ملصقات + قائمة التسوق | stickers + shopping list

رح شارك معكم أسراري السرية والحصرية بالتسوق 👿

 

 صممت إضافة جديدة للمفكرة يلي ساويتها من فترة مع شوية ستيكرات جاهزة للتحميل والطباعة مجاناً 
 

قبل مابلش احكي عن التصاميم الجديدة رح اعطيكم تجربتي مع قوائم التسوق ♥
 
من وقت مابلشت اعتمد – نوعاً ما –  على حالي مادياً، طبعاً كان عندي كـــتـــيـــــر شغلات حابة جيبها، ومن بينن شغلات ضخمة وأبدا مابتتناسب مع راتبي، بس مع هيك كان دائماً عندي قائمة تسوق مكتوب فيها كلشي بدي ياه بالتفصيل.
وما خجلت أبدا من أني اكتب شغلات ممكن اشتغل شهور حتى أقدر اشتريها. 
بس بالنهاية الحمدلله مع الاستمرارية كلشي كتبتو صار عندي ولسا في بقائمتي شغلات أكبر منها..
 
هدفي من ذكر هادي التجربة أنو أكد على أهمية الكتابة، لأنو في كتير ما بيستعملو قائمة التسوق إلا لكتابة الشغلات البسيطة يلي نازلين مباشرة يشتروها، والقوائم طويلة الأمد ممكن يعتبروها محبطة، وهاد شي كتير غلط.. وما مهم أبدا صعوبة الوضع المادي استمرو بكتابة كلشي حابين يكون عندكم، لأنو بس يكون مكتوب ومرتب بقائمة رح تشوفو الفرص أوضح وتستغلوها حتى تشطبو على كلشي مكتوب بهالقائمة واحد ورا واحد ♡
 
هلأ رح ادخل معكم بالمفيد ههههههههههه
 
صممت قائمة تسوق كالعادة بالعربي و English ورح يكون هيك شكلا 
 
 
وهادي روابط تحميل الملفات باللغتين 
 
 الملفات publisher بحجم الصفحات يلي بالمفكرة بس ممكن تعدلوها متل مابتحبو.
 
وبالنسبة لطريقة الطباعة هي نفس طريقة طباعة ورق المفكرة اضغطو على هاد الرابط حتى تشوفو الطريقة 
 

طريقة عمل مفكرة يومية | DIY daily planner 

 
ببداية كل صفحة رح تشوفو 4 خيارات للمكان يلي رح تتسوقو منو، حتى تسهل عليكم التسوق أكتر.. فبتحطو اشارة ✔  عند المكان الي بناسبكم، وبتكون مثلاً صفحة خاصة بالأشياء اللازمة من المكتبة وبصفحة تانية أشياء السوبر ماركت.. الخ
 
 
الملصقات | stickers
 
هادي الستيكرز مو شرط تكون لقائمة التسوق بس، يعني ممكن تستخدموها للمفكرة بشكل عام وسويتها صغيرة كتير حتى ماتاخد مساحة من الصفحة. طبعاً نسخة عربي و نسخة English ورح يكون شكلها هيك  
 
 
 
وكمان ملفات publisher وحجمها A4 ادخلو على هادي الروابط لتحملوها 
 
 
 
 
 
وطريقة طباعتها ونوع ورق الستيكرز…الخ كلو موجود بهاد الرابط 
 
 
 
 
 
هيك بتكونو جاهزين للتسوق ههههههههههه 
أي سؤال أو اقتراح اكتبوه بتعليق ♡
 
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s