محصلة نهاية عام ٢٠١٧ 🥀

كنت حابة بنهاية السنة إني ساوي فنجان شاي وافتح لابتوبي اتفرج على كل الصور يلي فيها نجاحات هالسنة 💔

الحمدلله أكيد كان في نجاحات (حتى لو كانت قليلة وبطيئة جداً) بس خطرلي أنو يمكن لازم شارك الحقيقة ورا هادي النجاحات:

هون رح تشوفو معلومات جديدة عن حياتي كأم لأول سنة كاملة بكل جوانبها “الحقيقية”

1. أنا لسا لهلأ ما اتعودت على روتين التنضيف!

أول ما سكننا سوا أنا وسليم بشقة خاصة فينا كنت أنا وقتها حامل بالشهر التامن.

ولحد الآن ما صار عندي فرصة أني اخلق روتين يومي ناجح لترتيب وتنضيف البيت وهاد الشي بعتبرو مُعيق كبير كتير للإنتاجية بيومي وبينشر كمية طاقة سلبية هائلة 💔

img_5228img_5227

2. لسا لهلأ عم شوف صعوبة بتقبُّل واقع أني أم ومسؤليتي صارت ٣ أضعاف!

وعم حاول وبشدة إني لاقي الصيغة المثالية حتى طوّر مهاراتي كأم بالدرجة الأولى وبعدها التفت لشؤوني حتى اقدر اجمع بين المجالين، بس هاد الموضوع جداً صعب وبيحتاج تركيز وتفكر واسترخاء وهالأمور كلها شبه مستحيلة بمسار يومي المكركب 🤷🏻‍♀️

3. ضريبة الشبابيك 🌿

مقابل المنظر الحلو يلي بتشوفوه من شبابيك شقتنا، نحن مضطرين نسكن بضاحية مواصلاتها صعبة كتير ومتعبة ومكلفة وهالوضع صعب جداً وبخليني ما اعرف اتحرك مع سلمى أبداًوبنتظر ليكون سليم معنا حتى نطلع من البيت سوا 🌚

img_5226

4. “الحجم قد يكون أصغر مما يبدو في الصورة📦

بتذكر لما اجت الماما من جدة أول مرة وزارتنا بشقتنا، قالتلي “ييي كانت مبينة شقتكن على الانستاغرام أكبر بكتير!!) 😂😂😂

وهاد توضيح لازم تعرفوه يا صديقاتي، انو الصور والفيديوهات يلي على الانستاغرام (وبالرغم من كل جهودي للحفاظ على واقعيتها) أبداً أبداً ما بتعبر عن الجو المتعب بهالمكان💔

5. 💸

من سنتين لما كنت ساكنة بجدة، كنت ساوي أساور الصداقة وبيعها وكنت درس طلاب باللغة الانكليزية وكنت ساوي أفلام ستوب موشن لطلاب المدارس والجامعات والمؤسسات الاجتماعية… وهادي الأعمال كلها كانت الطريقة يلي اشتريت فيها لابتوب وكاميرا! وكان هاد أحسن شي ساويتو بحياتي العملية! 🙌🏻

بس حالياً:

أنا متأكدة أنو ٩٠٪؜ من الناس يلي عم تقرأ هاد البوست أوضاعها المعيشية أحسن مننا بكتير 😂🌚

والفيديوهات يلي بتشوفوها على اليوتيوب بتطلع روحي أنا وعم ساويها على لابتوب قديم وبطيئ وبيتشغل بمعجزة،وما بيتحمل غير برنامج الفوتوشوب (يلي عم استعملو لعدل الفيديوهات وصمم المطبوعات 😂)

يمكن بعد ما احكي هاد الكلام رح شوف أنو النجاحات البطيئة والصغيرة هي فعلاً بطيئة وصغيرة!

بس حقيقية! ومناسبة لوضعي يلي بقيت سنة كاملة ما عم اعرف اتقبلو 🌚

img_5225

Advertisements

12 thoughts on “محصلة نهاية عام ٢٠١٧ 🥀

  1. ضيفي على الإنجازات الصغيرة و البطيئة الأثر الرهيب و الأفكار و التغييرات اللي أحدثتها مدونتك و ستوري الانستا تبعك و البوستات في نفسي و بحياتي و بتعاملي مع ولد اخوية .. يالله قديش حاسة بمشاعر كتير ملخبطة دحين بعد قراءة هذا البوست .. 💔❤❤
    بتمنى بعام 2018 تحصلي على الحياة اللي تحتاجيها و الترتيب و النظام ياللي بتتمنيه. 🙌🏻✨
    بس على ما توصلي للنقطة اللي بتحسيها هي التمام بحياتك استمتعي قد ما تقدري و قدري كل لحظة في هذه الرحلة لأنو صح انو النتيجة و الغاية مهمة بس الأهم هو المرحلة اللي “بينهم” .. مرحلة السعي و الكفاح .. (طبعًا بكتب هالكلام و أنا متأكدة إنك بتعرفيه بس يعني الجزء الفزلوكي فيني مو حابب ينحبس اليوم. 🍃💔)
    أحبك انتِ و سلمى .. 🙌🏻✨✨✨

