January favorites | مفضلات كانون الثاني

😁 لسبب ما بعتبر شهر كانون التاني نهاية الشتوية وبداية الربيع 

تابعو معي البوست حتى تعرفو السبب وشوية شغلات تانية كانت مفضلة عندي الشهر الماضي 💕

نعم نعم 😏 هاد هو سبب احساسي أنو الربيع صار كتير قريب

tulip.jpg

التوليب

هو أكتر شي مفضل بالنسبة إلي بشهر كانون التاني 💕

كتير حلو شكلن لما بكونو مغمضين وبعدين بيفتحو وبيكبرو وبتصير ألوانن أحلى💕 بيعطو جو كتير حلو للبيت وبيبئو فترة طويلة بالفازة قبل ما يموتو 😅 غالباً بترك التوليب عندي لمدة أسبوع لحتى اتأكد إنن ماتو عالأخير بعدين بكبن 😂

bultjrnl.jpg

bullet journal

وطبعاً هاد من أهم الأشياء يلي دخلت حياتي مؤخراً وخلت كلشي أسهل وأحلى 💓

حبيتو كتير وندمت على كل الورق والحبر والوقت يلي كنت ضيعو على المنظم القديم والاهتمام بالشكل على حساب العملية والمضمون 💔

أنا ساويت بوست قديم بيحكي بالتفصيل عن هادي الطريقة بالتنظيم، إذا حابين تلقو نظرة عليه ادخلو على هاد الرابط ↶

my 2017 new planner | منظمي الجديد 2017

ولسا ان شاء الله البوست الجاية رح يكون عن التعديلات الجديدة يلي ساويتها عليه ونصائح وأفكار أكتر بهاد الموضوع 💖

white noise

هو الاختراع العظيم يلي ساوا حياتنا أنا وصديقي أريح بكتـــيــر

وهي الأصوات الطبيعية يلي بتشتت الأصوات الموجودة بالجو المحيط وبتعطي جو مختلف تماماً وبتساعد كتير على الاسترخاء.

متل صوت الشلال أو صوت المطر والرعد أو صوت حطب عم يحترق … الخ

بالنسبة للأولاد الصغار ممكن يرتاحو أحيانا على صوت مكنسة الكهربا أو السشوار 😂

ولهالشي في تطبيقات كتير مريحة وفيها كل هادي الأصوات!

white noise.jpg

عم استعمل هاد التطبيق مع سلمى وقت النوم، وهي اتعودت عليه صارت بتسترخي بس تسمع الأصوات فيه ومنقدر نكفي يومنا بشكل طبيعي بدون ماتنزعج من الضجة يلي منساويها 👌😁

 💔 وغالباً بترك الأصوات شغالة كل فترة النوم، حتى سليم وسلمى صارو ما بيحبو ينامو بلاها

cake mix

 

cake mix.jpg

غالباً بعالمنا العربي ما كتير متعارف عليه،

فعلياً هو مزيج الطحين المستعمل للكيك، وبكون مكون من طحين ونشاء الذرة بنسبة معينة.

بالصدفة قرأت عنو بوصفة كيكة البرتقال وجربتو، ومن بعدها فرق معي موضوع خبز الكيك بشكل كـــامل!

النشا بيخلي قوام الكيك أزبط بكتير وبصير طري ومتماسك وما بيفرط وقت التقطيع 💕

النسبة المستعملة بالـ cake mix هي:

كل كوب طحين رح نستعملو بالكيكة، لازم نشيل من الكوب ملعقتين كبار طحبن نرجعن للكيس ونحط مكانن ملعقتين كبار نشاء

وبهالبساطة ! بكون في عندكم مكون سري للكيك 😈

stickers.jpg

planner stickers

كل مابشوف هالملصقات أحشائي بتمتلئ بالحب 💕

طلبت هدول الملقات من amazon بسعر كتـــيـــر رخيص لأنو مستورد من الصين!

طبعاً بسبب هالسعر الحلو بكون التوصيل كتير سيئ 😂 يمكن انتظت أكتر من 15 يوم حتى وصلوني!

بس بصراحة نوعية ممتااازة وكتير حلوين ومفيدين 😍

اذا بتدخلو على هاد الرابط رح تشوف البوست يلي حكيت فيه بالتفصيل عن الملصقات مع رابط أمازون حتى تشترو من هادي الملصقات لو حابين ↶

bullet journal stickers | ملصقات للمنظم

 

وكالعادة أي سؤال أو اقتراحات اكتبوها تحت بالتعليقات 💕

وخبروني شو كان اكتر شي مفضل عندكم الشهر الماضي؟

شكراً كتير لدعمكم المستمر 💓

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s