مفضلات شهر شباط | February favorites

المفضلات المتأخرة كالعادة 😅

الشهر الماضي كان حافل بتجارب جديدة مع سلمى! 

تابعو معي البوست لتعرفو اكتر الاشياء يلي عطتني الهام بشهر شباط  💖

Art therapy 

web2.jpg

يلي متابعيني على الانستغرام بيعرفو أديش كنت عم استمتع آخر فترة بالـ Art therapy وخصوصاً بالألوان المائية!

مع ضغوضات الأمومة وانعدام الوقت بصير الجو كتير متوتر بالبيت! بس مجرد 10 دئايئ مع دفتري والألوان المائية بيرجعلي الهدوء والرواء متل السحر!

إجاني هاد الدفتر من انسانة كتير لطيفة -وللصراحة ماكان رح يخطرلي اشتريه لحالي- وكتـــيـــر حسيت بأهميتو بحياتي.

جودة هاد الدفتر كتير حلوة من ناحية نوعية الورق والحبر (مناسب للالوان المائية) وفيه جنب كل رسمة مقولة حلوة.

بنصح فيه 100%

 

Abstract 

netflix-original-abstract-the-art-of-design

السلسة نزلت جديد على netflix وفيها جرعة إبداع غير محدودة!

بتحكي السلسلة عن أنواع الفنون المختلفة من وجهة نظر الفنان وبتمشي معو بمراحل تأسيس رحلتو الفنية وكيف بيوصف أعمالو الفنية وشوهي الصعوبات يلي واجهتو والنجاحات الملهمة فيها…

كانت متابعة هالسلسلة أكبر استثمار للوقت وشحن للابداع ومتعة كبيرة بنفس الوئت 💕

Ella’s Kitchen: The First Foods Book: The Purple One

web 3.jpg

الشهر الماضي حسيت على سلمى أنو متراجعة محبتها للرضاعة وماعم يكفيها الحليب لحالو، ولما استعنت بالقابلة المسؤولة عن وضعها الصحي خبرتني أنو سلمى صارت جاهزة لدخول مرحلة التعرف على الأكل بالاضافة للرضاعة الطبيعية!

ولحسن حظي كانت اختي الحبابة جايبتلي هالكتاب من لما كنت حامل، وكمان ماكان رح يخطرلي أبداً إني اشتري كتاب لاكل الاطفال!

web7.jpg

عندي خبرة بسيطة وبعرف إنو الصغار بالبداية بيعطوهم تفاحة أو موزة مهروسة وممكن بطاطا مسلوقة أو وجبات القمح والرز ما اكتر من هيك!

ولما قرأت الكتاب اتغيرت المعادلة تماماً!!

SAM_4324.JPG

أكيد رح أحكي أكتر بشكل موسع عن الموضوع ببوست تاني، بس هالكتاب بنصح فيه وبشدة لكل يلي بيقدرو يفهمو انكليزي أو حتى لو ماعندكم خبرة بالانكليزي ممكن تستعينو بالترجمة لأنو أفكارو بسيطة كتير ومهمة أكتر!

SAM_4323.JPG

أكتر شي حبيتو بالكتاب هو التجارب الجريئة يلي بتفيد الصغار كتير بس كان مستحيل يخطرلي اتجرأ وجربها لو ما شفتها بالكتاب.

شكراً جزيلاً فوفو 💔

embroidery | التطريز

web8.jpg

يلي متابعيني على pinterest أكيد ملاحظين اهتمامي الكبير مع الرسمات المطرزة الحلوة 💔

وياريت ياريت عندي الوقت لحتى طرز على كل تيابي 😂 بس للأسف لسا لهلأ ما صرلي وئت جرب حتى 💔

بس يلي بعرفو أنو قريباً ان شاء الله رح جرب وشارككم تجربتي بالتطريز كالعادة 💕

خبروني بالتعليقات تحت شو كانت أكتر الأشياء المفضلة عندكم الشهر الماضي؟ 🍃

وشكراً كتير لدعمكم المستمر 💕

Advertisements

4 thoughts on “مفضلات شهر شباط | February favorites

  1. متحمسة لتجربتك بالكتاب، استغربت انو قالتلك دخليلها الاكل وهي لسا كملت 4 شهور الي اعرفو لما يكمل 6 شهور
    عندك فكرة فين القى الكتاب؟

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s