مكان الأحلام واللعب

بهاد البوست رح احكي عن منقذي الجديد 💔💔

سرير سلمى يلي اشتريناه من فترة، واعتبرناه مجرد سرير عادي وبعدين اكتشفنا استخدامو الأعظم 🙌🏻

بعمر الـ ٩ شهور بتصير أكبر عقوبة عند الأطفال هي الئعدة على الأرض 😂😂 وبصير عندهم شغف بالحركة المستمرة (محاولات المشي والحبي)

ملاحظة بسيطة: يَحبُو = يُدَبْدِب بلهجتنا 💁🏻

يعني  بآخر شهر صار معنا داء بالمفاصل لأنو منبئا عم نركض ورا سلمى هي وعم تدبدب وتحاول توئف وتوئع 🤷🏻‍♀️

للأسف بيتنا كتير صغير وغير مناسب للأطفال بهالعمر، وسلمى ما عندها غرفتها الخاصة حتى ساويلها مكان آمن للتدريب على المشي، خطرلنا أنو نشتريلها متل خيمة صغيرة أو بالأحرى ( أي نوع من أنواع الحبس اللطيف 😂💔) يلي ممكن نخلي سلمى تتحرك فيه برياحة وتدبدب وتحاول تمشي بدون مخاطر، وبدون ما نبئا معها طول الوئت!

شفت خيارات على أمازون متل هادي 👇🏻

بس بعرف أنو سلمى رح تكرهها بعد يومين وأبداً مافيها جدران قوية حتى تنسند عليها وتحاول توئف وتمشي.

وتاني يوم لما فاءت سلمى الصبح وكنت أنا وصلت لمرحلة اليأس معها 💔 خطرتلي فكرة اني جيب السرير وشيل منو الفرشة 💡

لما ساويت هيك وطلعت السرير برا غرفة النوم صارت سلمى جنبي كل الوقت ومعها ألعابها وممكن شغل التلفيزيون على الموسيقى يلي بتحبها حتى ما تمل من اللعب بسرعة ❤️

وبعدين بانتبه فجأة على الكلمة المكتوبة على السرير!

(dream n play) 😂😂 مابعرف ليش ماخطرتلي من قبل

انو ممكن استعملو بهالطريقة؟! لعب بالنهار ونوم بالليل!

كان عندي تخوف صغير: خطرلي انو ممكن سلمى تتعود على اللعب بالسرير كتير ولما بدي حاول نيمها فيه بتصير بتفكر انو هاد وقت اللعب 😂 بس كان توقّع خاطئ الحمدلله 🙌🏻

وبالعكس تماماً صارت بسبب انو عم تفرغ طاقتها بالحركة واللعب طول اليوم، ولما بيجي وئت النوم شي بحطها بالسرير بتغفا بثواااني وبدون مقاومة 👌🏻💯

السرير كتير مناسب للعب، وسلمى بتقدر تمسك باطرافو حتى توقف وكمان بتعرف ترجع تئعد لحالها وتكفي لعب، وفيه شبك من جهتين حتى شوفها هي وعم تلعب “مثالي ✨”

أنا اشتريت السرير من موقع my toys بس بتلاقوه على امازون وكل الأماكن يلي بتبيع مستلزمات الاطفال 🙌🏻

وإذا حبيتو تاخدوه من البداية كسرير للمولود الجديد وبعدين بس يكبر ممكن تستعملوه للعب والنوم.. في إضافات حلوة لهالغرض متل قطعة حتى تساوي مكان نوم الطفل عالي حتى ينحمل بسهولة من السرير 👇🏻

كتير كتير حبيت كيف سلمى عم تتسلى فيه وتتعلم تتحرك براحتها والألعاب بتبئا بمكان واحد 🙌🏻 وعم تعطيني شوية وئت حتى

رتب البيت 🤦🏻‍♀️

اذا عندكم اي اسئلة او اقتراحات او ملاحظات ياريت تكتبوها تحت بالتعليقات 🙏🏻✨

Advertisements

2 thoughts on “مكان الأحلام واللعب

  1. الفكرة كتير حلوة و اكيد بتساعدك كأم و بريحك بس هيدا شي بحد حب الاكتشاف عند الأطفال و بخليون بضلو جوا الصندوق طبعا برأيي .. عندي بارك لابني بتشبه التخت اللي الك بس بحطو فيه مدة لا تتجاوز 30 دقيقة بس اكتشاف العالم بهيدا العمر برأيي كتير شي مهم …و بالنهاية اكيد فكرتك مريحة و عملية وخصوصا لأن الأطفال بهيدا العمر بيأذو حالون ولازم كل الوقت نضل وراهون وإذا بتنك حبتها فهيي المناسبة ❤ موفقة

    إعجاب

    1. اي طبعاً كلامك صحيح، وأساساً سلمى بتخليني طبئ كلامك اجباري عني مو بشطارتي 😂😂 هي ما بتأعد فيه فترة طويلة متواصل، بس كتير بساعدني حتى آخد استراحات وكون متطمنة عليها 💔 وبعدين برجع بخليها تفلح البيت فلاحة 😂😂 بس لازم ابقا وراها كل الوئت 🤷🏻‍♀️

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s