بكلمات بسيطة وعفوية جداً..
    أنا كمان حاسّة إنو بكرا بدي بلش بداية جديدة بكل شي بحياتي، و بدل ماحس بالكسل والنعس والتعب كعادة رمضاناتي (ماعدا السنة الماضية) رح كون قويّة وشوية أكل وشرب ما رح خليهن يتحكموا ويأثروا على إنتاجيتي، بالعكس 🙂

    شكراً كتير عهالتدوينة اللطيفة يا لطيفة و رمضان مبارك عليكِ وعلى عيلتك الحلوة 🙂

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s