شوفان مع التفاح والقرفة 🍎

بهالأيام من السنة كلشي فيه قرفة بيعطي جو دافي وحنون 💔🍂

وهالوجبة تحديداً بتتحضر بسرعة وطعمتها كتير طيبة وصحية وبتتساوا كوجبة مشتركة للأطفال والكبار سوا ❤️

غالباً بدور على الوجبات يلي مابتاخد تحضيرات كبيرة وما بتراكملي أدوات وصحون بالمجلى 😂🙌🏻

لما كانت سلمى بعمر الـ ٤ شهور كنت ساويلها شوفان مطبوخ بدون أي إضافات، وبس يستوي بحط معو تفاحة مبروشة ناعمة ورشة قرفة 🤔

حالياً صارت الوجبة بدها تطوير 👌🏻 لأنو صارت سلمى بعمر ١٠ شهور!

خطرلي مرة إني ساوي التفاح قطع رقيقة وصغيرة واخلطها مع القرفة واشويها بالفرن 🍎

طلع التفاح هيك أطيب بكتـــيـــر! طعمتو وريحتو بتشبه ريحة كيك التفاح لما بينخبز بالفرن 💔 وطعمتو بتكون أحلى لأنو السكر يلي بالتفاح بيظهر أكتر وبيكرمل 💔

وطبعاً حجم التفاح هيك بكون مثير للاهتمام للصغار بأعمار فوق الـ ٨ شهور، لأنو بكونو بدأو يكرهو الأكل المهروس ويحبو كلشي حجمو أكبر بشوي وطري وبينمسك بأصابعهم الصغيرة 👌🏻

الطريقة كتير كتير سهلة:

١. بشغل الفرن على درجة حرارة ٢٠٠ درجة مؤية.

٢. بقطع التفاحة لقطع رقيقة وبحجم تقريباً مثلثات أو مربعات صغيرة أبعادها مو أكتر من ٢ سم و بخلطها مع شوية بودرة القرفة وبحطها بصينية مفروش فيها ورق زبدة حتى ما تلزئ ( الأفضل استعمال تفاح أحمر حتى يكون طعمتو أحلى لأنو مارح نضيف سكر للشوفان )

٣. منترك التفاح بالفرن ٢٠- ٢٥ د أو حتى يصير طري كتير وسهل تقطيعو بلثّة الصغار 😋

٤. لبين ما يستوي التفاح بجهز الشوفان بالطريقة الاعتيادية 🤷🏻‍♀️

يعني بكون ناقعة قبل بكم ساعة حبتين تمر كبار بنص كوب مي سخنة وبضيف عليها نص كوب حليب وبطحنهم سوا بالخلاط اليدوي وبحطهم على نار هادية مع ٣ ملاعق كبيرة شوفان وبحركها كل شوي حتى يغلي وبكون جاهز✨

٥. بحط الشوفان بصحن غميق مع التفاح المشوي وهيك بتكون جاهزة!

هادي الطريقة لسلمى، أما صحني أنا ممكن ضيف عليه جوز الهند، عسل ، بندق أو أي نوع من المكسرات أو زبيب .. الخ 🍂

سلمى كتير بتحب هالوجبة وبتتسلى لما بعطيها تمسك التفاح بايدها ❤️ جربوها أكيد رح تحبو هالطعمة بالخريف وخصوصاً كوجبة فطور تاني 😂😂💁🏻

إذا عندكم أي اسئلة أو اقتراحات اكتبوها تحت بالتعليقات 👇🏻

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s