5 خطوط يدوية مميزة | 5hand writing fonts

 hand writing 

 
مع أنو خطي بالعربي متل خط طلاب الصف التاني >_<
بس رح شارك معكم طريقة كتـــيـــر سهلة للكتابة بالانكليزي بشكل حلو 
 

 

 


 
 
هدول أكتر 5 طرق حلوة كتير وسهلة وما بتحتاج مهارة بالخط أبداً 
 
 

⇠ 

 
 
 
هاد الخط المفضل عندي اسمو brush lettering غالباً المفروض ينكتب هاد النوع من الخط بالفرشاية، بس لأنو الكتابة بالفرشاية كتير صعبة بالنسبة لإلي فحاولت اعطي نفس التأثير بس باستخدام قلم عادي 
 
الخطوات:
 
1. كتبت الكلمة بحروف موصلة ( هادي هي أهم خطوة فعلياً ) وأبداً مو ضروري يكون الخط مثالي! المهم هي الكتابة بثقة وسرعة وأكيد رح يكون شكل الحروف متناسق ❤ 
 
2. هون لازم نحدد الخطوط المتجهة للاسفل ( يعني الخطوط يلي منبلش فيها من نقطة عالية ومننزل بالخط لتحت )
متل الصورة ↶ 
 
 
3. هادي الخطوط يلي رح تكون عريضة ( حتى نساوي تأثير بيشبه تأثير الفرشاية ) 
رح نرسم خط تاني بعد الخط يلي حددناه من جهة اليمين متل الصورة 
 
 
4. هلأ منلون الخطوط وبتكون الكتابة جاهزة  ❤ 
 
 
مع هاد الخط كتير حلوة الزخارف، وبصير شكلو احترافي بدون جهد  ❤ 
 
نصيحة: اتدربو على هاد الخط بحجم كبير بالبداية وبعدها بتشوفو أديش بصير سهل عليكم بكل الأحجام. 
 
 
 
 
 

⇠ 

 
الخط التقليدي الأسهل على الإطلاق! بس دائماً حلو وخصوصاً للعناوين أو بكتابة أسماء على ملصقات للتصنيف.
 
الخطوات:
 
1. اكتبو بالبداية الكلمة بقلم رصاص وحاولو تتركو فراغات بين الحروف. 
 
 
2. بعدها رح نرسم خط متواصل يحيط بكل الحرف من كل الجهات متل الصورة  
 
 
 
3. هلأ رح نمحي الخطوط الرصاصية وممكن تتركوه هيك أو تلونوه من جوا  ↶ 
 
 
 
 

⇠ 

 
 
 
هاد من بين الخطوط المفضلة عندي كمان ❤ وغالباً بستعمل معو قلم أسود 0.1 حتى يكون كتير رفيع وأنيق.
 
الخطوات:
 
هاد الخط بينكتب بحروف كبيرة فقط، وبينكتب بين 3 سطور أول سطرين كتير قريبين لبعض والسطر الأخير بعيد، وبتكون الحروف طويلة ورفيعة.
 
1. أول خطوة لازم نرسم الـ 3 سطور بقلم رصاص (الكتابة بدون السطور رح تخرب أناقة الكتابة أكيد) 
 
2. رح نكتب الكلمة يلي بدنا ياها أنا هون كتبت نفس الكلمة hello 
 
 
 
3. هلأ رح نمحي خطوط الرصاص وبعدها ممكن نزين الكتابة بشوية رسمات بسيطة، أنا بحب لون فوق الخط وبيطلع شكلو كتــيــر مميز. 
 
 
 
 
 
 

⇠ 

 
 
 
 
هاد الخط كتير مناسب لكتابة البطاقات، وكمان بالرغم من سهولة كتابتو بيعطي شكل كتير مميز وحلو 
 
الخطوات:
 
1. رح نبلش برسم السطور بقلم رصاص حتى تكون الحروف مرتبة، إذا رح تكتبو حروف كبيرة بيكفي سطرين أما إذا حروف صغيرة لازم 4 سطور.
 
2. فعلياً الكتابة مابدها شرح، المهم أنو أول خط شاقولي من الحرف لازم يكون مضاعف متل الصورة  ↶ 
 
 
3. منمحي الخطوط الرصاصية، وبعدها ممكن نترك الكتابة هيك أو منلون الخط المزدوج وبصير شكلو هيك  
 
 
 
هاد الخط كتير بسيط ومابدو تدريب حتى، أنا متأكدة من أول محاولة رح تاخدو نتائج حلوة كتير  
 
 
 

⇠ 

 
 
الخطة البديلة دائماً.. إذا ما عرفتو تتعاملو مع أي نوع من هادي الخطوط.. إليكم صديقتي المقربة  
 
 
 
 
 
↫ مسطرة الأحرف طبعاً ↬
 
حكيت كتير عن هادي المسطرة بالبوست الماضي، ممكن تشوفو البوست من هاد الرابط  
 
 
 
 
 
 
 

هدول الخطوط رح يكونو كتير مفيدين للتصاميم أو للتدوين وكتابة مذكرات وبطاقات.. الخ



وأكيد لازم تتدربو على الخطوط أكتر من مرة حتى تاخد ايدكم عليها، وحتى تبلشو تدخلو اسلوبكم على الخطوط..










ولازم تعرفو أنو هادي الخطوط يدوية، يعني المثالية غير مطلوبة على الاطلاق ❥






 
رح يكون في بوست تاني ان شاء الله فيه الطريقة يلي بستعملها لاستخدام هالتصاميم من الورق للفوتوشوب بشكل سهل
 
وإذا جربتو هادي الخطوط ياريت تعملولي تاغ على  الانستغرام حتى شوف ابداعاتكم 
 
 
 
 
 
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s