bullet journal February update |تحديثات شهر شباط على البوليت جورنال

أهم ميزات البوليت جورنال هو التحكم الكامل بشكل وخصائص ووظائف التنظيم فيه!

يعني هي تجربة قابلة للتطوير باستمرار، وبهاد البوست رح شارك معكم التطويرات الجديدة يلي ساويتها لشهر شباط على البوليت جورنال.

بالبداية يلي ما بيعرفو شو هو البوليت جورنال، ياريت تضغطو على هاد الرابط بالأول  ↶

my 2017 new planner | منظمي الجديد 2017

هاد الرابط رح ياخدكم للبوست يلي شرحت فيه بشكل مفصل عن بدايتي مع البوليت جورنال وكل المعلومات الخاصة فيه ❤

متل ما حكيت بالبوست يلي فوق، أنا ما التزمت تماماً بالتعليمات الأساسية لهادي الطريقة بالتنظيم، وحبيت جرب امشي فيه خطوة خطوة وشوف يلي بناسبني حتى اثبت عليه، ويلي ما بيناسبني غيرو!

أول شي غيرتو هو الفكرة يلي حكيتا هلأ 😂

رجعت مرة تانية للموقع الرسمي للبوليت جورنال ورجعت قرأت التعليمات بالضبط ورح احكيلكم شو كانت التغييرات الجديدة:

الرموز (المفاتيح)

من خلال تجربة شهر كامل عرفت الرموز يلي باستخدمها بشكل رئيسي :

• : النقطة هي رمز المهام، يعين كل المهام يلي بدي اكتبها بالمنظم اليومي بحط قبلها نقطة

ولما بساوي المهمة وبخلص بشطب على المهمة بالكامل حتى ما اتشتت بالسطور الكتيرة

وإذا حبيت الغي المهمة تماماً من قائمتي بصير بحط Χ فوق النقطة، حتى ما ارجع فكر فيها مطلقاً

وإذا حبيت أجلها لغير يوم بحط إشارة < فوق النقطة وبصير بآخر الأسبوع بساوي جرد لكل المهام يلي قبلها هالإشارة وبوزعها على الأيام الجاية.

أما باقي الرموز فتركتها متل ما كانت من قبل:

Δ : للمواعيد

 ❤ : للالهام

Ε : للبحث بالانترنت عن موضوع معين

★ : عند السطور المهمة

هادي الرموز أنا باستعملها بشكل يومي وبتساوي التنظيم أسهل بكتير وعملي، وبفضل إني ما ضيف رموز أكتر من هيك لأني بحس التنظيم رح يفقد ميزتو العملية ويصير معقد و مربك.

future-lg-zomed

سجل المستقبل | future log 

ما بعرف ليش حسيت ما الو داعي أبداً لما بدأت باستعمال البوليت جورنال! 

بس خلال شهر كانون التاني لاحظت أنو يكون في أشياء متل مواعيد أو أفكار حابة ساويها خلال الشهور الجاية، بس مافي مكان لهيك شي!

future-log

هاد السجل هو عبارة عن السنة كاملة مقسمة على 3 صفحات، كل صفحة 4 شهور، المساحة عند كل شهر بتكفي لكتابة العناوين الرئيسية المهمة لهاد الشهر .

أما باقي تفاصيل الشهر الصغيرة ممكن نكتبها بالمنظم الشهري.

meals

قائمة الوجبات والتسوق

كنت الشهر الماضي خصص صفحة كاملة للوجبات والتسوق بس بنهاية الشهر ما استعملتها بشكل كامل، وأنا بكره الفراغات بالمنظم 😁

وكتير حبيت شكل الصناديق ضمن صفحات المنظم اليومي 💕

رسمها بسيط ومافي داعي لتحضير مسبق لهادي القوائم وكل مابيخلصو من صفحة بساوي غيرها خلال تنظيم الأيام التانية بغير صفحة، 

doodles

في صفحة فاضية كانت بين سجل الشهور وبين منظم شهر شباط فقررت ساويها للشخبطات 💖

 

هادي هي التغييرات يلي ساويتها لشهر شباط ❤ 

شاركوني تجربتكم مع البوليت جورنال، أو مع التنظيم بشكل عام 

وأي سؤال أو اقتراح ياريت تكتبوه تحت بالتعليقات 

ولا تنسو تساوو متابعة للمدونة عن طريق البريد الالكتروني، حتى يوصلكم ايميل كل مابينزل بوست جديد 💕

شكراً كتير لدعمكم المستمر 💓

Advertisements

2 thoughts on “bullet journal February update |تحديثات شهر شباط على البوليت جورنال

  1. ما شاء الله
    مفكرتك جميلة ومرتبة

    أنا أيضا أستخدم هذا النظام، وأسميه في مدونتي باسم: المفكرة النقطية

    أتطلع دائما لقراءة أفكارك والتعلم من تجاربك

    شكرا جزيلا لك على مشاركتك لنا بمفكرتك ♡

    Liked by 1 person

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s