bullet journal stickers | ملصقات للمنظم

هادي السنة عم اتبع طريقة مختلفة كلياً بالتنظيم!
بسبب استخدامي طريقة الـ bullet journal صار التدوين والتنظيم بالنسبة إلى بالمرتبة الأولى قبل الشكل الحلو والاكسسوارات, يلي كانت تاخد من تركيزي ووقتي أكتر بكتير من التنظيم يلي كان المفروض يكون هو السبب الرئيسي لاستخدام المنظم!

بهاد البوست رح شارك معكم ملصقاتي المفضلة يلي بستعملها بالتنظيم، وجاهزة للتحميل والطباعة مجاناً ♥

قبل كل شي أنا حابة اعترف بإني حبيت الستيكرز الجاهزة أكتر بكتير من أني اطبع ستيكرز من الانترنت وقصها واحتفظ فيها للتنظيم،

لأكتر من سبب:

السبب الأول هو أنو الحبر العادي المستخدم بالطابعة المنزلية هو حبر غير مضاد للماء، والورق بكون بجودة قليلة كتير بينما لما بستعمل الستيكرز جاهزة بتكون عملية أكتر ومابخاف انو تخرب ويصير شكلها بشع مع الوقت!

تاني سبب هو أنو الستيكرز يلي منساويها من البيت بتكون غالباً مقصوصة لقطع صغيرة وكتيرة وصعب حفظها بالمنظم، وبصير استخدامها صعب ومتعب وأبداً مو عملي! بينما الستيكرز الجاهزة بتكون عدد كبير بصفحة وحدة وهيك بتكون أسهل للحفظ والاستعمال.

SAM_3973.JPG

السبب التالت هو الوقت! فعلياً هي ملصقات لتنظيم الوقت، بينما أنا كان تزيين المنظم ياخد معي وقت أكبر بكتير من التنظيم الفعلي !😅

 بالنسبة لألي طلبت من فترة هدول الستيكرز من amazon ↶

SAM_3962.JPG

↶ وهاد الرابط اذا حابين تطلبو ملتن

https://www.amazon.de/Bl%C3%A4tter-Papieraufkleber-Aufkleber-Geschenkverpackung-Scrapbooking/dp/B01DS24MQ4/ref=sr_1_fkmr1_1?s=kitchen&ie=UTF8&qid=1485209975&sr=1-1-fkmr1&keywords=salz+von+12+bl%C3%A4tter+vintage+deco+papieraufkleber+aufkleber+geschenkverpackung+scrapbooking 

 من الملصقات المفضلة عندي هي الدوائر، صايرة عم استخدمها لتمييز الصفحات المهمة بهالشكل ↶

SAM_3965.JPG

الحلو بهادي الطريقة أني بقدر وصل لهادي الصفحات بسهولة بدون مايكون في قصاصات طالعة من الصفحات بشكل مزعج وغير عملي!

SAMSUNG CSC

أما بالنسبة للملصقات يلي صممتها، حطيت فيها من هادي الدوائر بالاضافة لعلامات التبويب القديمة حتى تختارو يلي بناسبكم،

وحطيت كمان مجموعة كلمات استخدمتها بالمنمظم تبعي، حتى تستعملوها للتزيين ♥

هيك رح يكون شكل الملصقات ↶

bullet journal stickers 1.jpg

وهاد رابط لتحميل وطباعة الصورة مجاناً  ↶

اضغط لتحميل الملصقات

 

اذا حابين تعرفو معلومات اكتر عن طريقة طباعة الملصقات، ادخلو على هاد الرابط بتشوفو فيه الخطوات بالتفصيل ↶ 

ستيكرات وأفكار لتزيين المفكرة اليومية | stickers & ideas for daily planners

ياريت اذا عندكم أي اقتراح أو سؤال تكتبوه تحت بالتعليقات 💕

وشكراً كتير لدعمكم المستمر 💖

Advertisements

One thought on “bullet journal stickers | ملصقات للمنظم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s