أكثر 5 ملهيات علينا تفاديها أثناء العمل | top 5 distractions to avoid

↞ أكثر 5 ملهيات علينا تفاديها أثناء العمل 

 
 
أعداء التركيز! 
 
غالباً منحاول نستجمع قوانا بصعوبة حتى نبدأ بمهامنا اليومية متل دراسة أو شغل أو ترتيب…الخ 
وبعد ما نقضي ساعات بنفس المكان منكتشف أنو كانت المدة الانتاجية نص ساعة والباقي راح على أشياء تانية ما الها علاقة بواجباتنا أبدا!!
 
وبعد تجربة هادي أكتر 5 أشياء بتقضي على الإنتاجية وقت العمل مع شوية حلول وقائمة جديدة ممكن تطبعوها حتى تساعدكم أكتر بالتنظيم  
 
 

 
1. pinterest 
 
 
 
 
 
 
 
بالرغم من أنو بينترست من أكبر مصادر الالهام بس كمان الكل بيعرف تماماً أنو متل الدوامة!
 بس دخلنا عليه ما بنعرف نطلع >,< 
 
أنا غالباً أثناء شغلي بحتاج لشوية إلهام وأفكار وبستعين فيه بس هادي هي أكبر غلطة!
 
⇚ الحل 
 
الحل هو أنو دائماً يكون في وقت مخصص لجمع الالهام لحيلا مشروع، يعني قبل البدأ بالمشروع المفروض يكون في عدد ساعات محدد لجمع الالهام سواء من بينترست أو من غير مصادر، وبعدها بتحددو الصور يلي عطتكم الالهام وممكن تطبعوها حتى تكون جاهزة لتنفيذ المشروع.. أو أنو تحطوها ببورد خاص على بينترست ووقت البدأ بالمشروع رح تكون الخيارات الصحيحة موجودة بسهولة وبدون تضييع وقت على خيارات تانية ممكن مانستعملها أبداً ومع هيك بضيعتلنا وقتنا! 
 
 
 
2. snapchat
لأني بصور كتير سنابات خلال شغلي بعرف تماماً كمية الوقت يلي بضيع من وقت الانتاج على صور وفيديوهات للسناب!
والحل الوحيد هو أنو تحاولو تكون الصور دائماً قبل البداً بالعمل وخلال الاستراحات القصيرة، مع أني بعرف تماماً أديش صعب التحكم بهادي المشكلة! بس للاسف ما فيني انكر أنو السناب شات من أكتر الاشياء يلي بتاخد من وقت انتاجيتي >.<
 
 
3. وصفات الطبخ
 
 
 
كتير صعب قاوم إغراء صور الوصفات يلي بشوفها بالصدفة أنا وعم اشتغل! وفجأة ببلش ابحث عن أكلات مختلفة وعن وصفات نباتية (مع اني مو نباتية) وعن وصفات صحية (مع انو كل اكلي غير صحي) بس الشكل كتـــيـــر مغري !!
 
إذا انتو مابتعانو من هالمشكلة هنيئاً لكم بصراحة >.< 
 
ويأسفني أن أقول أنو هادي المشكلة ما الها حل هههههههههههههه
 
 
 
 
4. المحادثات
 
 
 
 
عادي كتير أني كون مركزة تماماً بشغلي وفجأة اتذكر صديقة قديمة ما حكيتها من شي عشر سنين ابعتلها رسالة هههههه
 
المحادثات غالباً بتاخد من وقت الانتاجية لهيك صممت قائمة خاصة حتى بس اتذكر شخص بكتب اسمو مباشرة بهادي القائمة وبصير بوزع المكالمات أو المحادثات على الأيام والأوقات المناسبة 
 
كالعادة القائمة باللغتين العربي والانكليزي، وهاد شكل البطاقات 
 
 
 
وهادي روابط تحميل البطاقات 
 
 
 
 
 
 
 
 
5. التسوق أون لاين
 
 
 
 
 
وهنا تكمن المشكلة!!
 
لأنو خلال شغلي بيخطرلي أنو لازمني أداة معينة، فبيخطرلي ابحث أون لاين وين ممكن اشتريها أو كيف الاسعار … الخ
 
وفجأة بكون خلص الوقت قبل ما خلص انتاج العمل الرئيسي يلي كنت ناوية ساويه!
 
هاد الحل كتير بسيط  وصرلي فترة عم مارسو وبصراحة حسيتو فعال كتير! 
 
صرت لما بيخطرلي شي حابة ابحث عنو بسجلو على ورقة ملاحظة مباشرة أو على قائمة التسوق وبس اخلص شغلي برجع للقائمة أو ايمت ما شفت عندي وقت فراغ باخد القائمة وببلش بحث عن هالادوات.
 
أنا صممت قائمة تسوق من قبل اذا حابين تشوفوها ادخلو على هاد الرابط 
 
 
 
 
بعرف أنو هادي المعلومات كتير بسيطة وعامة، بس حبيت شاركها معكم لأني بعاني من هادي المشكلة من زمان وحسيت أنو أكيد في كتير متلي عم يعانو مع وقت الانتاجية.. 
 
اذا كانت عندكم نفس المشاكل شاركوني آرائكم بالتعليقات أو اذا عندكم اي اضافات أو اقتراحات ممكن تكتبوها كمان
أنا بصراحة كتير مبسوطة بتفاعلكم معي ونصائحكم وتعليقاتكم وتشجيعكم الي ❤.❤ شكراً شكراً شكراً
 
و اتنمنى لكم وقت انتاجي مثمر 
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s