خاروف سلمى 🐑

إذا بتتذكرو البوست القديم عن روتين نوم سلمى 👇🏻

baby sleep routine | روتين نوم الاطفال

حكيت فيه عن تجربتنا بخلق روتين نوم لسلمى من لما كان عمرها ٦ أسابيع تقريباً ❤️

كانت تجربة حلوة وممتعة جداً 💫 (وأكيد فيها بعض التعب متل كل التجارب التربوية 🤷🏻‍♀️🌚)

بس كنت بعمر الـ٦ أسابيع لف سلمى وئت النوم بغطا كتير رقيق حتى ما تخاف كل شوي من حركة ايديها، وطبعاً قرأت كتير عن هالموضوع وهو حل كتير مساعد للأطفال يلي بعد الولادة بيكون عندهم انعكاسات عصبية كتير قوية وبتستمر معهم وقت أطول…

وبقيت سلمى تنام بهالطريقة للمرحلة يلي صارت فيها بتقدر تقلب على جنبها، وبهادي المرحلة لازم التخلي عن اللفة مباشرة لأنو بتبلش تشكل خطر بالاختناق، بحال قلب الطفل على وجهو وايديه مربطين ما رح يعرف ينقذ نفسو من الاختناق 💔

بس طبعاً التخلي عن عادة اللف كان كتير صعب بالنسبة لسلمى، وبدأت معها بتحرير ايد وحدة ولف الايد التانية لمدة كم يوم.. ووقتها صارت تلتهي بايدها كتيـــر وتتنشط وتطلع من مود النوم تماماً 😂😂🌚

وبوقتها قرأت كتير نصائح أخصائيين بهاد المجال وكان الخاروف هو الحل!

هادي اللعبة آمنة بنسبة كبيرة للاحتضان وقت النوم وخصوصاً انو هي عبارة بشكل رئيسي عن منديل طري وناعم ورقيق وعليه راس خروف فقط، يعني ما بيشكل مخاطر بالاختناق طالما هي تحت عيني باستمرار وأول ما بتغفا بخليه جنبها بس بعدي عن وجهها تماماً.

بالبداية كانت سلمى تحضنو كتير وتلعب فيه بدل ما تحرك ايديها بحماس 😂💔

و ما كنت اعطيها ياه خلال النهار أبداً! بترك الخاروف للسرير حصراً حتى بس تشوفو سلمى تعرف انو اجا وقت النوم ويصير روتينها ثابت أكتر ويعطيها استقرار نفسي 💫

ونجحت هالحركة ١٠٠٠٠٪؜ 🙌🏻

وقدرت وأخيراً اتخلى عن لفة سلمى بعمر الـ٤ شهور تقريباً 🙌🏻

وصارت مستحيل تنام بدون الخاروف 💔

الشيء الغير متوقع:

انو صار في علاقة كتير حنونة بس سلمى والخاروف!

أحياناً سلمى بتسرق الخاروف من السرير وبتركد فيه بكل البيت! ومن بين كل الالعاب الخاروف هو النجمة المميزة 🌟

حبيت هالعلاقة كتير ! وعطتني الهام كتير كبير بالمقابل ❤️

وساوت نوم سلمى اريح وأهدا وأحلى ❤️

Advertisements

9 thoughts on “خاروف سلمى 🐑

  1. كتير حلووووو هالكلام .. الصراحه دورت عمتل هل خاروف ل يورا ما لقيت عنا بالبلد .. انا روتين نوم يورا منظم من وقت كان عمرا يوم واحد كانت تنام من تمانه المسا ل تاني نهار شي ساعه تنتين الضهر .. ووقت كنت نيما كنت اخلق جو هدوووء و نيما حدي لتحس بالامان و الغريب ب يورا عن باقي الاولاد انو بتنام عبطنا من عمر الشهر و بعد معاناة حتى قدرت غيرلا هالعاده و رجعا طبيعيه و صايره عم تحب نام صوبا و تعطيني حب اكتر من قبل ..

    Liked by 1 person

    1. ياروحي 💔💔 الحمدلله نعمة كبيرة 🙌🏻🙌🏻 سلمى حرمتنا اليوم بأول ٣ أسابيع 😂😂🌚
      الله يحميلك يورا ويعطيم السعادة والصحة يارب ❤️❤️

      إعجاب

      1. تسلمي و يخليلك سمسوومه الحلوه .. عنجد نعمه كبيره بتصبرني بحيلا صعوبه بواجها مع يورا .. بقول انو مريحتني من هالناحيه لازم اصبر عليا من نواحي تانيه

        Liked by 1 person

  2. كثير حلوة التدوينة ماتمنينتها تخلص 💘احب سوالفج لطيفة 😘 طيب ،، انا اشووف هالطريقة تربوية عظيمة وسهللة بس يبيلها تركيز لان احيان يرفض البيبي الشي اللي انتي اخترتيه 😅 مع بناتي الاربع سويت نفس الطريقة تقريبا .. هند تعلقت بشرشف وصارت وقت النوم تدوره ،وانا لو بغيتها تنام اييبه لها 😅 سارة تعلقت بدب باندا .. منال بمخده ،ونوف اسم الله عليها الحين متعلقة بشرشف ودب بنفسجي عيونه كبيييره يخوف الصراحة بس هي تحبه 😂 .. يسلم سلمى وامها وكل حبايبها 😘💕

    Liked by 1 person

    1. تسلميلي يا فاطمة ويحميلك البنوتات ❤️❤️❤️ اي طبعاً كل ولد مختلف وحتى مع سلمى لما عرفتها على الخاروف كانت تلعب فيه عادي وترميه بعد شوي، لكن بعد فترة صار في علاقة كتير حلوة بينهم وصار مساعد كبير للنوم 🙌🏻
      معك حق تماماً كل شي بالتربية بدو صبر ومحاولات 💫

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s