مطبوعات للتنظيم الاسبوعي | weekly planner printables

مطبوعات للتنظيم الأسبوعي 

 
هادي أول مجموعة من المنظمات المطبوعة الي رح بلش صممها باستمرار ان شاء الله، حبيت بأول مجموعة أني حط أهم 3 منظمات بالنسبة الي  | خطة الأسبوع ، قائمة المهام ، ب15 دقيقة | وعن تجربة رح ينظمولكن وقتكن بشكل كتير فعال ورح تقدرو تخلصو كل الواجبات بدون تراكم وبدون تأجيل أو ملل ان شاء الله 


ساويت المنظمات باللون الأسود بس حتى تكون بسسيطة واتركلكن مجال تطبعوها على ورق ملون وتضيفو عليها لمسات خاصة بسهولة ^.^ 
 
أنا حبيت أطبعها على ورق بلون أوف وايت وورق لون رمادي وحسيتن كتير حلوين وأنيقين ❤. 
 
رح اعطي شرح سريع لكل منظم حتى تستخدموه لأقصى درجة ممكنة 😉
 
خطة الأسبوع
هاد المنظم الخاص بالاسبوع ككل، ببداية المنظم على اليمين رح نكتب الأهداف الي حابين ننجزها خلال الأسبوع
و بالزاوية اليسار رح نكتب تاريخ أول يوم من الأسبوع حتى مانضيع بين المنظمات.
تحت التاريخ في مساحة فاضية حتى نكتب فيها جملة تحفيزية أو حكمة حتى تعطينا دافع خلال الأسبوع 
لكل يوم من الأسبوع تركت 5 سطور حتى نكتب فيها شغلات خاصة بهاليوم متل موعد أو مهمة أو تذكير.
بنهاية المنظم بالزاوية اليسار في 5 سطور تركتها للملاحظات العامة الي بتخص هاد الأسبوع.
وهادي صورة فيها مثال عن المواضيع الي ممكن تنكتب بالمنظم 
 
 
 
قائمة المهام
هادي القائمة طبعا رح تكون للاستعمال اليومي مو الأسبوعي وساويت حجما صغير حتى تاخدوها وين ماكان بسهولة 
لما رح تطبعوها رح يكون بكل ورقة A4 أربع قوائم.
أحلى شي باستعمال هادي القائمة أنو لما بيخطرلي شي حابة ساويه بس ماعندي وقت حالياً بسجلو على القائمة تعيت تاني يوم وهيك مابنسا شي ❤ عنجد كتييير كتيير مفيدة وخصوصاً لما منشوف كل مهام اليوم مكتوب على ورقة منصير منعرف نتحكم بالوقت أكتر بدون ماننسى أو نتأخر ^.^
 
بطاقات الـ 15 دقيقة
هادي القائمة هي منقذة حياتي ❤.
أنا كاتبة بوست كامل عن هادي القائمة بتشوفوه بهاد الرابط 
 
هدول هن أهم الـ 3 منظمات ان شاء الله تستفادو منهم 
وبتقدرو تحملو المنظمات وتطبعوها بهاد الرابط 
 
 
 
 
 
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s