أنواع الخيوط الممكن استخدامها لأساور الصداقة 3>

في البداية وقبل ما أشرح أنواع أساور الصداقة وطرق عملها رح احكي شوي عن أنواع الخيوط الممكن تستعملوها.

أنا رتبت الخيوط من الأفضل للأقل حسب تجربتي الشخصية وممكن تستعملو النوع الي بتفضلوه..

1. خيوط ((pearl cotton))
اسمها ((pearl cotton)) أو “قطن بيرليه”
هي رقم 1 بالنسبة الي لأني بستخدم كميات كبيرة منها لطلبيات متجري…
الخيوط مصنوعة من قطن يعني استخدامها عملي وفي منها أنواع بجودة مختلفة..
ممكن تشتروها من المكتبات سعر الخيط الواحد (1) ريال.  بس بتكون غالبا صناعة صينية وجودتها قليلة وألوانها بتروح لما بتتعرض الأساور للبلل، حتى ملمسها بكون خشن…
النوع الثاني بتشتروه من محلات الكلف وبكون عندهم تشكيلة واسعة جداً من الألوان وغالباً بتكون صناعة هندية أو تركية وهادي جودتها ممتازة ملمسها ناعم وألوانها ثابتة..
بالنسبة لأسعارها بمحلات الكلف: في فرق كبييير كتير بين أسعار المحلات العادية ومحلات الجملة..
بمحلات الكلف العادية بكون سعر الخيط الواحد بين ال3-7 ريال.
أما بمحلات الجملة كل علبة فيها 10 خيوط سعرها 8 ريال! طبعاً لو حتعملو الأساور لمجرد الهواية وبكميات قليلة ماحتفرق كتير بالسعر معكم، أما لو حتساوو كميات كبيرة للبيع وقتها محلات الجملة هي الخيار الأول والأفضل  ^_^
 
وكمساعدة للي ساكنين بجدة:  
 أنا بشتري خيوطي من سوق الهنداوية من محل جملة اسمو (الأبرة الفضيه) خيوطه ممتازة لو حابين تشترو من عندو *u*
 
 
2. خيوط التطريز (embroidery floss)
أنا استعملت خيوط التطريز في بداية تعلمي لأساور الصداقة 3>
هي رائعة بالشكل وبالملمس وسهلة بالاستخدام بس مابشوف في عندنا خيارات حلوة من الألوان والأنواع متل الموجودة بالدول الأجنبية.. يعني ممكن تشترو تشكيلة حلوة من أمازون أما من المكتبات الموجودة بالسعودية الخيارات بتبقا محدودة..
أنا ما بستعملها لطلبيات متجري لأنو الخيط الواحد مابساوي كمية كبيرة من الأساور مو متل pearl cotton
 فأنا برغب بالخيوط الأوفر والي ممكن استعملها لعدد أساور أكتر…
بظن نفس الشي بالمكتبات سعر كل خيط (1) ريال
وبمحلات الكلف بظن الخيط ب(3) ريال بس طبعا بكون كجودة أفضل.
بشكل عام بنصحكم فيها لما حتتعلمو صناعة الأساور لأنها سهلة بالأستخدام كتير ^_^
 
3. خيوط الكروشيه
كتييييير بحب هالخيوط 3> بس كمان مابستعملها كتير .-.
لأنها بتخلي الأساور سميكة نوعاً ما وأنا بحب الأساور تكون خفيفة في اليد ^,^
بشكل عام في أنواع أساور معينة ماحلوة إلا بهادي الخيوط لهيك بحس وجودها ضروري وخصوصاً الخيط الملون (يعني خيط واحد فيه ألوان متدرجة) *,* رائع وبيعطي تأثير حلو ببساطة 3>
 
4. الخيوط الي مابعرف اسماءها .-.
نعم نعم إنها الخيوط الي مابعرف اسمها هههههههههه
كتييير بيسألوني تحديدا عن اسم الخيط الي لونه متل لون قوس قزح بس والله والله مابعرف اسمو “^”
عنجد مابعرف بظن هي مانها خيوط، يمكن تعتبر ربطات أو حبال والله مابعرف بس المهم الها استخدامات خاصة رح اعرضها ببوست كمان ان شاء الله ^_^
هيك بكون صار عندكم فكرة بشكل عام عن الخيوط الي رح تلزمكم لصناعة أساور الصداقة 3>
لو في اي استفسار اسألوني بالتعليقات ^_^ 
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s