مكتبي الجديد + منظمات المكتب | my new desk + desk organizers

مكتبي 3> 

من زمان عندي هوس بموضوع “المكتب المنزلي”   ❤_❤   وتأثير شكلو على النشاط والانتاجية..
 
يلي متابعيني على insatgram بيعرفو أديش كنت حب مكتبي الأديم وانشرلو صور :p  ولما كنت بدي انقل اغراض مكتبي من بيتنا القديم للبيت الجديد قررت اني اتخلا عن اغلب أدوات المكتب القديم حتى ساوي اشياء جديدة شاركها معكم وحتى كون بلشت ببداية جديدة مع مكتب جديد 
 
رح يكون هاد البوست فيه كل تفاصيل المكتب الجديد مع شوية نصائح واقتراحات لكل يلي عم يعانو متلي من موضوع المساحة الصغيرة ↢ ان شاء الله تعجبكم وتستفادو منها ~
 

رح بلش من البداية مع المكتب وأنا عندي مساحة كتيييييير صغير بين تختي والحيط >_< يعني لازم يكون عرض الطاولة مو اكتر من 90cm  لهيك اخترت اني شوف شو عند ايكيا لأنو هي معروفة باستغلال المساحات الصغيرة 
 
وأخدت هاد المكتب
 
اسمو: BORGSJÖ
سعرو: 195 ريال
الأبعاد: 90×52
وبصراحة ممتاااااااز من ناحية أنو حجمو مناسب ومريح تماما بدون ما ياخد مساحة كبيرة من الغرفة ✔ 
وطبعا متل كل مكاتب ايكيا اخدتها مفككة وتركيبها كان كتير سهل أبدا مو معقد بس رح تحتاجو شخص تاني معكم ليساعدكم بسند القطع انتو وعم تركبوها >.< أنا اختي ساعدتني وكانت النتيجة حلوة كتير ~
 
 
 
 
اسم الكرسي: ALRIK
السعر: 99 ريال
اخترت هاد الكرسي تحديدا بسبب حجمو الصغير وسعرو كتير معقول، لسا في خيارات أكتر بايكيا بس هاد الكرسي تحديداً كان مثالي بالنسبة الي ↢ كتير مريح كتير عملي وابدا مابياخد مساحة وبينحط بسولة تحت الطاولة ~
 
>>>>على فكرة لازم ايكيا تعطيني عمولة لاني رح امدحها كتير بهالبوست ههههههههه <<<<
 
هادي صورة للنتيجة النهائية بعد ما دحشت هالمكتب والكرسي بزاويتي الصغيرة 
 
طبعا أنا كل الغراض الكتيرة ويلي مابستعملها كل يوم حطيتها بعلب متل هادي 

 

كمان من ايكيا اسم العلبة:SAMLA
العلبة بتكون منفصلة عن الغطاء بس ال2 سوا سعرهم (12+5) 17 ريال
ميزة هادي العلب انها مجهزة بطريقة ممكن تركبي مجموعة منها فوق بعضها وبتبقا ثابتة بسبب تصميم الغطاء مع سفل العلبة ❤_
استعملت منها 3 علب وكفتني اني حط كل كراكيبي ههههههههههههههه وحطيتا ورايي بمحل فاضي ↫ وبسبب سهولة حركة الكرسي صارت كتير سهلة اني وصل لكل اغراضي بدون ماتكون موجودة جنب طاولتي مباشرة ✌ 
 
طبعا أهم أهم أهم  شي بالنسبة لكل مكتب هو ال pinboard  او “لوحة الملاحظات” بمكتبي القديم كنت اخدة موضوع الـ pinboard بشكل جدي جداً هههههههههههههههههههههه هيك كان شكلو من الـ 2011 – 2013 
 
و خلال الـ 2014 كان شكلو هيك ↶
لهيك حبيت هالنسة غير شوي عن الأشكال “الملونة زيادة” وارجع لاسلوب كلاسيكي نوعاً ما 
رح بلش بالأدوات يلي رح تلزمكن : 
 
