المفاتيح السريّة 🗝✨

أنا بشكل عام بتمسك كتير بالأشياء يلي بتحمل ذكريات!

ولو انو هالصفة تراجعت عندي بانشغالي بحياة الأمومة الفوضوية، بس من فترة فتحت علبة فيها مجموعة أوراق وأشياء تانية قديمة كنت محتفظة فيها ونسيانتها 🥀

بعد ما شفتها حسيت باحساس كتير حلو! واكتشفت أديش كان في بحياتي تفاصيل صغيرة ممتعة ومبهجة! 🌱

حابة ارجع عيش هادي التفاصيل ان شاء الله ورح شاركها معكم ❤️

الرسائل الورقية:

شفت رسائل كتيرة ومضحكة!

معلومة: من لما اتعلمنا نكتب أنا واختي فاطمة، لازم نكتب لبعض ذكريات بكل دفتر مذكرات جديد، ولازم نكتب لبعض رسائل بأعياد ميلادنا + رسائل اعتذار + رسائل وكروت معايدة لماما وبابا بعيد الفطر وعيد الأضحى وعيد الأم 😂

حتى أنا وصديقاتي ابتداءً من الصف الثاني، كنا نكتب لبعض الكثير والكثير الكثير من الرسائل! ❤️

كانت ممتعة ومبهجة ومضحكة! ✨

رسائلي المفضلة كانت رسائل الاعتذارات 😂💔

 لما نساوي مصيبة ونكتب الاعتذار برسالة لأنو حايفين من المواجهة❤️

حابة كتير اني ارجع فعّل الرسائل بحياتي ، مبدئياً في دفتر رسائل بيني وبين صديقي سليم 🙌🏻 منكتب فيه رسائل لبعض ومنترك ورقة ملاحظة على الدفتر حتى ينتبه عليها الشخص المرسل اليه ويقرأها 😂

ملاحظة مهمة جداً: الرسائل بيني وبين سليم ليست وقت الزعل! وما منكتب لبعض لأنو حابين نصالح بعض! بس منكتب لأنو الكلام على الورق فيه طاقة وسحر مختلف تماماً عن الكتابة على الواتس اب 😂💔

img_5580img_5577img_5562

 

الاهتمام بالذاكرة المكانية:

الشي الغريب اني ولسببٍ ما كنت اجمع المناديل من المطاعم يلي كنت زورها 😂

عندي مناديل من تركيا وسوريا ومصر والسعودية ومن الصين بس ما كنت احتفظ بمناديل من المانيا 😂

حابة اني اجمع تذكارات صغيرة من الأماكن يلي بحبها حتى لو مجرد بطاقة بريدية واتركها بزاوية ما من بيتي المكركب 💔

img_5568

الاحتفال بالانجازات الصغيرة:

بسنة الـ ٢٠١٠ دخلت دورة عن عوامل النجاح وكانت المدربة عم تطلب منا نساوي دفتر صغير للنجاحات الصغيرة ✨

كتبت فيه على مدار ٣ سنين تقريبا ولساتو عندي 🙌🏻

لما قرأت فيه حسيت انو فعلاً النجاحات الصغيرة كتير ضايع حقها بحياتنا! مع انو تأثيرها عظيم! كل ما بقرأ هالدفتر باخد جرعة دعم وتشجيع هائلة 🙌🏻

بالرغم من المحتوى المضحك 🌚 مثال:

كان أول نجاح بالدفتر هو اني صممت الدفتر بنفسي 😂

واني نشرت أول مقال اون لاين

واني فقت من النوم الساعة ٩ ص بيوم عطلة 😂😂😂

واني ساويت اول مجلة اسبوعية حائطية بمدرستي (كانت نجاح كبير بالنسبة الي بصراحة وخصوصاً اني استمريت فيها سنة ونصف تقريباً ومع هيك نسيت هالانجاز تماماً ولما اتذكرتو حسيت بالفخر ❤️)

واني صالحت الماما مع اني كنت كتير معصبة 🌚 (حياة المراهقين 😂😂)

لازم ارجع اعطي أهمية للانجازات الصغيرة حتى حافظ على الامتنان ❤️

img_5572

 