    إعجاب

    1. 😭😭😭😭😭 شكراً كتير كتير على كلماتك يلي اجت بالوقت المناسب تماماً 😭💔 الله يسمع منك ويوفقك كمان يارب ويسعدك ❤️❤️

      Liked by 1 person

  2. نسيتي أن تذكري الإنجاز الذي أعتبره أنا كبيييرا جدا .. ثأثيييرك الكبيير في حياتي أنا شخصيا .. تتبعك من خلال المدونة و الانستغرام غيرت الكثير في طريقة التعامل مع اولاد اخواتي .. و ايضا حمستني للاستعمال البوليت جورنال للتنظيم في العام المقبل .. شكرا لك كثييرا على هاته المدونة الراائعة و المنشورات الجميلة على الانستغرام وجه سلمى الجميل .. يجعل يومي جميلا جدا صديقيني .. أتمنى ان تكون سنة 2018 مليئة بالانجازات .. أحبك صديقتي لطيفة (كما احب أن أناديك ) و احبك سلمى

    إعجاب

    1. شكراً صديقتي اميمة ❤️❤️ على مشاركتي مشاعرك الجميلة ✨ ويسعدني جداً هذا الأثر الخفي وتسعدني صداقتك بالطبع! 💔🙌🏻

      إعجاب

  3. انا مؤمنة تماما بأن الحاجة ام الاختراع ، الناس المرفهين كتير ماعندهم ابداع كتير و بالتالي ممكن مايكون في انتاجية ، فردية عالاقل ، يعني متل لما الواحد يطور هواية ويتقن حِرفة هذا كتير شيء ايجابي ، اكيد ماحد يتمنى يكون بطروف صعبة حتى يبدع وينتج بس بقول ان الواحد لازم ينظر للامور بالايجابية ، انا بشوف ان الظروف مهما كانت صعبة !في النهاية انتين طلعتي بها بشيء كتير كبير للناس ولنفسك بالمقام الأول ، و انا بحس كيف انتي فخورة بنفسك واحنا كمان اكيد كتير فخورين فيك ❤️
    بالمناسبة بالبولت جورنال ألهمتيني اعمل واحد خاص فيني بيناسبني انا بدل ما اخذ واحد مابعرف ايش اعمل فيه🌹وطبعا الهمتيني بكتير اشياء انتي واخواتك كمان ❤️
    كتير شكراً

    إعجاب

    1. شكراً مروة على كلامك الحلو ❤️❤️ وأنا مؤمنة تماماً بكلامك بس هالحكي بحس فيه بعد ما شوف النتيجة 🌚 أما خلال الرحلة المتعبة بيصير الواحد بيشوف الجمال بصعوبة 🤷🏻‍♀️ ولازلت أحاول تصحيح هذا الجانب داخلي 🙌🏻❤️

      إعجاب

  4. بيت صغير منمن فا كل الحب احلى بكتير من بيت كبير عالفاضي مافيه شي ..
    و رغم كل هالمشاكل يلي عم تحكي عليها انتي الهام ل امهات كتار و يمكن اكبر منك بالعمر حتى ..
    انا شخصيا تعلمت منك شغلات كتيره .. اول شي اني اتقبل وضعي متل ما هو و ما اطلع عحياة حدا تاني حب حياتي متل ما هيي ..
    لانو انا و يورا عايشين لحالنا و زوجي بعيد عني .. و كنت كتير مكتئبه و ما عم اقدر اتحمل مسؤوليه بيت و يورا لحالي ..
    فتعملت منك قصص روحانيه كتير عطتني القوه و الحب و الصبر ..
    لاقدر عيش و عيش بنتي طفولة حلوه برغم ظروف كلشي حولنا ..😍..
    لهيك خليكي عحالك احلى بكتير و نشالله بتنجحي بكلشي بتتمنيه ..

    إعجاب

    1. حياتي شكراً كتير ومبسوطة انو نحن دعم لبعض ❤️❤️ ومعك حق هي رحلة صعبة وحلوة وبدها الكثير والكثير من التعلم ❤️❤️❤️

      إعجاب

  5. لانو ظروفك هيك انتي عظيمة اكتر بسبب كل شي عم تحققيه 😍 بكفي التفاؤل واللطافة اللي بتنشريا بكل بوست او ستوري بتنشريه .😌. صار عبالي يصير عندي عيلة بسببك 😂 مووفقة لطيفة اللطيفة 💙💙💙

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s