1. cork sheet “لوحة الملاحظات” أخدتها من جرير سعرها: 45 ريال بس كتييير كبيرة فأخدت أنا نص واختي نص هههههههههههه لاني مو بحاجة لهالحجم كلو >_<
2. ألوان اكريلك أنا اخترت اللون الأبيض لأنو بناسب طاولتي بس ممكن تختارو أي لون بتحبوه >بشرط مايكون من مشتقات البني والبرتقالي < حتى يكون واضح فوق اللوحة.
3. شريط لاصق ورقي رفيع (اللاصق الورقي ممتاز لهادي المشاريع لأنو ثابت كتبير ولما بينشال مابيخرب يلي السطح يلي تحتو متل اللاصق العادي) بظن سعرو 3 ريال.
4. فرشاية >> أنا أول شي استعمل فرشاية ألوان بعدين استنتجت أنو خيار غبي هههههههههههه واستعملت فرشاية كبيرة كتير لاختصار الوقت<<
 هادي الصورة فيها كل الخطوات بالترتيب 
1. علمت على طرفين مقابل بعض من اللوحة كل 4 سم وحطيت خط صغير
2. بلشت حط اعمدة من اللاصق حسب الاشارات يلي رسمتا بالخطوة يلي قبل
3. كنت عم وزع الدهان الابيض على مناطق اللوحة الكشوفة وعم استعمل فرشاية ألوان عادية وحسيت بغباوة الموقف ههههههههههههه
4. استعملت فرشاية اكبر وصارت الأوضاع طبيعية يعين >_< وكفيت حتى اتغطت كل اللوحة
5. نطرت حتى نشف اللون الأبيض تماااماً وشلت اللاصق >كانت نتيجة كتير حلوة< وبعدين اخدت شريط أسود وثبتو على طراف اللوحة لأني حسيت بيطلع شكلا احلى هيك *⊱*
6. زينتا كالعادة بشوية وراق ملاحظات صغيرة عليها رسمات وعبارات محفزة وصور عائلية 
وساويت عليها من فوق متل حبل صغير من الخيوط ثبتو بالبسامير وعلقت عليه مشابك دهبية ❤ 

 

احلى اضافة كانت على مكتبي الجديد هي اطار الصورة يلي ساويتو متل سبورة لكتابة مهام يومية أو ملاحظات سريعة 
 
الإطار كمان من ايكيا هههههههههههههههه ↶
اسم الإطار : SÖNDRUM
مقاس: 18×24 
سعرو 29 ريال
 
طبعا ممكن تختارو أي شكل للاطار حسب شخصيتكم وستايل المكتب بشكل عام بس بنصح بهاد الحجم تحديدا مو أكبر أو اصغر لأنو حرفيا مثااالي 
وبتقدرو تكتبو فوق الزجاج بأقلام السبورة  وبتنضف بسهولة 
 
دخلت على pinterest واخترت رسمة ألوانها هادية ومناسبة لمكتبي ومافيها ألوان غامقة حتى تكون الكتابة عليها واضحة طبعتها وقصيتها بحجم بناسب الاطار وصارت ممتااازة – مميزة – مساعدة – بدون تعب 
ساويت فيديو بيشرح الخطوات بالتفصيل ممكن تشوفوه على 
 
 
أخيراً رح احكي عن الشغلات الصغيرة يلي ممكن تنحط على المكتب وتحفظ كل الشغلات الصغيرة يلي لازم تكون دائما قريبة متل المشابك وبسامير للوحة الملاحظات والأقلام بشكل عام وهيك شغلات ~~ 
استعملت مرطبانات صغيرة أخدتا كمان من ايكيا وطلع شكلا بجننننننن حطيت فيها المشابك والبسامية والاوراق الصفيرة يلي بكتب فيها أحداث حلوة صارت معي حتى تعطيني دافع باوقات الكسل واستعملت كاسات صغيرة المفروض تكون مزهرية ههههههههههههههههه بس حسيت شكلا حلو على الطاولة حطيت فيها الاقلام..
ورح اكتب باقي التفاصيل تحت الصور
RAJTAN Spice jar IKEA The transparent jar makes it easy to find what you are looking for, regardless of where it is placed.
اسمها: RAJTAN
المجموعة فيها 4 مرطبانات وسعرهم 7ريال
 
OLIK Vase IKEA
اسمها :OLIK
سعرها 5 ريال   
 
 
هيك تقريباً بكون خلصت كل التفاصيل المهمة عن المكتب الجديد مبدئيا ولسا في مشاريع يدوية كتيرة بتخص هالموضوع رح شاركها معكم قريباً ان شاء الله 
 
 
 
اذا عندك اي استفسار ممكن تتركو تعليق بجاوب عليه فورا 

   

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s