أكثر 5 أشياء مفضلة لشهر حزيران | top 5 June favorites

June favorites 

بعرف أنو صرنا بـ 5 تموز\July بس رح شارك معكم هدول المفضلات لأنو كتييير استفدت منهم وحبيت تستفادو معي 
 

 
1- shopper bag
 
 ممكن تسموها (planners bag) ههههههههههه لأنو كتير مفيدة لمحبي التنظيم، أنا الشهر الماضي حملتها تقريباً كل مشوار طلعتو لأنو كتيييير عملية وحجما حلو ومافيها سحاب بحط كلشي فيها بسهولة وخصوصاً مفكرتي ودفاتري واقلامي يلي مابطلع من البيت بدونهم ههههههههه هادي الشنطة من mango وفي كتير منها بمحلات تانية لأنو بآخر فترة صارت الـ shopper bag كتير in 
 
ـــــــــــــــــــــــــــــــــــــــــــــــــــــــــــــــــــ ✧ ــــــــــــــــــــــــــــــــــــــــــــــــــــــــــــــــــــــ
 
2- مقص الدوائر 
 
 
 
وهادي الأداة تحديداً متأكدة أنو كل محبي الأشغال اليدوية بيتمنوها ههههههههه لأنو قص الدائرة بشكل مثالي (بالمقص أو سكين التحديد) شبه مستحيل! وقطاعات الدوائر المتعارف عليها كتييييير غالية بوصل سعرها للـ 200 رايال !! وغالباً محدودة بمقاس واحد.
بس كنت بجرير بقسم الـ x acto knifes والشفرات وكل أنواع الشغلات الي بتجرح >_< وشفت هادي الأداة المنقذة ❤_❤ وهي مقص دوائر وسعرها (((( 15 ريال )))) فقط! طبعاً اخدتها فوووراً وجربتها كتييير سهلة وعملية.
 
 
مبدأها نفس مبدأ البيكار (الفرجار) 
 
 
 
 
منحدد نصف قطر الدائرة بأنو نسحب الأبرة لعند المقاس يلي بدنا ياه وبتساوي دوائر نصف قطرها بين ال 1 سم للـ 30 سم 
ومن الجهة التانية بكون في شفرة ولما منحرك المقص متل البيكار بيصير بينقص الشكل الدائري مع حركة الشفرة.
 
 
 
هادي أمثلة عن الدوائر يلي جربتها 
 
 
 
وبيجي معها شفرات إضافية وطبعاً طبعاً طبعاً بنصحكم فيها وبــشــدة 
 
ـــــــــــــــــــــــــــــــــــــــــــــــــــــــــــــــــــ ✧ ــــــــــــــــــــــــــــــــــــــــــــــــــــــــــــــــــــــ
 
3- pinterest
 
هو مفضل عندي من زمان وبكل شهر ههههههههههههه بس هالشهر حبيت حطو بين المفضلات لأني صرت عم استعملو بدرجة أوسع ويمكن هاد الشي أغلب مستخدمين البينترست مابيعرفوه: وهو أنو حيلا صورة حبيتوها من أي موقع ممكن تحفظوها كـ pin مباشرة بدون ماتحفظوها على الموبايل وبعدين تشاركوها على بينترست!
مثال: حبيتو صورة من صور هاد البوست من مدونتي وحابين تشاركوها على بينترست بحيث كل ما ضغطتو على الصورة تاخدكم على البوست مباشرة..
 
هادي هي الطريقة:
 
1- بتدخلو على بينترست وبعدها على البروفايل تبعكم
 
 
2- بتغطو على إشارة + يلي فوق بالزاوية اليمين ( هاد الزر لإضافة pin جديد)
 
 
3- رح تطلع شاشة فيها خيارات للمكان يلي حابين تجيبو منو الـ pin وهون رح تختارو web
 
 
 
 
4- رح تشوفو صفحة متل متصفح الانترنت وفوق بالمربع اكتبو الموقع يلي حابين تاخدو منو الصورة أو إذا ناسخين رابط بوست أو صفحة معينة بس ساوولو لصق (أنا هون كتبت رابط مدونتي)
 
 
 
 
 
5- اخترت البوست يلي حابة أخد منو الصورة وهون آخر مرحلة: بضغط على الزر الأحمر pin it يلي فوق بالزاوية اليمين 
 
 
 
6- رح تطلع صفحة فيها كـــــل الصور يلي بالصفحة اختارو الصورة يلي حابين وبعدين بتختارو البورد كالعادة وبتكون الصورة عندكم ❤ 
 
ممكن تحسو الشرح طويل بس عنجد التطبيق كتـــيــــر سهل وعملي و الحلو بالموضوع أنو ايمت ماشفتو هادي الصورة يلي بـ بينترست وضغطتو عليها رح تاخدكم على نفس الصفحة أو البوست يلي فيها هادي الصورة، وهادي طريقة كتير سهلة حتى توصلو للبوستات أو المقالات يلي بتحبوها! 
 
 
ـــــــــــــــــــــــــــــــــــــــــــــــــــــــــــــــــــ ✧ ــــــــــــــــــــــــــــــــــــــــــــــــــــــــــــــــــــــ
 
 
4- motivational stickers ❤ الملصقات التحفيزية
 
 
 
الملصقات يلي عليها جمل محفزة ممكن تغيرلي مسار يومي كلياً !
 
لأنو دائماً في شغلات بتتعسر وشغلات بتتأخر أو بتتعطل وهالشي بخفف من الحماس ومن الدافع لأنو نشتغل ونعطي أكتر، وبس دخلنا بهالحالة ممكن تمر أيام لنستعيد نشاطنا! 
 
بس أحياناً لما كون فاقدة حماسي بمر بالصدفة على انستغرام أو بينترست بشي صورة عليها حكمة أو جملة محفزة وعنجد بتعطيني دافع كبير ونشاط كتير أني اتحرك بنفس اللحظة وكفي شغلي يلي كنت موئفتو 
 
الشهر الماضي طبعت جمل محفزة كتيرة على ورق ستيكرز وحطيتها على حيط مكتبي حتى يبقى الدافع موجود وقت الشغل، إذا حابين تشوفو الستيكرات يلي صممتها وتطبعوها هاد هو الرابط  
 
 
 
ومن هون رح انتقل لآخر شي مفضل عندي هالشهر 
 
 
ـــــــــــــــــــــــــــــــــــــــــــــــــــــــــــــــــــ ✧ ــــــــــــــــــــــــــــــــــــــــــــــــــــــــــــــــــــــ
 
 
5- الجملة التحفيزية المفضلة لشهر حزيران 
 
 
 
شفتا من فترة على انستغرام وعطتني أكبر كمية حماس ونشاط ممكنة لهيك كتبتا بخط كبير وحطيتها مع الستيكرز أدام مكتبي
 
” any one can find excuses to stop, find a reason to keep going ” 
 
وترجمة الجملة للعربي: 
 
“يمكن لأي شخص العثور على أعذار للتوقف، اعثر على سبب لتستمر”
 
 
ـــــــــــــــــــــــــــــــــــــــــــــــــــــــــــــــــــ ✧ ــــــــــــــــــــــــــــــــــــــــــــــــــــــــــــــــــــــ
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s