خلاصة صيف الـ ٢٠١٠

نعم، نعم لما كان عمري ١٦ سنة كتبت كل الخبرة يلي اتعلمتها بمغامرات الصيف 🌚

من بين الأشياء يلي كتبتها:

– اتعلمت انو يكون عندي اخت كبيرة احكيلها كل شي، هو شي كتير مريح وما لازم اتخلى عنها لو شو ما صار لأنو بعرف مع الأيام ما حدا رح يوقف جنبي غيرها ❤️

– اتعلمت انو في ناس بتجيها فرص بس ما بتعرف تستغلها.

وناس بحاجة فرص بس الفرص ما بتجيها.

بس صعب كتير انو الناس هن يلي يعملو الفرص ويجيبوها لعندن، وهاد يلي لازم ساويه.

-اتعلمت استعمل برنامج access لأول مرة (يا رباه أنا نسيانة أساساً اسم البرنامج حالياً 😂😂 مع اني من زمان استعملتو حتى ساوي قاعدة بيانات للتياب يلي بالخزانة حتى بس يكون عندي مناسبة بدخّل البيانات على البرنامج وبيعطيني الملابس المناسبة 😂😂😂😂😂😂)

– اتعلمت انو القراءة حلوة كتير وفعلاً بتاخدك لعالم تاني ❤️✨

 

الاحتفاظ بالتشجيع:

من بين الرسائل الخطية بدفتر الذكريات كان في رسالة من مدرّسة اللغة الانكليزية، وكانت كاتبتلي كلام ودود ومشجع كتير وكمان كاتبتلي اغنية خاصة باسمي 😭😭😭💔 كانت عم تشجعني بحب! وانا مبسوطة اني احتفظت بهاد التشجيع!

وحتى هلأ بتجيني رسائل مليانة حب على الانستاغرام بس ما خطرلي اطبعها واحتفظ فيها!

الكلام التشجيعي هو يلي رح يحملنا من كئابتنا وتكاسلنا ويخلينا نكفي مشوارنا المتعب❤️✨

img_5582

 

الكرم بالوقت:

أنا بخيلة بوقتي 🌚

من بين رسائلي مع صديقة الطفولة محاسن، شفت كيف كنا نكتب لبعض رسائل بتحتاج وقت طويل! كنت ارسملها بالرسالة واستعمل الوان وملصقات وارسملها تسالي (متاهة، كلمات متقاطعة، نكت، حزازير…) بينما حالياً أنا ممكن تجيني مكالمة من انسانة بحبها كتير وفعلاً مشتاقتها بس ما برد على المكالمة لأني بخيلة بوقتي وحابة استغلو بشي تاني أنا تحديداً يلي بختارو 💔

لازم ارجع اعطي وقتي للناس يلي بحبها، تماماً متل ما كنا ايام المدرسة ومتل وقت شوف عماتي بالزيارة العائلية كل اسبوع!

ومتل لما كنت اخد وقتي بكتابة رسالة باللغة السرية يلي ساويناها انا وصديقاتي 💔

img_5567

 

انبسطت كتير اني اكتشفت هالامور ببداية هالسنة حتى تعطيني الهام وقيم جديدة وضيفها على حياتي اليومية ان شاء الله ❤️

شو هي ذكرياتكم الحلوة يلي بتحتفظو فيها؟ رسائل؟ صور؟ او أشياء تانية؟

Advertisements

5 thoughts on “المفاتيح السريّة 🗝✨

  1. ألهمتيني بدفتر النجاحات الصغيرة 😍😍
    وكمان برنامج الاكسس و دولاب الملابس هذه فكرة حقيقية لو خيالية بليز محتاجة شيء متل هيك 😍🤩

    إعجاب

    1. اي بتذكر كانو تيابي قليلة لهيك قدرت ساويها بسرعة 🤔 بس ماعرفت دخل صور عليها ولأني كنت مبتدئة جداً وماعندي نت بالبيت حتى احضر دورات اون لاين لهيك اكتفيت بقاعدة بيانات صغيرة 😂😂😂💔

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s