أكثر 5 أشياء مفضلة لسنة 2015 | Top 5 favorites for 2015

❈ 2015 favorites 

 
عودة بعد إنقطاع طويل ×.× 
 
رح ابدأ معكم السنة الجديدة بأكتر 5 أشياء مفضلة عندي من سنة الـ 2015 حتى تستفادو منها أو تجربوها إذا حابين 
 
 
 

 

1. الكتب 

 
الكتاب رقم 1 بالنسبة إلي لسنة 2015 كان كتاب إخلع حذاءك لياسر حارب 
 طبعاً بنصح بقراءة الكتاب وبشدة! مارح اخرب عليكم القراءة بإني احكي عن محتوى الكتاب بس بضمن يعطيكم شحنة طاقة وفكر وتفاؤل ورضى عالية للغاية! بسبب أسلوب ياسر حارب الممتع والذكي.. ونصيحة خلو جنب الكتاب قلم حتى بس تعجبكم جملة من الجمل ممكن تحطو جنبها إشارة وترجعولها بعد فترة 
 
 
 
 

2.Samsung NX300m camera

 
هادي أكتر كاميرا مناسبة للمبتدئين بالتصوير، أنا عم استعملها حالياً ببساطة مع أني ماعندي اطلاع على أسس التصوير أبداً، وبالنسبة إلي من أفضل ميزاتها:
 
– برنامجها سهل كتـــيـــر، بيشبه برامج الجوالات والتحكم بإعداداتها بسيط بالنسبة للمبتدئين. 
– بالرغم من البرنامج البسيط بتعطي جودة بالصور تماماً متل الكاميرات الاحترافية.
– الشاشة بتتحرك باتجاهات كتيرة يعني ممكن صور من زوايا عالية كتير أو زوايا منخفضة كتير، وأهم شي السيلفي طبعاً ؛)
– فيها خاصية حلوة لالتقاط السيلفي، هي أنو بتلقط الصورة بعد ضغط الزر بثانيتين تقريباً حتى ما تتأثر الصورة بصعوبة ضغط الزر لما منكون حاملين الكاميرا بالعكس 😀 (إذا ما فهمتو شي من شرحي طبيعي ههههههههه المهم بتاخد سيلفي حلوين ^.^)
– أهم شي أنو حجمها صغير وشكلها كتير فني ومميز  
 
بالنسبة لمواصفات الكاميرا ممكن تدخلو على غوغل وتشوفو المواصفات كاملةً وكيف الأسعار حسب المنطقة الي انتو فيها، بس بشكل عام الكاميرا راااائعة للمبتدئين  
 
 

3. طابعة HP ENVY 4508

هادي الطابعة اشتريتا بآخر 3 أيام من سنة 2015 بس صارت مباشرة من أكتر الأشياء المفضلة عندي!
امكانيات الطابعة أبداً مو هائلة بس كافية تماماً لكلشي ممكن يلزمني ورح احكيلكم أكتر الميزات يلي حبيتها بالطابعة:
 
-طبعاً أول أول ميزة مميزة فيها أنو بتطبع صور (الجودة ليست ممتازة لكن جيدة بالنسبة للسعر)
– ميزة مريحة كتير فيها هي الواي فاي يعني ممكن نطبع كلشي حرفياً من الجوال ومافي داعي للابتوب حتى تتم الطباعة.
– في تطبيق للـ HP على الجوالات لتحكم أسهل بشكل النهائي للورقة عند الطباعة من الجوال.
– فيها (print – scan – copy – photo ) 
– فيها شاشة وخيارات حلوة كتير ممكن نطبعها من الطابعة مباشرة عبر النت وبدون لابتوب أو جوال، متل رسمات للتلوين للاطفال ومتل وصفات للطبخ أو منظمات أسبوعية وشهرية… 
– سلسلة ENVY ميزتها أنو ممكن تساوو اشتراك شهري للحبر من HP وبكون الاشتراك سعرو ارخص بكتير من سعر الحبر لما منشتريه من المكتبة, والطابعة هي بترسل أمر للشركة بطلب حبر زيادة تلقائياً لما بيخلص الحبر (طبعاً مو متأكدة إذا هالميزة مفعلة بالدول العربية أو لا)
– أهم شي سعرها كتــــيـــر رخيص بالنسبة لإمكانياتها! أنا أخدتها ب79 £ 
 
 
 
وهادي عينة من الصور يلي طبعتها بالطابعة  
 
 
هادي الصور عدلتها على الجوال وطبعتها بدون لابتوب أو فوتوشوب، ورح نزل طريقة عمل هاد النوع من الصور مع كل المعلومات والتفاصيل قريباً إن شاء الله.
 

4. stretching app

 

هو تطبيق مجاني لتمارين ستريتش، فيه كتير خيارات حلوة، وسهل أنكم تواظبو عليه لأنو التمارين مدتها 5 دقائق فقط.

وبشكل عام كل التمارين بسيطة ومافيها تعب شديد، الهدف من التمارين هو المرونة بالدرجة الأولى للعضلات..



أنا غالباً بساوي التمارين بعد الاستيقاظ حتى يعطيني نشاط كل اليوم..



ممكن تجربوه من بداية السنة 2016 كعادة صحية جديدة 






5. danke auch

بما أني عم ادرس اللغة الألمانية حالياً ، في جملة كتير عجبتني و استغربت لما سمعتها الصراحة، لأنو هالجملة غير مستخدمة أبداً باللغة العربية بكل لهجاتا و حتى غير مستخدمة باللغة الانكليزية!



الجملة هي danke auch



ومعناها شكراً أيضاً، استعمالها غريب لأنو لما شخص بيشكر الشخص التاني فبقول: danke يعني شكراً، أما الشخص التاني بيرد عليه: danke auch يعني شكراً أيضاَ



كتير حبيت فكرة الرد على الشكر بالشكر على الشكر (إذا كان هالجملة إلها معنى :p )



وعطتني إلهام كتير لدرجة أنو صارت هي الجملة المفضلة عندي لسنة 2015 





هدول هن أكتر 5 أشياء مفضلة عندي لسنة 2015 ❤ ان شاء الله تستفادو منها أو كون عطيتكم إلهام بكلامي،

وبتمنالكم سنة جديدة سعيدة ومثمرة 


Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s