صديقي سليم 🌻

مبارح كانت أول منشتري فرشة لتختنا 😂😂😂💔

اي من لما اتزوجنا ما صارتلنا فرصة نجهز ونفرش بيتنا وسكنا ببيت قديم كتير ومفروش فرش لسا أقدم وبقينا سنة وشهرين نايمين على صوفا مفتوحة ومعتبرينها تخت 🌚

رح ارجع شوي بالأحداث لورا:

انخطبنا انا وسليم بتاريخ ١/١١/٢٠١٢ 🌟

وبعدها بشهرين سافرنا من سوريا وماعاد رجعنا 💔

وبعدها اتفرقنا انا وسليم لمدة سنتين أنا بقارة آسية (بجدة) وصديقي بقارة افريقيا (مصر) وكان التواصل كتير صعب والعلاقة بأخطر مراحلها 💔

ولما اتزوجنا كنا على طريق اللجوء من تركيا لألمانيا براً وبحراً مع مغامرات خطيرة 🤷🏻‍♀️

ولما استقرينا بألمانيا كانت أوضاعنا تعيسة مادياً 😅 (ولا تزال يعني 😂) ولحد الآن ما صارتلنا فرصة انو نجهز بيتنا ونفرشو متل مابيساوو كل الأشخاص الطبيعين قبل الزواج 🌚

ومبارح حسيت بمشاعر كتير قوية لمجرد اني اتذكر هالخط الزمني واحداثو من نهاية سنة الـ ٢٠١٢ حتى نهاية سنة ٢٠١٧ 🍂

ولأنو بمجتمعنا مافي فكرة الشخصين يلي بيتزوجو وبيكبرو سوا، بقصُد أنو غالباً بكونو الزوجين مجهزين ظروف حياة مستقرة قبل ما يبدأو الحياة الزوجية ونادراً ما نشوف شباب صغار بيتزوجو وبيبنو حياتن سوا من تحت الصفر!

أكيد في حالات غيرنا وأكيد هالحالات حاسة بالوحدة والنقص ضمن هالمجتمع، وأكيد نحنا بلحظات معينة كنا كتير محتاجين نشوف ناس متزوجين متلنا وعم يبنو حياتهم سوا من بعد الزواج، كنوع من المواساة والدعم النفسي 🤷🏻‍♀️

ولهيك يا صديقاتي أنا عم شارك تاريخ علاقتنا أنا وسليم ❤️

لأني مبارح تحديداً اعتبرتها أبداً مو بالمأساوية يلي كنت متخيلتها 😂😂

متل كلشي بهالدنيا فيه جوانب مضيئة وجوانب مظلمة 🍂 علاقتنا هيك كتير طبيعية ومتوازنة وأنا صرت كتير بحب هالصفة ❤️

وبحب أنو نعتبر بعض أصدقاء مقربين قبل كل المسميات التانية ❤️

وماعاد عندي مشكلة انو نشوف بعض بحالات ضعفنا وتوترنا وعدم قدرتنا على اتخاذ القرارات الصحيحة ❤️

و انو نصبر على بعض بمرحلة لسا ماعندنا فيها فرص عمل جدية برواتب جيدة تكفينا نكون أم وأب عاديين ومستقرين 💔

وبالرغم من فرق العمر بيننا (٦ سنين) منفضل دائماً أنو نحضر الكورسات سوا، ونزور طبيب الاطفال سوا ، ونشارك بعض أفكارنا وتقييمنا للكتب يلي منطالعها، ومنساوي عملية نقد عميقة لكل مسلسل منحضرو ونعطي تقييم لأداء الممثلين فيه 😂🙌🏻

للأسف مسمى الزواج كتير جاف وجاحد لمفهوم الزواج الحقيقي (المشاركة) وهون فينا نعتبر القوامة متقاسمة على حسب كل مجال وبِعَدل ❤️

نعم، نعم كل هالخواطر اجت على بالي بسبب الفرشة يلي اشتريناها 😂🤷🏻‍♀️

لأنو عند أول انجاز صغير منساويه سوا، منفرح كتير ومننسا كل الايام الصعبة يلي قبلو! ❤️

