بطاقات بـ 15 دقيقة | in 15 minutes printables

بـ 15 دقيقة

كلنا عم نعاني من مشكلة الأعمال الصغيرة المتراكمة ☹ خصوصاً لما في شغلات كبيرة مهمة وصعبة بحياتنا متل المشاريع أو  الاختبارات و منصير منأجل كل شي صغير مقابل نتفرغ للأهم.. وبعدين هادي الأعمال الصغيرة بتتأجل وبتتراكم حتى تصير جبل كبير ومخيف بعيق تطورنا بشكل عام :\ 
 
وهاد اقتراح ممكن يحل هالمشكلة ✔ 
 
بما انو كل تركيزنا واهتمامنا رح يكون على الاعمال الكبيرة والمهمة مارح نستغنى عن وقت كبير للشغلات الصغيرة.. لهيك 15 دقيقة حسيتا فترة مثالية! لو حسبنا بأكتر الايام يلي مننشغل فيا كام ربع ساعة فراغ معنا؟؟؟ أقل شي ممكن مرتين أو 3 مرات فيها ربع ساعة فراغ، هادي هي يلي رح نستغلا بانو نشيل فيها الشغلات الصغيرة ツ
 
مثال: أنا دائما عندي رسمة حابة ارسمها أو اسوارة حابة ساويها أو رواية حابة امشي فيها… وكل مابكون عندي وقت فاضي بيخطرولي هدول الشغلات بس بحس أني لا لازم استغل هالوقت بمشاريع أهم.. وبتمر أسابيع بدون ماساوي ولا شي من هادي الشغلات الصغيرة.
 
قررت جرب هادي الفكرة قبل مانزلها عل المدونة حتى اتأكد من نتيجتها، وبصراحة شفت نتيجة ممتااااازة ❤ 


الفكرة هي عبارة عن بطاقات صغيرة (متل يلي بالصورة فوق) كل بطاقة فيها خمس سطور حتى اكتب فيها مهمات صغيرة، وكل ماشفت عندي ربع ساعة فراغ بين برنامجي اليومي لازم مباشرة ساوي شي من يلي مكتوب على البطاقة ✔ 
بنهاية اليوم المفروض تكون البطاقة كلها خالصة وحتى لو ما لحقت خلصها برجع بكتبها بورقة اليوم التاني حتى ما تتراكم علي..
 
أهم شي أهم شي أنو لما حستاوي يلي مكتوب بالقائمة ماتستمري فيه بعد ال15 دقيقة حتى لو لسا ماخلصت المهمة معك كفيها بتاني يوم، بس المهم نحافظ على الهدف الاساسي يلي هو أنو نشيل أعمال صغيرة بوقت قصير حتى ما تتراكم علينا.
 
وكمساعدة رح اعطيكم شوية أفكار عن الاشياء يلي بتتراكم علينا بسهولة وممكن تكتبوها بقائمتكم:
☑ تلاوة قرآن
☑ ترتيب المكتب
☑ مطالعة كتاب
☑ ترتيب خزانة الملابس
☑ مكالمة مع صديق قديم أو أحد الاقارب
☑ التخطيط للاسبوع القادم
☑ كتابة مذكرات
☑ التجهيز لقائمة التسوق
☑ ممارسة التأمل أو اليوغا 
☑ ترتيب ملفات الجوال وحذف الصور الغير هامة  (مهمة جداااااً  ~.~ )
هادي عشر اقتراحات بسيطة كتير ومهمة وطبعا كل شخص عندو مهامو الصغيرة يلي رح تخطر عبالو مباشرة لما بيقرأ البوست *.* 
 
هالتجربة فادتني بمجال تاني بشكل حلو كتير : تقسيم الاعمال الكبيرة المملة على مجموعة من الـ 15 دقيقة 😉 يعني لو عندي شي ممل وغير مستعجَل بقسمو على يومين أو 3 وبكل يوم بساويه لمدة ربع ساعة بس، وخلال هالـ3 ايام بكون خلصت منو بدون تعب أو ملل ❤
 
لاااازم تجربوها عنجد لأنها فكرة كتير سهلة ومع الايام بتشوفو نتيجتها كتير عظيمة 
 
ساويت تصميمين لهادي البطاقات حتى تطبعوها لو حبيتو وتستعملوها مباشرة، ومن كل تصميم في نسخة عربي ونسخة English . وممكن تشوفو فيديو عنها على قناتي بـ youtube
بنصح بطباعتها على ورق مقوى A4  لأنو بتصير احلى كبطاقات ❤.❤ أنا أخدت بوكس ورق مقوى روكو من جرير بظن سعرو 6-7 ريال. في خيارات كتير حلوة وممكن تستعملو ورق ملون مع التصميم الأبيض والأسود يلي تحت بكون شكلن كتير لزيز ❤.❤ 
 
ولو ماكان عندكم طابعة ممكن تساوو متل هادي البطاقات ببساطة وباسلوبكم المهم تاخدو النتيجة الحلوة من هالتجربة واكيد بتستفادو ان  شاء الله   
 
 
 

 

 

 

 
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s