5 أدوات أساسية للأعمال اليدوية | the 5 main crafting tools

5 أدوات رح تنقل مستوى أعمالكم اليدوية لمرحلة أعلى ➹

 
 
الأدوات يلي رح احكي عنها بهاد البوست حرفياً أساسية!

1- اللاصق
 
(((بكل أنواعه))) 
 
 
عنجد رح يلزم بكل أنواعو هههههههه بدون استثناء، بجميع الأحوال اللاصق ما بكلف كتير بس حتى لو اتكلفتو أول مرة هو محرز فعلاً لأنو رح تستخدموه كتييييير 
 
رح اكتب أنواع اللاصق يلي بالصوره:
 
1- غراء سائل أبيض (white glue): يستعمل مع الورق.
 
2- اصبع غراء أوهو (glue stick): يستعمل مع الورق.
 
3- صمغ سائل (uhu): يستعمل لكل الأغراض.
 
4- super glue (الأنبوب الصغير) : كتيير مهم لأنو قوي وأهم استعمالاتو للزجاج والبلاستيك.. الخ
 
5- اللاصق الورقي: بالصورة موجود الحجم العريض بس غالباً عندي العريض والرفيع وكتير مهمين الحجمين، أحلى ميزة للاصق الورقي أنو مابيترك أثر بعد مانشيلو لهيك هو أكتر لاصق مستخدم بالأعمال اليدويه.
 
6- فرد السيليكون (hot glue gun) : كمان ممكن استخدامو مع كتير شغلات باستثناء الورق، بشكل عام كتير حلو استخدامو على القماش لأنو ممكن يكون بديل عن الخياطه أحيانا.
 
7- الاصق بوجهين (double side tape) : في منو نوعين الرقيق يلي بكون كتيييير مفيد مع الورق، والنوع السميك يلي منستخدمو كتير لتعليق شغفلات على الحيط، والنوعين كتير ضروري وجودن عند كل شخص بحب الأعمال اليدوية.
 
8- لاصق ملون أو مزخرف: هاد النوع غالباً بكون أغلى نوع ومافي منو خيارات كتير بالدول العربيه، بس بشكل عام استخدامو للتزيين بكون مفيد وسريع دائماً وفيه اختصار للوقت.
 
هادي الـ 8 أنواع أســاســـيـــة لأنو أحيانا بسبب عدم توفر نوع منها منضطر نستعمل بشغلنا نوع تاني ويكون مامناسب لهالشغل ويخرب كلشي بسبب اللاصق ~.~
 
2- x acto knife + cutting mat
(مشرط التحديد + لوح التقطيع)
 
 
 
ما كنت فكر أنو المشرط شي أساسي بس بعد ماصرت استعملو عنجد طلع كتيييير مهم، لأنو دائما في تفاصيل صعب نساويها بالمقص، بالصورة في نوعين مختلفين من الـ x acto knife وكل نوع الو استخدامات مختلفة تقريباً بس بنصح بالمشرط يلي شكلو متل القلم لأنو أسهل، طبعاً هو أبدا مو مكلف وبيجي معو شفرات حتى نبدل كل فترة وحتى ممكن نشتري شفرات بشكل منفصل… وطبعاً مارح تقدرو تستخدموها إلا إذا كان عندكم لوح التقطيع، لأنو الشفرات كتييير حادة ورح تجرح الطاولة يلي عم تشتغلو عليها، كمان لوح التقطيع أبدا مو مكلف وفي منو أحجام مختلفة متل يلي بالصورة ↶ 
 
وهو لوح خاص للتقطيع وسطحو بيمتص كل الجروح يلي بتصير من التقطيع ومستحيييل تقدر الشفرة تخترق هاد اللوح، يعني استخدامو بيحمي الطاولة يلي عم نشتغل عليها، وعليه خطوط ومقاسات بالسانتي والإنش يعني كتير سهل لقص الأشكال الهندسية وأكييييد بعتبرو هو والـ x acto knife من  الأدوات الأساسية للأعمال اليدوية 
 
((أبداً ما تجربو استخدامها إذا عمركم تحت الـ 15 لأنو كتير خطيرة وبتجرح فوراً))
 
 
3- paint markers + permanent markers
 
أقلام الدهان + أقلام ضد الماء 
أقلام الدهان متل الأبيض والدهبي يلي بالصورة فوق، هي أقلام (ماركرز) وبكون فيها دهان ضد الماء وألوانها قوية كتير، ممكن نستعملها على أغلب الأسطح متل ورق وخشب وزجاج ومعادن… الخ 
استعمالها كتير مفيد للتزيين بلأعمال اليدوية وفي منها ألوااان كتيرة بس أنا بعتبر الأبيض والدهبي أساسيين.
والأقلام المضادة للماء بتلزم كتير لما منرسم شي وبعدها منلون فوقو بالألوان المائية مثلاً، أو لو رح نرسم على شي متل علبة أو على خشب أو زجاج فالأقلام المضادة للماء بكون ثباتها عااالي كتير 
 
إذا بدي انصحكم بأقلام محددة فبنصحكم بالدهبي والأبيض من الـ pain markers وباللون الأسود من الأقلام الضد الماء بحجم 1 , 0.1 
4- خرامة + دباسة
 
بعرف أنو الخرامة والدباسة من الأدوات البدهية هههههههه بس رح أذكرها لأني عم احكي عن الأدوات الأساسية وهن أساسيين وبشدة، بالنسبة للخرامة في منها أشكال فنية كتييييرة بس غالباً بتكون مكلفة جداً وماموجودة بكل المكتبات، بس بشكل عام بنصح بالخرامة يلي بتساوي ثقب واحد فقط لأنو استخدامها أوضح بكتير من خرامة المكاتب يلي بتساوي ثقبين.
 
 
5- المخيلة و الإلهام
 
 
طبعاً المخيلة من الأدوات الأساسية للأعمال اليدوية وفي ناس ممكن ماتجيها أفكار مباشرة فبتعتمد على أخد أفكار جاهزة وتطبيقها نفسها حرفياً، هو شي مانو سيء بس أكيد مانو ممتع كمان. 
 
لهيك المخيلة الخصبة وتجميع الالهام من مصادر كتيرة هو يلي بيعطي الإبداع بالأعمال اليدوية.
 
نصائح: 
* دائما جربو أنواع جديدة من الأعمال اليدوية.
* ماتخجلو تكون النتائج ما حلوة أو غريبة.
* تابعو فنانين ومصممين باستمرار حتى تاخدو إلهام ودوافع.
* جربو الكتب الي بتحفز الإبداع متل كتاب wreck this journal وهو كتاب فيه أوامر فنية غريبة بتحفز على ابتكار فن من أدوات غريبة وبطرق غريبة ومن أهم القواعد يلي بالكتاب أنو مانتقيد بقواعد أبداااً وما نحاول نأدم أحسن وأحلى شي بهاد الكتاب، بالعكس لازم نساوي حيلا شي بيخطر عبالنا ” لتخريب” هاد الكتاب حتى لو كانت نتائج بشعة أو غريبة.
* pinterest : هو موقع فيه صور كتييييرة لأعمال فنية وهو أكبر مصدر للإلهام بالنسبة لأغلب الفنانين، 
إذا حابين تشوفو الصور يلي باخد منها إلهام تابعوني على حسابي ببينترست رح حط الرابط هون 
 
 
 
هادي هي الـ 5 أدوات الأساسية، لو عندكم أي إضافة أو اقتراح أو سؤال اكتبوه بتعليق تحت 
 
 
 
 
 
 
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s