مفضلات شهر كانون الثاني | January favorites

 أكثر 5 أشياء مفضلة لشهر كانون الثاني 2016 

 
هاد هو البوست يلي بحكي فيه شهرياً عن اكتر 5 اشياء عشوائية حبيتها خلال هالشهر 
 

 

 


 
1. مسطرة الأحرف
 
 
مع أنو هالمسطرة بستعملها من زمان وبعتبرها من الأدوات الاساسية بالنسبة إلى، بس حبيت خليها بمفضلات هالشهر لأني استعملتها يومياً تقريباً..
 
في كتير أنواع وأشكال واحجام لهالمساطر ومتوفرة بأغلب المكتبات، الحلو فيها أنو بقدر آخد نص مكتوب بشكل فني حلو كتير ومثالي بدون أخطاء وبدون ما استعين بطابعة لهالسبب.
 
أكيد بنصح فيها وبشدة لأنو استخداماتها كتيرة واستعمالها سهل بوقت قياسي.
 
 
 
2. ورق الرسم الشفاف
 
 
هادي أول تجربة لألي برسم التصاميم على ورق شفاف، بس بيعطي كمية جمال للرسم أبداً مو طبيعية.
 
غير أنو بساعد كتير بالمقارنة بين التصاميم ، الطباعة عليه كتـــيـــر حلوة وحجم الأوراق يلي عندي A4 يعني بسهولة بطبع عليها تصاميم حلو وبستعملها كأكسسوارت للبلانر.
 
أكيد لسا رح ساوي بوستات تانية فيها أفكر أكتر باستعمال الورق الشفاف ان شاء الله 
 
 
 
 
3. 1second every day
 
 
هو تطبيق مجاني موجود لـ android & iOS
 
التطبيق بيسمحلك بتصوير فيديو يومياً لمدة ثانية وحدة على مدار السنة وبعدها بيخرج فيلم عبارة عن مجموع الثواني يلي صورناها خلال السنة أو خلال المدة الزمنية يلي منختارها، وبكون مكتوب مع كل ثانية التاريخ باليوم والشهر والسنة 
 
أنا كتـــيـــر حبيت هالتطبيق بلشت فيه من بداية هالسنة و بصور فيه يومياً بدون ملل لأنو فعلاً بيعمل ذكريات كتير حلوة ممكن تشوفوها بشكل مميز.. وأديش حلو كل شهر تشوفو حصيلة هالشهر ب30 ثانية، وحتى بالنسبة للأمهات كتير حلو تصورو فيه يومياً المواقف الحلوة لأولادكم وبنهاية السنة بتشوفو كيف الأولاد عم يتغيرو وبتتركوها ذكرى حتى يشوفوها بس يكبرو  
 
4. أوراق الـA5 
 
 
 
بما اني عم استعمل منظم بحجم A5 كنت اطبع الورق على A4 وبعدها بقص الورق للحجم يلي بدي ياه بس خطرلي أنو في طريقة أسهل بكتير وهي الطباعة مباشرة على A5! بعرف أنو هالفكرة أبداً مو عبقرية هههههه بس بما انو هالحجم مو كتير مستخدم، ما كان يخطرلي أبداً اني دور عليه بالمكتبات.
 
 
ومن بعد ما اشتريتو حسيت حياتي صارت أسهل >.<  بس عنجد نصيحة إذا كنتو من محبي البلانر لازم تستعملو هالورق ورح تحسو حياتكم أسهل متلي هههههه 
 
5. الأكواب الزجاجية القديمة الشفافة
 
 
 
كل هالاسم المعقد لهاكاسات الكتير بسيطة وناعمة ❤,❤ ، بتشوفو كتير من هدول الكاسات بمحلات الأدوات المستعملة والخردوات، بستعملها للالوان المائية وشكلها عنجد كتير بسيط ومميز وهي من بين الأشياء المفضلة عندي يلي بس شوفها بحس أحشائي ممتلئة بالحب هههههههه حلوين هالكاسات الشفافة لكتير استخدامات وخصوصاً على المكتب وشكلها أنيق لمحبي التصوير، وحتى ممكن ينحط فيها ورود أو أي شي تاني بخص الزينة… 
 
 
هادي كانت أكتر 5 أشياء عشوائية حبيتها هالشهر، إذا عندكم أي اقتراح أو سؤال أو نصيحة اكتبوه بالتعليقات 
 
وخبروني شو كانت مفضلاتكم كمان ❤ 
 
 
 
✔ GOOD BYE JANUARY 
 
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s