التطبيقات السحرية لتعديل صور وفيديو الانستاغرام ✨

هاد البوست فيه أجوبة عن كل الأسئلة المكررة عن طريقة تعديلي للصور والفيديو بالستوري على انستاغرام 🙌🏻

بدايةً لازم تعرفو انو الموضوع متعب شوي وبياخد وقت ١٥ ضعف تقريباً عن الوقت الطبيعي يلي بيلزم لنلقط صورة من كاميرا الستوري، ونختار فلتر سريع ونكتب كم كلمة وننزلها مباشرة 🤷🏻‍♀️

يعني لو بتحبو تعتبرو الانستاغرام ستوري مكان لمشاركة اللحظات اليومية بعفوية وطبيعية مافي داعي تعذبو حالكم وتضيعو وقت على هالتطبيقات 😅

بدايةً كنت دائماً يخطرلي انو لحتى نفذ الأفكار يلي ببالي ١٠٠٪؜ أكيد رح اضطر استعين بالفوتوشوب على لابتوبي وبعدين نزلها على الستوري!

بس بعد بحث طويل جداً وصلت لأهم ٦ تطبيقات على الموبايل بتغني تماماً عن الفوتوشوب وممكن تساوو فيها كل الأفكار الحلوة وبحرية تامة 🙌🏻

أول وأهم تطبيق على الإطلاق:

Vsco

1518016507909

النسخة المجانية فيها عدد محدود من الفلاتر وبتعدل صور حصراً، الفلاتر يلي فيه كتير كتير حلوة ومميزة!

وكتير مشهور ومستخدم بأغلب الحسابات الحلوة على الانستاغرام ❤️

أحلى ميزة فيه هو انو بيحفظ الصورة بالجودة الأصلية وبدون ما تصير جودة سيئة مع الفلتر 👌🏻

ببداية هالسنة اشتركت بـ Vsco x باشتراك سنوي ٢٢€ تقريباً.

بالمقابل صرت بقدر عدّل الفيديوهات كمان بجودة عالية وفلاتر لا نهائية 💃🏼💃🏼

وفعلاً انتقل شكل الفيديوهات بالستوري لمستوى متقدم جداً 🙌🏻

ملاحظة: تعديل ألوان الصورة بـ vsco x هو دائماً أول خطوة بساويها بحيلا ستوري بتشوفوها 🌚

ملاحظة تانية: فلاترVsco إلها أسماء سهلة، أنا أكتر فلتر بستعملو اسمو A9 🙌🏻

وإذا بتدورو بـ pinterest على Vsco بتشوفو صور كتير مشاركين كل التعديلات يلي سووها عليها حتى تساوو نفس التعديلات على صوركم إذا حابين تاخدو نفس الستايل!

مثلاً: أنا بأغلب صوري بساوي هالتعديلات 👇🏻👇🏻

img_6352

ومن بعد هالبوست رح شارك كل فترة التعديلات يلي بستعملها على الستوري ان شاء الله 🙌🏻

Picsart

1518016442130

صديقي القديم ✨

بستعملو من سنين! وحالياً بستعملو لهدف واحد! الطبقات (layers)

متل صور الاقتباسات يلي بحطها بالستوري وكل الصور بآخر ٣ شهور على حسابي بالانستاغرام كانت من picsart!

التطبيق مجاني وفيه أدوات حلوة كتير، كمان بيعطي جودة عالية، بس ما بستعملو للفلاتر او تعديل الألوان لأنو بيبقا Vsco هو الأفضل 😅

اشتريت عليه مجموعة ستيكرز على شكل ألوان بفرشاة بـ 0,99€ واستعملتها كتير على الصور ❤️

img_6361

وبالنسبة للطريقة يلي بساوي فيها صور الاقتباسات:

1 بختار صورة الخليفة. (غالباً باخدها من pinterest ) وبعمل حسابي يكون حجم الصورة مطابق احجم شاشة الموبايل حتى تكون زابطة ومايروح من اطرافها بالستوري .

2 باخد صورة للاقتباس (سكرين شوت لو pdf)

3 بدخل على picsart وبختار edit

4 بختار الصورة يلي بدي ياها تكون خلفية للاقتباس.

