February planner | منظم شهر شباط

Hello February

 
حبيت هالشهر ساوي تصاميم لبلانر كامل فيه ألوان ورسمات شتوية 
 
وبهاد البوست رح تشوفو منظم يومي جديد وبطاقة لشهر شباط مع ستيكرز وفواصل وعلامات تبويب جاهزة للطباعة مجاناً 
 

 

 

 

↞ المنظم اليومي 

 

بهاد البلانر ساويت المنظم اليومي بدون أي تعيين، يعني ماحددت فيه سنة 2016 بالتاريخ أو شهر معين..
 تركت فراغ التاريخ فاضي تماماً حتى تستخدموه للتاريخين الهجري والميلادي 
 
وكمان فيه قائمة للمهام وقائمة للتسوق وقائمة تذكير بأهم 3 مهمات لليوم، وفيه قائمة المواعيد وقائمة التذكير بعدد كاسات شرب المي وقائمة الوجبات ( فطور، غداء، عشاء)..
 
رح يكون المنظم اليومي بملف publisher مع البطاقة الشهرية بالللغتين العربي والانكليزي والحجم  A5  
 

 

 

 

 
وهادي روابط التحميل  ↶ 
 
 
 
 
 
وإذا كنتو مابتعرفو طريقة الطباعة بحجم A5 ممكن تشوفو هاد البوست فيه الطريقة بالتفصيل  
 
 
 

↞ الفواصل

 
صممت صفحتين ممكن ينطبعو على الوجهين لنفس الورقة حتى تكون فاصل بين الشهر الماضي وشهر شباط.
 
ممكن طبعاً تستعملو أي صور أو نقشات تانية بتحبوها،
 بس حبيت ساوي فاصل من نفس الألوان والرسمات حتى يكون تصميم المنظم متكامل.
 

 

 
كمان الحجم A5
وهاد رابط التحميل 
 
 
 
 

↞ الملصقات ومؤشر الصفحات

 
بهاد الملف في صفحتين بحجم A4، الصفحة الأولى للملصقات والصفحة التانية لمؤشر الصفحات لهيك ممكن تطبعو الصفحة الأولى على ورق لاصق والصفحة التانية على ورق عادي أو لاصق نفس النتيجة.
 
.  .   .   .  .  .  .  .  .  .  .  .  .
 
للأسف لساتني عم واجه صعوبة بكتابة جمل محفزة باللغة العربية 😦
 
فصممت ملصقين لجمل محفزة بالانكليزي وملصق واحد لجملة عربية.
 

 

 

 
 
مع علامات تبويب بتصميمين، وكل تصميم ساويت منو 3 نسخ.. نسخة عليها (شباط) ونسخة عليها (February) والنسخة التالتة فاضية حتى تكتبو عليها أي شي بتحبوه متل الشهر الهجري أو حتى تستخدموها بشهر تاني غير شباط.
 
 
 
 
وبالنسبة لمؤشر الصفحات ساويتو أكبر من حجم صفحات المنظم ب2 سم حتى يبرز خارج المنظم ويدلنا على صفحة اليوم مباشرة،
 
 
ومتل مو شايفين بالصورة ساويت الفاصل بوجهين متلاصقين بخط واحد،
 ولما رح تطبعو الفاصل على ورقة A4  قصو الفاصل على أنو شكل واحد ( يعني خلو الوجهين متلاصقين بهاد الخط يلي بيفصل بينهم) وبعدين منطوي الوجهين عند هاد الخط ومنستعمل لاصق UHU لنثبت الوجهين على بعض.
وبعدها منثقب الفاصل تماماً متل ما منثقب صفحات البلانر، بس الفرق أنو الفاصل رح يكون أطول من فوق ب 2 سم.
 
 
وهيك رح يكون شكل الفاصل وعلامات التبويب  
 

 

 

 
وهاد رابط التحميل  
 
 
 
 
 
وإذا عندكم أي سؤال عن طباعة الملصقات هاد بوست فيه الطريقة بالتفصيل 
 
 
 
أي اقتراح أو استفسار فينكم تكتبوه بالتعليقات، وإذا حابين تساعدوني بموضوع الجمل المحفزة باللغة العربية ياريت تقترحو علي جمل بتعطيكم الهام أو جمل شفتوها بكتب وحبيتوها حتى صمم منها ملصقات جديدة 
 
شهر جديد مثمر ان شاء الله 
Advertisements

2 thoughts on “February planner | منظم شهر شباط

  1. اليوم قضيته كله في تصفح مدونتك وكمان ياريت كفى اليوم 🙂 لسة باقي حاجات كتير اتصفحها
    لو سمحتي ممكن اسالك من فين جبتي الدفتر اللي في اسلاك فوق في الصور ؟ انا عايشة في جدة ف لو جبتيها من lكان بجدة ممكن تفيديني؟؟؟ وشكرا لك على بوستاتك الاكثر من رائعة متحمسة جدا اخلص اختبارات الجامعة وابدا في اول منظم خاص بيا ان شاءالله 3>

    Liked by 1 person

    1. شكراً كتير على كلماتك الحلوة ❤️❤️
      الدفتر هو عبارة عن ملف حجم A5 اشتريتو من مكتبة بألمانيا بس بطن بتلاقي منه او من المفكرات العادية بجرير 🤔 المهم انتبهي يكون حجم الورق A5 لانو هالحجم كتير سهل للطباعة وكتير مريح للتنظيم ❤️ موفقة 🌟

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s