فواصل القراءة | DIY bookmarks

 القراءة 

رح احكي عن أصدقائي المفضلين  الكتبوكيف بتكون القراءة أسهل وأحلى وكيف ساويت هدول الفواصل الحلوين يلي بالصورة بالتفصيل 
 

أول شي رح بلش بنصائح من تجربتي مع القراءة :
 
أبداً ما تلتزمو بنوع كتب محدد وتبعدو عن كل الأنواع التانية، لأنو هيك بكون راح جوهر القراءة وأحلى شي فيها يلي هو الاكتشاف ( لأنو مناخد كتاب ما منعرف منو غير عنوان ونبذه صغيرة على الغلاف وبعدين منبلش نكتشف المفاجأات يلي بين صفحاتو ) 
 
لما بكون مافي وقت للقراءة أو صعب عليكم الاستمرار بالقراءة نصيحة تتركو الكتاب جنب المخدة لأنو كل ما رح يجي وقت النوم بتشوفو الكتاب وبتتذكرو تكفو فيه والقراءة بتساعد كتير بحالات الأرق  
 
أنا كتير بحب المشاركة، وكل ماشفت عبارة عجبتني من الكتاب فوراً كنت صورها وشاركها على فيس أو انستغرام، بس بعدين لاحظت أنو هالموضوع صار كتير ياخد من وقت قراءتي لبين ما صور بطريقة حلوة واختار فلتر … الخ بكون نسيت تماماً شو عم اقرأ وطلعت من الجو هههههههههه لهيك صرت اعتمد طريقة جديدة: 
دائما مع كتابي في قلم وكل ماشفت عبارة أو فكرة عجبتني برسم جنبها قلب صغير وبكفي قراءة وبعدين بصير بس حب شارك شي بفتح الكتاب وبشوف كل العبارات الحلوة جاهزة للتصوير.
 
 
 
وطبعاً فاصل قراءة حلو رح يعطي جو أحلى للقراءة، وأنا من زمااان عندي هوس بموضوع الفواصل هههههه وبحب اهديها لأنها شغلة صغيرة محبوبة كتير وما بيخطر على بال أغلب القراء أنن ياخدو ربع ساعة ليساوو فاصل، فلو حبيتو تهدوها لصديقة أو أخت أو أم هي فكرة حلوة كـــتـــيـــر ورح تعجبهم أكيد عن تجربة 😉 
 
 
وهلأ رح حط 3 طرق لفواصل قراءة مميزين وفيها مجال واسع لتعبرو فيها عن شخصياتكم وأذواقكم، ابدعو فيها 😉 
 
الفاصل الأول
 
هاد الفاصل رسمت عليه بالالوان المائية رسمة كتير بسيطة وصورت خطواتها كاااملة بفيديو على اليوتيوب ادخلو على الرابط حتى تشوفوه 
 
 
بصراحة هاد  الفاصل المفضل عندي حالياً لأنو كتير  dreamy  وشكلو رح يكون هيك 
 

 

 
الفاصل الثاني 
 
كمان هون استعملت الألوان المائية بس أبدا مو شرط تتقيدو فيها ممكن تاخدو الفكرة بشكل عام وتلونوها بالطريقة الي بتعجبكم 

 

 
هادي الأدوات يلي استعملتا بالإضافة للصمغ UHU نسيت صورو معن ههههههههههه 
 
 
 
أول شي رسمت الخطوط بقلم حبر مضاد للماء لأني رح لون فوقو بالألوان المائية 
 
وبعدين لونتها بالألوان المائية وقصيتها 
 
الخيط رح أوصل فيه بين المرطبان و ورقة ظرف الشاي :p 
 
ولأنو رح يكون الخيط مثبت ورا الرسمة لازم نغطيه بطبقة تانية من الورق حتى يكون شكل الفاصل حلو من الجهتين
 
وهيك بكون جاهز ❤
 
الفاصل الثالث 
 
 
الطريقة كاملة خطوة بخطوة موجودة بهادي الصورة 
استعملت ورق مطبوع عليه نقشة ورود وساويت الوجه التاني للورقة لون زهري حتى يكون فرق واضح بين الوجهين لسهولة اتباع الخطوات، بس ممكن تستعملو ورق عادي أو ملون أو أي شي بتحبوه 
 
 
وهيك بكون شكلو على الصفحة 
 
هدول هن ال3 فواصل ❤ لسا رح يكون في مجموعة تانية مطبوعة ان شاء الله 
لو عندكم أي سؤال اكتبوه بتعليق 
 
قراءة سعيدة 
 
 
 
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s