هالشي كفيل بأنو يعطينا الطاقة والشجاعة حتى نكفي سوا كل مرحلة ❤️

Advertisements

13 thoughts on “صديقي سليم 🌻

  1. بحب اكدلك أن أغلب الأشخاص اللي تزوجت بعد الأوضاع بسوريا حاسين فيكي و عايشين نفس التجربة تقريبا …هالبوست كان عالوجع 💔💔💔 الوحدة و الغربة بتقوي العلاقة الزوجية ليصير هو عن جد رفيقك الوحيد …الله يخليكون لبعض و يخليكون سلمى و أن شاء كل ايامكون الجاية بتكون احلا بكتير و اكتر استقرارا ❤

    Liked by 1 person

    1. وعلى فكرة ماكنت عرفت هالحكي لو ما الرسائل الحلوة يلي بتجيني من صديقاتي عم يأكدولي انو كلياتنا بالهوا سوا 😭😭❤️❤️ تسلميلي يارب ويحميلك البطوط الصغير 🌻

      إعجاب

  2. عطيتيني أمل متل دائماً💙 :”) انتي احلى حساب بشوفو وبتابعو كل يوم
    الله يخليكون لبعض ويخليلكون سلمى الحلوة وتعيشو ايام احلى بكتير سوا ❤

    إعجاب

  3. يسعدلي قلبك على فكرة لولو بتحكي عن المشاكل الي بتواجهنااا بيومنا الطبيعي بلسانك وكانك عم تعبري عنننااا نحنا العايشين عن جديد بالمانيا حتى الفرشة الجديدة صارت متعة ومبروووكة حبي شي حلوو عبالي انا لسا ماشتريتا ههههه انا بتابعك كل يوم عم دار السنة ونص او رح نطبق السنتين اصلاا صرتي جزء من يومي وبشجعك بمسيرتك وطاقتك الاجابية تحياتي ومعن للحياة وكل يوم في شي جديد والهام جديد ❤️

    إعجاب

  4. شكرا كتير الك عم تفتحي عيونا على اشياء بطريقة مختلفة للأسف احنا عايشين بعالم مادي كتير بس الحمد الله اللي في ناس متلك بتخلينا نشوف الأمور بطريقة تانيه او بالطريقة الصحيحة ❤️ ومبروك الفرشة الجديده و الله يخليلك عيلتك الحلوة ما شاء الله 😘❤️

    إعجاب

  5. الله يخليكم لبعض يارب الطف زوجين بشوفهم في حياتي ماشاءالله ان شاءالله ربي يحلي كل ايامكم 💕ولايفرقكم عن بعض ويخلي لكم الكتكوته سلمى😭❤️❤️

    Liked by 1 person

  6. متابعتك من زمان بس ماكان عندي الوقت افتح المدونه
    ولفت نظري هالموضوع لأني مرئت بهالمرحله مع شريك حياتي
    تزوجنا ببداية الأحداث وجبت اول ولد وبعدين افترقنا سنه كامله انا و زوجي انا. طلعت كمان على جده وهو طلع على دبي وبعدها على مصر و رحت لعندو
    وبعدها قعدنا فتره جمعنا قرشين وطلعنا لجوء بالبحر من مصر لإيطاليا لألمانيا
    والحمد لله بلشنا نستقر ومنعمل كل شي سوا هو فعلا صديقي الوحيد انا ماعندي اخوات وأهلي بعاد عني وهو كمان طبعا
    بيتنا هو كل شي بالنسبه إلنا منتعلم كل شي سوا ومنجرب كل شي ولادنا هنن أصدقائنا وعيلتنا وكل شي
    طولت عليكي بس تفتحت مشاعري

    إعجاب

    1. يا الله شايفة حلاوة المشاركة؟؟ ياما تمر علي أيام وقول لحالي مستحيل مافي حدا بيعاني متلنا 🌚 الله يخليكم لبعض دائماً ❤️❤️✨

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s