وجبات مشتركة ❤️

رح احكيلكم قصة سريعة 😅

يوم الاثنين قررت أختي المتعاطفة جداً “فاطمة” تساعدني بالتصوير لبوست صرلي فترة حابة احكي عنو 🙌🏻

كانت رح تصورني أنا وعم جهز “الوجبات المشتركة” و بعدين تصورنا أنا وسلمى نحن وعم ناكل الوجبة وتخلينا نبين كيوت 😂😂

المهم كانت المكونات الرئيسية بروكلي و بطاطا حلوة 🤷🏻‍♀️ وأنا صرلي فترة بساويها ومنستمتع فيها كتير، ودائما بتجيني اسئلة عنها بالستوري على الانستغرام ❤️

بس يومها ماكان عندي ولا شي من المكونات الرئيسية 😂😂

ولما كانت جاية لعندي فاطمة التها تجبلي معها بروكلي وبطاطا حلوة من السوبر ماركت يلي جنبي 💁🏻

المهم جابتلي بروكلي بس مافي بطاطا حلوة 💔

بس أنا قلت عادي بس يجي سليم على البيت بذكرو يجبلي ياها معو 😌

بعدين حكاني سليم قبل ما يطلع على البيت وقلتلو كل الاغراض يلي لازمتني ونسيت البطاطا الحلوة 😂😂😂

لما حكيتو مرة تانية لاطلبها منو كان طلع بالباص جاي على البيت 💔

ويا حرام زعل علي وتعاطف معي 😂😂 فقرر يروح على السوبر ماركت يلي جنبنا ويشتريلي من هنيك! وهو هاد نفس السوبر ماركت يلي ماشافت فاطمة عندهم البطاطا الحلوة 😂😂😂😂

حكاني من هنيك وقلي والله ما لقيتها عندهم 💔💔

قلتلو عادي مو مشكلة عندي بالبيت بطاطا عادية باستعملها بدل الحلوة 🤷🏻‍♀️

المهم اجينا وقت التصوير طلعت خالصة من عندي البطاطا العادية كمان وأنا نسيانة 😂😂😂😂

أنا آسفة كتير على هالقصة المملة بس حبيت تعرفو السبب انو الصور فيها بروكلي فقط 💔

من لما بلشّت حضر وجبات خضار لسلمى كانت تاخد مني وقت وجهد دائماً وخصوصاً أنو بأول شهر لازم اطبخ كل شي حتى يصير طري كتير وبعدين اطحنو حتى يصير قوام سهل للاكل 💔

بس حالياً سلمى عمرها ١٠ شهور وأنا عم استمتع كتير بموضوع أنو صار ممكن نتشارك الوجبات سوا 🙌🏻

في أفكار كتيرة جربتها وحابة جرب لسا غيرها وشاركها معكم ❤️

بس حالياً رح اعطيكم اسهل وأسرع وأطيب طريقة لوجبة مشتركة ❣️

الخضار المشوية بالفرن:

غالباً بساوي بروكلي مع البطاطا الحلوة 😂😂

أحيانا بساويها من أي نوع خضار موجود بالبيت متل الكوسا او البطاطا العادية… الخ

الوصفة أبداً مابدها مقادير محددة 👌🏻 بس رح اكتب شو الكمية يلي بساويها بالعادة:

. كوب ونصف بروكلي مقطع حبات صغيرة

. نص حبة كبيرة بطاطا حلوة

. ملعقة صغيرة زيت الكنولا

. ملح + فلفل + بودرة الثوم حسب الرغبة

ببلش دائماً بتشغيل الفرن على درجة حرارة ٢٠٠ درجة مئوية.

وبصينية واسعة بحط ورق الزبدة حتى ما تلزق الخضار بالصينية، وبخلط الخضار المقطعة مع الزيت حتى يتوزع عليهم بشكل متساوي، وبعدين بقسم الخضار لقسمين (١/٣ لسلمى و٢/٣ لإلي 😈)

قسم سلمى بكون بدون ملح وفلفل وبودرة توم 💔

بتركهم بالفرن تقريباً ٢٠ دقيقة لأني بحب الخضار تستوي منيح وتحمر 🙌🏻

وبس هيك!

كتير كتير طيبة وممكن وجبة الأم تحطو جنبها شي تاني متل بيض أو صدور دجاج … الخ

الحلو بهالوجبة أنو تحضيرها كتير سريع ومافيه تعب وسلمى كتير بتستمتع لما بعطيها الخضار تمسكها بأيدها وتاكل ❤️

لسارح حط أفكار تانية وسريعة ان شاء الله بس بدون بطاطا حلوة 😂💔

شكراً كتير لصبركم معي 💔 وإذا عندكم أي اسئلة او اقتراحات اكتبوها تحت بالتعليقات 👇🏻

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s