5 بضغط على add photo وبختار صورة الاقتباس.

6 بضغط على crop حتى قص باقي الصورة واترك بس أول مقطع من الاقتباس.

7 بضغط على done وبساوي save للصورة.

8 برجع بعيد الخطوات (من ٥ إلى ٧) على كل مقاطع الاقتباس وبالنهاية بحط رقم الصفحة.

9 وبنزل الصور بالستوري بالترتيب!

وبس هيك 😅 بعرف عم تسألو حالكن لشو علة هالقلب وتضييع الوقت على اقتباس ممكن يتصور بـ ٣ ثواني وينشر مباشرة؟

أولاً الناس ما بتقرأ نص طويل! وأنا الشي يلي عم شاركو حاسة بجمالو وحابة هالجمال يوصل بطريقة بسيطة!

تانياً هيك بقدر عيّش يلي عم يشوف الستوري احساسي لما كنت عم اقرأ سطر سطر، وغالباً بختار خلفية الاقتباس تكون بتعبر هالاحساس يلي حسيتو وقت القراءة.

لهيك بشوفها كتير محرزة اني اعطي ٥ دقائق لمشاركة اقتباس ممكن يغير حياة كاملة ❤️

Polaroid FX

1518016467344

هاد التطبيق اشتريتو بظن بـ 2,99€ وهو نطبيق خفيف وبسيط جداً ووظيفتو بس انو يعطيني إطار صور الفورية (البولارويد)

واشتريتو بصراحة لأنو كتير كنت حابة انو الصور على مدونتي تكون على شكل بولارويد، وهاد أسهل تطبيق وبيعطي اطارات حلوة كتير وشكلها حقيقي 🤷🏻‍♀️

img_6354

Phonto

1518016530976

هاد التطبيق ممتااااااز للكتابة على الصور بدون ما يخرب دقة الصورة!

التطبيق مجاني، وميزاتو هي انو ممكن تساوي فيه طبقات صور متل picsart، وممكن تحملي من حيلا موقع أي خط بتحبيه وتستعمليه بهاد التطبيق!

يعني كمان ممكن نحمل عليه خطوط عربية!

أنا دائماً باستعملو لاكتب بالخطوط العربية المفضلة عندي وبتبقى الصورة بدقّة مثالية 🙌🏻

img_5475

طريقة تحميل الخطوط:

بعد تحميل تطبيق phonto

مندخل على google ومنبحث عن تحميل خطوط عربية مجانية

بعدها منختار الخط يلي بيعجبنا ومنضغط على تحميل

وقتها بتطلع نافذة مكتوب فيها open with “الفتح باستخدام” منضغط من بين الخيارات على تطبيق phonto

بعدها منساوي install وبيكون الخط انحفظ على التطبيق 💃🏼

كتير بسيط وبيعطي حرية تامة باختيار الخط وخصوصاً انو الخط العربي مو متوفر بأغلب تطبيقات تعديل الصور 💔

Vont

1518016556818

التطبيق يلي من أول مرة استعملتو بلشت تنهال عليي الأسئلة 😂💔

التطبيق تماماً نفس Phonto بس للكتابة على الفيديو 🙌🏻

النسخة المجانية محدودة “الدقة متوسطة وعدد الجمل محدود”

ساويت upgrade بظن كمان بحدود 3,99€ مقابل جودة ممتازة وعدد جمل أكبر

هاد التطبيق بقدر حمل عليه الخط يلي بدي ياه تماما بنفس طريقة phonto يلي قرأتوها من شوي.

طبعاً هون مافيني ساوي طبقات فوق الفيديو وهاد شي مؤسف جداً وأنا كنت عم ابحث عنو كتير 💔

بس فيه ميزتين حلوين:

1 ممكن تساوو فيه square fit يعني تحطو الفيديو ضمن صفحة مربعة “مناسب للانستاغرام”

2 بتقدرو تتحكمو بالخط الزمني لكل جملة بشكل منفصل!

