قلادة العنبر لتخفيف آلام التّسنين | Baltic amber teething necklace

قلادة العنبر يلي بتلبسها سلمى، وكتير بتجيني أسئلة عنها على الانستغرام..

رح تعرفو بهاد البوست كل التفاصيل يلي بتخص وجع الأسنان و دور قلادة العنبر بتخفيف الألم، مع طرق استعمالها وأماكن توفرها وشو هي المخاطر والفوائد وكيف كانت تجربة سلمى معها 💕

بلش وجع الأسنان عند سلمى من عمر الـ 3 شهور تقريباً.. وكانت لهالسبب تكره الرضاعة وتحب الملعقة أكتر 😅

بس للأسف بهالعمر كانت ماتعرف تمسك بإيدها عضاضة حتى تساعد بتخفيف الألم..

وبئيت حاول استعمل معها العضاضات يلي بتنحط بالتلاجة حتى تعطي برودة للثة وتخفف الوجع بس ما استفدنا أبداً لأنو سلمى ماحبتها حتى بعد عمر الـ 4 شهور.

وبعدين لما شفت لثة سلمى بلشت تتورم وئرب الوئت يلي رح يطلع فيه أول سن جربنا نشتري هادي القلادة 🙌🏻

web4.jpg

قلادة العنبر البلطيقي

اسمها بالانكليزي: Baltic amber necklace

وبالألماني: Bernstein Halskette

أنا سألت عنها بالصيدلية بالأول بس ماكانت موجودة، وبعدين لقيناها بسوبر ماركت بقسم مستلزمات الأطفال.

وسعرها بحوالي الـ 12 € تقريباً.

القلادة فيها حبات من العنبر الطبيعي (وهو بالأصل من المستحاثات ومانو حجر)

حرارة الجسم لما بتلمس العنبر بتحرر منو حمض الـ succinic يلي بيدخل عن طريق البشرة للجسم وبساعد بكتير شغلات من بينها:

. تعزيز المناعة

. التقليل من الالتهابات وخاصة باللثة

. زيادة نسبة الايبو بروفين بالدم (مسكن طبيعي للألم)

. وفوائد تانية كتير متل تحسين المزاج والتسريع بالشفاء الطبيعي والراحة بحالات التهابات الأذن والأنف والحنجرة 

كل الفوائد المكتوبة فوق أنا لمستها تماماً مع سلمى! بس لسا في فوائد كتيرة مذكورة عن العنبر بس بصراحة مابعرف مدى المصداقية فيها!

ويقال أنو درجة لون العنبر بتختلف بحسب نسبة حمض الـ succinic الموجودة فيه. يعني كل ماكان لونها أفتح بتكون النسبة أعلى وبالتالي الفائدة أكبر!

الموضوع طبعاً مانو سحر! يعني هو بالنهاية علاج طبيعي مستحيل يكون سريع جداً أو بيغني تماماً عن الأدوية، وحتى سمعت أو في ناس ماحست بنتائج من استخدامو.. وفي ناس تانيين أكدت على فوائدو على الأطفال والبالغين كمان!

web3

 

بالنسبة لتجربة سلمى❣️

لما بلشنا نستعمل القلادة، الطبيعي أنو لازم تلبسها وننتظر يوم كامل لتبدئ تبين النتائج، وبالفعل بأول فترة كانت مرتاحة كتير ويمكن خلال الأسبوع اضطر اعطيها مرة وحدة بس شراب مسكن لأنو كانو اسنانها عم يطلعو. بس ماكنت متأكدة أنو القلادة هي السبب! خطرلي أنو يمكن سلمى عم تلتهي باللعب ونسيانة الوجع أو شي سبب تاني🤷🏻‍♀️

بس في مرة نسيت لبسها القلادة بعد الحمام، ونامت بالليل.. وتاني يوم طلعنا من الصبح مشوار بعيد وكمان نسيت لبسها ياها لحتى رجعنا المسا عالبيت. بس يومها اضطريت اعطيها شراب مسكّن 3 مرات!!

وقتها عرفت ضرورة القلادة وفوائدها على سلمى بهالفترة الصعبة! وحتى اليوم يلي طلع فيه تاني سن لسلمى اضطريت اعطيها مسكن مرة وحدة بس مع استعمال القلادة.

 

web1.jpg

القلادات الخاصة للأطفال كتير آمنة! لأنو مصنوعة من خيط كتير سميك ، وفي عقدتين بعد كل حبة عنبر وحتى لو انقطع ما بينزل غير حبة وحدة والباقي بيبقى مكانو! 

 

web6

وفيها قفل سهل كتير وبشكل مناسب للاستعمال مع الاطفال.

web5

طول القلادة كتير مثالي لأنو سلمى مابتشوفو أبدا هي ولابستو وغالباً بكون تحت قميصها حتى يكون ملامس بشرتها بشكل أفضل 🙌🏻

ووقت النوم طبعاً بشيلو من رقبتها وبحطلها ياه يعى إيدها وبخبيه كمان تحت الكم حتى ما تلعب فيه 😅

أكيد ممكن ماتحطوه نهائياً وقت النوم وترجعو تستعملوه الصبح بس يفيق الطفل، بس لأني بعرف حالي رح انسا ارجع لبسها ياه لهيك بتركو بالليل بإيدها، وكمان لأني بحس الستعمال المتواصل بيعطي نتائج أفضل.

وأنا شخصياً ما حسيت فيها أي مخاطر لاختناق طالما سلمى معي دائماً بهالعمر، ومابتركها تلعب فيه أو تأربو على تما أبداً.

web2.jpg

برأيي: أنا بنصح فيه 100% وسمعت كتير بالغين بيستعملوه كمان، فأكيد حابة جرب وشوف النتائج ✌🏻

 

إذا جربتوها من قبل عليكم أو على الأطفال ياريت تكتبولي كيف كانت النتائج معكم وانطباعكم عنها حتى نستفاد من بعض 💕

وإذا في أي أسئلة أو اقتراحات ياريت تكتبوها تحت بالتعليقات ❣️

Advertisements

3 thoughts on “قلادة العنبر لتخفيف آلام التّسنين | Baltic amber teething necklace

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s