يعني ممكن بستوري فيديو واحد اكتب ٤ جمل وتطلع ورا بعضها بالتدريج 🙌🏻

الطريقة:

بس اكتب الجمل كلها

بضغط على الجملة المختارة، وبعدها بسحب الخط البرتقالي بهاد الشريط حتى حدد زمن البداية 👇🏻

img_6355

أو بضغط هون 👇🏻

img_6356

وبكتب التوقيت يلي حاببتو يكون للبداية والنهاية

بعدها بختار الجملة التالية وبعيد نفس الخطوات وهكذا 👌🏻

photo grid

1518016582966

هاد هو التطبيق السحري فعلياً 🙌🏻

التطبيق فيه استخدامات وخيارات كتيرة وواسعة جداً بس أهمها:

1 اني بقدر حط أكتر من فيديو وصورة بشاشة واحدة مع التحكم بحجم الشاشة 🙌🏻🙌🏻🙌🏻

2 الطبقات! حتى فوق الفيديو ممكن ضيف صورة على شكل ستيكر

3 تدوير وتعديل حجم الفيديو والصوت 🙌🏻

يعني هاد هو التطبيق يلي استخدمتو بالمرحلة الأخيرة من إعداد هادي الستوري 👇🏻

ملاحظة مهمة:

أنا بحتفظ بعدد كبير من القصاصات على موبايلي.

قصاصات على شكل اوراق ملاحظات او شريط لاصق ملون .. الخ

وبحملها من مواقع مجانية بصيغة png (يعني الصورة عبارة عم ورقة ملاحظات مثلاً ولكن بلا خلفية أو بالأحرى بخلفية شفافة) وبستخدمها بالصور والفيديوهات حتى اكتب عليها بشكل أحلى نوعاً ما 👇🏻👇🏻

img_6359

يمكن تشوفو عدد التطبيقات كتير بس أنا فعلياً بستعمل كل تطبيق لاستخدام وحيد فقط لهيك ما بياخد معي وقت أبداً وغالباً بيكون هيك استخدامها:

Vsco: لتعديل الألوان

Picsart : للطبقات فوق الصورة

polaroid FX: للإطار

Phonto: للكتابة بالخط العربي

Vont: للكتابة بالعربي على فيديو

photo grid: لوضع أكثر من فيديو مع ستيكرز

شايفين؟؟ بسيطة جداً 😅

بالأيام الجاية رح يكون في على حسابي على الانستاغرام تفاصيل وخطوات أكتر بتشوفوها بالستوري ان شاء الله ❤️

وأي سؤال عندكم اكتبوه تحت بالتعليقات وبجاوب عليه مباشرة ان شاء الله ❤️

تحديث:

مؤخراً صرت استعمل تطبيق unfold ومن بعدها كتير كتير اجت أسئلة عن هالتطبيق تحديداً لذلك:

img_9596

التطبيق مجاني، وكتير بسيط وسهل ومميز لصناعة الستوري تحديداً.

أحلى شي فيه هو الخط العربي الحلو ببساطة، وأنو بتقدرو تدخلو فيه صور وفيديو بنفس الوقت وبنفس الطريقة تماماً

فيه قوالب جاهزة وحلوة متل هدول:

img_9597

وممكن تعديل شكل الخط وحجمو وترتيبو من هون:

img_9598img_9599

أخر ميزة فيه:

هو انو مميكن نساوي أ:تر من صفحة بنفس الوقت ونرتبها حسب ما منحب، وبعدين منحفظها كلها سوا حتى نساوي منها ستوري بأفكار مرتبة بالتسلسل 

Advertisements

8 thoughts on “التطبيقات السحرية لتعديل صور وفيديو الانستاغرام ✨

  1. شكرًا لك ربي يسعدك وييسر أمورك مع أني ماعندي اي محتوى اقدمه وماعندي حياة حتى اشاركها مع غيري للأسف، إلا اني كثير كثير حبيت شرحك وتطبيقاتك، وحمستيني وأعطيتيني دافع أكون مثلك.. وأبحث عن شغفي وأشاركه للناس بطريقة بسيطة ومعبرة ومرتبة وتفتح النفس مثل ماتسوين، شكرًا ألف مرة.

    Liked by 1 person

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s